Sunday, March 3, 2024
- Advertisement -
- Advertisement -
ስፖርትገነነ መኩሪያ ከእግር ኳስ ተጫዋጭነት እስከ ስፖርት ዜናዊነት (1957-2016)

ገነነ መኩሪያ ከእግር ኳስ ተጫዋጭነት እስከ ስፖርት ዜናዊነት (1957-2016)

ቀን:

በእግር ኳስ ተጫዋችነት፣ በጋዜጠኝነትና በደራሲነት በማገልገል ሦስት አሠርታትን ተሻግሯል፡፡

በእግር ኳስ ተጫዋችነት ሜታ ቢራና ጨምሮ ለተለያዩ ክለቦችና ለሸዋ ምርጥ ተሰልፎ ተጫውቷል፡፡ የመንግሥት ለውጥን ተከትሎ የግል ፕሬስ ሲጀመር በቅድሚያ ከሌሎች ባለሙያዎች ጋር በመሆን ‹‹ሻምፒዮን›› የተባለች ሳምንታዊ የስፖርት ጋዜጣ አዘጋጅቷል፡፡

ገነነ መኩሪያ ከእግር ኳስ ተጫዋጭነት እስከ ስፖርት ዜናዊነት (1957-2016) | Ethiopian Reporter | ሪፖርተር

- Advertisement -

Video from Enat Bank Youtube Channel.

ገነነ ብዙም ሳይቆይ በየሁለት ሳምንቱ የምትወጣና በስፖርት ቤተሰቡ ትጠበቅ የነበረች ‹‹ሊብሮ›› ጋዜጣን በማሳተም ለዓመታት ዘልቋል፡፡ ከወቅታዊ ዜናዎች ባሻገር አገራዊውን የስፖርትና የስፖርተኞች ታሪክ በመሰነድም በማስተዋወቅም ታዋቂ ነው፡፡ ማን ቢሉ ገነነ መኩሪያ በቅጽል ስሙ ሊብሮ፡፡

የጋዜጣ ኅትመቱ ከቆመ በኋላ ወደ ሬዲዮና ቴሌቪዥን በመሸጋገር ስፖርትን፣ ታሪክን ያማከሉ መሰናዶዎችን እስከ ኅልፈቱ ድረስ ያቀርብ ነበር፡፡ ለእግር ኳሱ በሙያው ላበረከተው የላቀ አስተዋፅኦም በአዲስ አበባ በተዘጋጅቶ በነበረው የአኅጉራዊው የእግር ኳስ ኮንፌዴሬሽን የ60ኛ ዓመት የካፍ ጉባዔ ላይ የረጅም ዘመን አገልግሎት ሜዳይ ተበርክቶለታል።

በታሪካዊ መረጃዎች ዕውቀቱ ‹‹ተንቀሳቃሽ ቤተ መጻሕፍት›› የሚል ቅጽል ስም ያገኘው ገነነ ስምንት መጻሕፍትን ማለትም ‹‹ኢህአፓና ስፖርት›› በሦስት ቅጾች፣  ‹‹ፍትሐዊ የጠጅ ክፍፍል››፣ ‹‹መኩሪያ›› ፣ ‹‹ኢትዮጵያዊ ሥልጠና››፣ ‹‹የአሸናፊ ግርማ የሕይወት ታሪክ›› አዘጋጅቶ አሳትሟል፡፡

ከመጻሕፍቱ መካከል የፊልም ባለሙዎችን ቀልብ የሳበው ‹‹ኢሕአፓና ስፖርት›› መነሻ በማድረግ 2008 ዓ.ም. ‹‹የነገን አልወልድም›› ፊልምን አብርሃም ገዛኸኝ አዘጋጅቶ ለታዳሚዎች አቅርቧል፡፡

በተለያዩ መንግሥታዊና የግል ጋዜጦችና መጽሔቶች ስፖርታዊና ታሪካዊ መጣጥፎችን ሲያቀርብ በሬዲዮና ቲቪ ሲተርክ የኖረው ገነነ መኩሪያ በይርጋለም ከተማ የተወለደው መጋቢት 5 ቀን 1957 ዓ.ም. ነበር፡፡

ባደረበት ሕመም ምክንያት ሕክምናውን ሲከታል ቆይቶ ጥር 14 ቀን 2016 ዓ.ም. በ59 ዓመቱ ያረፈው ገነነ መኩሪያ፣ ሥርዓተ ቀብሩ ዛሬ ጥር 15 ቀን በ9 ሰዓት በመንበረ ጸባዖት ቅድስት ሥላሴ ካቴድራል ይፈጸማል፡፡

ነፍስ ኄር ገነነ መኩሪያ ባለትዳርና የሁለት ልጆች አባት ነበር፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...