Thursday, June 20, 2024
- Advertisement -
- Advertisement -

ስፖርትበ13ኛው የቢጂአይ ኢትዮጵያ ሚዲያ  ዋንጫ ሠላሳ ሁለት የሚዲያ ተቋማት ይሳተፋሉ

በ13ኛው የቢጂአይ ኢትዮጵያ ሚዲያ  ዋንጫ ሠላሳ ሁለት የሚዲያ ተቋማት ይሳተፋሉ

ቀን:

ለ13ኛ ጊዜ የሚካሄደው የቢጂአይ ኢትዮጵያ እግር ኳስ ጨዋታ 32 የሚዲያ ተቋማት እንደሚሳተፉ ተገለጸ። ‹‹አዝናኙ ሲዝናና›› የሚል ስያሜን በያዘውና በአገሪቷ የሚገኙ የተለያዩ የሚዲያ ተቋማትን የሚያሳትፈው የሚዲያ እግር ኳስ ዋንጫ ጨዋታ ከታኅሣሥ 20 እስከ ጥር 18 ቀን 2016 ዓ.ም. በትንሿ ስታዲየም ይከናወናል።

ለዘንድሮው የእግር ኳስ ውድድር የዕጣ ማውጣት ሥነ ሥርዓት ታኅሣሥ 15 ቀን የተከናወነ ሲሆን፣ 32 ቡድኖች በስምንት ምድብ ተደልድለው፣ በአጠቃላይ 64 ጨዋታዎች ያደርጋሉ።

የሚዲያ ተቋማት የእርስ በእርስ ግንኙነታቸውን እንዲያጠናክሩና አድማጭ፣ ተመልካች፣ እንዲህም አንባቢዎች የሚዲያ አካላትን በአካል እንዲያገኙ ዕድል ለመፍጠር ዓላማን አንግቦ የተሰናዳ መሆኑን የውድድሩ አዘጋጅ አቶ አንዱዓለም አስፋው ለሪፖርተር ገልጸዋል።

- Advertisement -

ለውድድሩ አሸናፊዎች በአጠቃላይ 150 ሺሕ ብር ሽልማት የተዘጋጁ ሲሆን፣ በየጨዋታው ለምርጥ ተጫዋች ሽልማት እንደሚበራከትላቸው ተጠቅሷል። በውድድሩ ለሚሳተፉት ሁሉም ቡድኖች የመጫወቻ ትጥቅ በነፃ እንደሚቀርብላቸው ተገልጿል።

በሌላ በኩል ሙሉ ጨዋታው በሚዲያ ካፕ የዩቱዩብ ቻናል በቀጥታ እንደሚተላለፍ የውድድሩ አዘጋጅ አቶ አንዱአለም ጠቁሟል።

የመክፈቻ ጨዋታ ቅዳሜ ታኅሣሥ 20 ቀን በትንሿ ስታዲየም እንደሚጀምር ተገልጿል።  ዓመታዊው የቢጂአይ  ኢትዮጵያ የሚዲያ ዋንጫ ጨዋታ ፊስቲቫል የማድረግ ዕቅድ እንዳለ የገለጹት አዘጋጁ፣ በቀጣይ የተለያዩ የአፍሪካ አገሮች የሚዲያ ተቋማትን ለመጋበዝ ውጥን እንዳላቸው አስረድተዋል።

የምድብ ድልድል

በምድብ አንድ ትርታ ኤፍኤም 97.6፣ 4-3-3 ስፖርት በኢትዮጵያ፣ ኢቲቪ፣ የኢትዮጵያ ፌዴራል ፖሊስ የተደለደሉ ሲሆን፣ በምድብ ሁለት ሀገሬ ቲቪ፣ ስፖርት ዞን፣ ፕራይም ሚዲያ፣ ቢጂአይ ኢትዮጵያ ተደልድለዋል። በምድብ ሦስት አፍኤም አዲስ 97.1፣ ኢትዮፒካሊንክ፣ ኢትዮ ኤፍኤም 107.8፣ አርትስ ቲቪ ሲደለደሉ፣ በምድብ አራት በሥራት ሬዲዮ፣ ዳጉ ስፖርት፣ ኢትዮጵያ ፕረስ ድርጅትና አሻም ቲቪ ይገኙበታል።

በምድብ አምስት አዲስ ሚዲያ ኔትወርክ፣ ሪፖርተር፣ አዲስ ዋልታ ኤፍኤም 105.3፣ ብሥራት ቲቪ ሲደለደሉ፣ በምድብ ስድስት ሆፕ ቻናል፣ መናኸሪያ ኤፍኤም ሬዲዮ 99.1፣ አሐዱ፣ አራዳ ኤፍኤም 95.1 ተደልድለዋል። በምድብ ሰባት ላይፍ ኢዝ ጉድ፣ ኬቲቪ፣ ኢትዮ ዲጄና ባላገሩ ቲቪ የሚገኙ ሲሆን፣ በምድብ ስምንት ዓባይ ቲቪ፣ አዲስ ዋልታ ቲቪ፣ ኢቢኤስእና የኢትዮጵያ ዜና አገልግሎት ተደልድለዋል።

ለመጀመሪያ ጊዜ 32 ቡድኖች ተካፋይ በሚሆኑበት በዚህ ውድድር 450  የሚዲያ ባለሙያዎች ተሳታፊ እንደሚሆኑም ተገልጿል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...