Monday, February 26, 2024
- Advertisement -
- Advertisement -
ስፖርትለኮሎምቢያ ዓለም ዋንጫ ለማለፍ 90 ደቂቃ የቀራቸው ሉሲዎቹ ተስፋ ተጥሎባቸዋል

ለኮሎምቢያ ዓለም ዋንጫ ለማለፍ 90 ደቂቃ የቀራቸው ሉሲዎቹ ተስፋ ተጥሎባቸዋል

ቀን:

የኢትዮጵያ ሴቶች ከ20 ዓመት በታች ብሔራዊ ቡድን ዘንድሮ በኮሎምቢያ በሚከናወነው የዓለም ዋንጫ ለመካፈል የመጨረሻ ጨዋታቸውን ዛሬ እሑድ ጥር 12 ቀን 2016 ዓ.ም. በአበበ ቢቂላ ስታዲየም የሞሮኮ አቻቸውን ይገጥማሉ፡፡ 

ሉሲዎቹ ወደ ዓለም ዋንጫው ለማለፍ 90 ደቂቃ የቀራቸው ሲሆን፣ ከፍተኛ ተስፋ ተጥሎባቸዋል፡፡ 

በ2024 የኮሎምቢያ ዓለም ዋንጫ ከ20 ዓመት በታች ሴቶች ዋንጫ ውድድር ላይ አፍሪካን ለመወከል የሞሮኮና የኢትዮጵያ ብሔራዊ ቡድኖች የተፋጠጡ ሲሆን፣ የመጨረሻ ጨዋታው በአዲስ አበባ ከተማ ይከናወናል፡፡

- Advertisement -

Video from Enat Bank Youtube Channel.

የሞሮኮ አቻውን በአልጄ ጂዳ ከተማ በሚገኘው መሐሙድ ኤል አብ ዲስታዲየም የገጠሙት ሉሲዎቹ 2 ለ0 በሆነ ውጤት መረታታቸው ይታወሳል፡፡ 

በዚህም መሠረት ሉሲዎቹ ወደ ዓለም ዋንጫው ለማለፍ ዕድል ያላቸው ሲሆን ውጤቱን መቀልበስ ይጠበቅባቸዋል፡፡ 

በአሠልጣኝ ፍሬው ወልደ ገብርኤል የሚመሩት ሉሲዎቹ፣ ከሞሮኮ ከተመለሱ በኋላ መደበኛ ልምምዳቸውን ሲያደር ጉቆይተዋል፡፡ 

ብሔራዊ ቡድኑ በሞሮኮ ካደረገው ጨዋታ ስህተቶችን በማረምና በጥንቃቄ በመጫወት ውጤቱን ቀልብሶ አዲስ ታሪክ መጻፍ እንዲችል ተስፋ ሰንቋል፡፡ ሉሲዎቹ የመጨረሻ ጨዋታቸውን ማሸነፍ ከቻሉ፣ ከ22 ዓመታት በፊት ወደ አርጀንቲናው ዓለም ዋንጫ መሳተፍ የቻለውን የኢትዮጵያ ከ20 ዓመት በታች ወንዶች ብሔራዊ ቡድን ጋር ታሪክ መጋራት ይችላሉ፡፡ 

ሠላሳ አምስት የአፍሪካ ብሔራዊ ቡድኖች በተደለደሉበት ማጣሪያ፣ ኢትዮጵያ በሁለተኛ የምድብ ጨዋታዋን ኢኳቶሪያል ጊኒን በደርሶ መልስ 5 ለ2 መርታቱ ይታወሳል፡፡ በሦስተኛው የምድብ ጨዋታ የማሊ አቻውን የገጠመው የሉሲዎቹ ስብስብ በደርሶ መልስ 6 ለ0 በመርታት ወደ መጨረሻው ምዕራፍ መድረስ ችሏል፡፡ 

በአኅጉራዊ ውድድሮች እየደመቁ የመጡት የኢትዮጵያ ሴት ብሔራዊ ቡድኖች፣ በሁሉም ውድድር ተስፋ ሰጪ ውጤቶችን ሲያስመዘግቡ ይስተዋላል፡፡ በተለይ ከፍተኛ ትኩረት የሚሰጣቸው የወንድ ብሔራዊ እግር ኳስ ቡድኖች ውጤት እያሽቆለቆለ መምጣቱን ተከትሎ ለሴቶቹ አስፈላጊውን ትኩረት እንዳልተሰጣቸው ይነሳል፡፡ 

ይህም በብሔራዊ ፌዴሬሽኑ የተለመደው ቡድኖች ውጤት ሲያመጡ በሽልማት የማበረታታት ባህል በሴቶቹም መለመድ እንደሚገባ የሚተቹ በርካቶች ናቸው፡፡ 

በዚህም መሠረት በተለይ ቡድኖቹ በዓለም አቀፍ ውድድሮች እስከ መጨረሻ ምዕራፍ መጓዝ ሲችሉ ፌዴሬሽኑ በሽልማት ማበረታታት እንደሚገባው ይታመናል፡፡ 

በዓለም አቀፉ የእግር ኳስ አስተዳዳሪ አካል ፊፋ አማካይነት በሁለት ዓመት የሚከናወነው ሴቶች ከ20 ዓመት በታች ዓለም ዋንጫ ለ11ኛ ጊዜ በኮሎምቢያ ይስተናገዳል፡፡

ከነሐሴ 25 እስከ መስከረም 12 ቀን 2016 ዓ.ም. በኮሎምቢያ በሚሰናዳው የዓለም ዋንጫ 24 ብሔራዊ ቡድኖች ይሳተፋሉ፡፡

የመጨረሻ ምዕራፍ ላይ የደረሱትን የሉሲዎቹ ስብስብ ወደ ዓለም ዋንጫው ማለፍ ይችሉ ዘንድ ተመልካች በአበበ ቢቂላ ስታዲየም ተገኝቶ ድጋፉን እንዲሰጥ ጥሪ ቀርቧል፡፡ 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...