Monday, February 26, 2024
- Advertisement -
- Advertisement -
ማኅበራዊበአማራ ክልል የሚገኙ የደም ባንኮች የተፈለገውን ያህል ደም አለመሰብሰባቸው ተነገረ

በአማራ ክልል የሚገኙ የደም ባንኮች የተፈለገውን ያህል ደም አለመሰብሰባቸው ተነገረ

ቀን:

በአማራ ክልል የሚገኙ የደም ባንኮች ባለው የፀጥታ ችግር ምክንያት እንደፈለጉት በተለያዩ ቦታዎች ተዘዋውረው መሥራት ባለመቻላቸው የተነሳ የሰበሰቡት ደም ዝቅተኛ መሆኑን፣ የኢትዮጵያ የደምና ኅብረ ህዋስ ባንክ አገልግሎት አስታወቀ፡፡

በአገር አቀፍ ደረጃ ከፍተኛ ደም ከሚሰበስብባቸው ክልሎች አንዱ አማራ ክልል ቢሆንም፣ ባለው የፀጥታ ችግር ምክንያት በ2016 ዓ.ም. ሩብ ዓመት በክልሉ የሚገኙ አሥር የደም ባንኮች የሰበሰቡት ደም ካቀዱት በታች ሊሆን መቻሉን፣ የኢትዮጵያ የደም ኅብረ ህዋስ ባንክ አገልግሎት ዳይሬክተር አቶ ሀብታሙ ታዬ ለሪፖርተር ተናግረዋል፡፡

በተለይም በክልሉ ከፍተኛ ደም በመሰብሰብ የሚታወቀው ባህር ዳር የሚገኘው የደም ባንክ መሆኑን የተናገሩት ዳይሬክተሩ፣ የደም ባንኩ የስድስት ወራት አፈጻጸሙ 65 በመቶ ያህል ደም መሰብሰብ እንደቻለ አክለው ገልጸዋል፡፡

- Advertisement -

Video from Enat Bank Youtube Channel.

በአጠቃላይ እንደ አገር በስድስት ወራት አፈጻጻሙ ላይ ለማሰባሰብ የታቀደው 200 ሺሕ ዩኒት የደም ከረጢት ሲሆን፣ ከዚህ ውስጥም 169,288 ዩኒት የደም ከረጢት መሰብሰብ እንደተቻለ አስረድተዋል፡፡

የ2016 ዓ.ም. የስድስት ወራት አፈጻጸም 84 በመቶ ማሳካት የተቻለ መሆኑን ጠቅሰው፣ ከዚህ ውስጥም 43,300 የሚሆነው የደም ከረጢት አዲስ አበባ ከተማ ላይ ሊሰበሰብ መቻሉን ጠቁመዋል፡፡  

በዚህ መሠረት እስካሁን የተሰበሰበው የደም መጠን ከክልል ክልል የሚለያይ ሲሆን፣ በአማራ ክልል ከዓምናው አንፃር ሲታይ የተሰበሰበው ደም በጣም ዝቅተኛ እንደሆነ ሪፖርቱ የሚያሳይ መሆኑን አብራርተዋል፡፡

በአገር አቀፍ ደረጃ 47 የደም ባንክ አገልግሎት ሰጪ ተቋማት ቢኖሩም፣ በከፍተኛ ሁኔታ ተቋም የደም እጥረት የሚያጋጥምበት ወቅት እንዳለ ዳይሬክተሩ ገልጸዋል፡፡

በተለይ በክረምትና በዓብይ ጾም ወቅት ደም የሚለግሱ ሰዎች ቁጥር በጣም እንደሚቀንስ ጠቅሰው፣ ይህንንም ችግር ለማለፍ የወጣቶች የደም ልገሳ ማኅበሮችን በመጠቀም ከፍተኛ እንቅስቃሴ የሚደረግ መሆኑን ገልጸዋል፡፡

በተለይ አንድ ሰው 450 ሚሊ ሊትር ደም ከለገሰ በኋላ ሦስት ወይም አራት የደም ተዋፅዖዎች እንደሚወጡ፣ ከእነዚህ ውስጥም ‹ፕሌትሌት› የሚባል የደም ተዋጽዖ አብዛኛውን ጊዜ የካንሰር ሕሙማን በስፋት የሚጠቀሙት የደም ዓይነት መሆኑን አስታውሰዋል፡፡

በሌላ በኩል ‹ኦ ኔጌቲቭ› የሚባል የደም ዓይነት በብዙ ሰዎች ስለማይኖር የለጋሾች ቁጥር አነስተኛ መሆኑን፣ ይህም የደም ዓይነት ለሁሉም ሰዎች የሚሰጥ ስለሆነ የዚህ የደም ዓይነት እጥረት በተለየ ሁኔታ እንደሚገጥማቸው ተናግረዋል፡፡

ኦ ኔጌቲቭ የደም ዓይነት በጦርነት ወቅት፣ በወሊድ ምክንያት ብዙ ደም ለሚፈሳቸው እናቶችና ሌሎች ጉዳት ላጋጠማቸው ወገኖች የደም ዓይነቱ እንደሚያገለግልና ይህንንም ደም በተፈለገው ልክ ለመሰብሰብ ችግር ውስጥ እንደሚገቡ አስታውሰዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...