Sunday, March 3, 2024
- Advertisement -
- Advertisement -
ማኅበራዊትምህርት ሚኒስቴር ከ16 ሚሊዮን ብር በላይ የሚያወጡ የአይሲቲ መሣሪያዎችን ተረከበ

ትምህርት ሚኒስቴር ከ16 ሚሊዮን ብር በላይ የሚያወጡ የአይሲቲ መሣሪያዎችን ተረከበ

ቀን:

የዩኔስኮ-ሁዋዌ ‹‹ቴክኖሎጂ ኢነብልድ ኦፕን ስኩል ሲስተምስ ፎር ኦል›› በተባለው ፕሮጀክት፣ ከ16 ሚሊዮን ብር በላይ የሚያወጡ የኢንፎርሜሽን ኮሙዩኒኬሽን ቴክኖሎጂ መሣሪያዎችን ለትምህርት ሚኒስቴር አስረከበ።

በርክክቡ የተገኙት የአጠቃላይ ትምህርት ልማት ዘርፍ ሚኒስትር ደኤታ ወ/ሮ አየለች እሸቴ፣ የኢንፎርሜሽን ኮሙዩኒኬሽን ቴክኖሎጂ መሣሪያዎች ልገሳ ለሁለተኛ ደረጃ ተማሪዎች መልካም ዕድል ለመፍጠር በር የሚከፍት መሆኑን ጠቅሰዋል።

የተለያዩ የትምህርት ግብዓቶችን እንዲፈትሹ፣ ዕውቀታቸውን ከመማርያ መጻሕፍት በላይ እንዲያሰፉና ከሰፊው ዓለም አቀፍ የመረጃና የመማርያ ተሞክሮዎች ጋር እንዲገናኙ እንደሚያስችላቸውም አክለዋል።

- Advertisement -

Video from Enat Bank Youtube Channel.

በአፍሪካ ኅብረት የዩኔስኮ ግንኙነት ጽሕፈት ቤት ዳይሬክተርና የኢትዮጵያ ተወካይ ሪታ ቢሶናውት (ዶ/ር)  እንዳሉት፣ ዩኔስኮ ይህንን አቅም በመገንዘብ ከሁዋዌ ቴክኖሎጂና ከትምህርት ሚኒስቴር ጋር በመተባበር በፕሮጀክቱ የዲጂታል ክህሎት ልዩነቱን ለማጥበብ፣ ቀውስን የሚቋቋም የትምህርት ሥርዓት ለመዘርጋት፣ የሁለተኛ ደረጃ ትምህርት ላይ ያተኮሩ የመምህራንና የትምህርት ተቋማትን አቅም በማሳደግ ፍትሐዊና ሁሉንም ያካተተ የትምህርት ጥራትን ለማሳደግ በፕሮጀክቱ እየሠራ መሆኑን ጠቅሰዋል።

እንደ ሪታ (ዶ/ር)፣ በኢትዮጵያ በየተለያዩ ክልሎች ለሚገኙ 24 ሁለተኛ ደረጃ ትምህርት ቤቶች የሚከፋፈሉና የራሳቸው ሙሉ መለዋወጫዎች ያላቸው 480 ታብሌቶች፣ 48 አክሰስ ፖይንት እና 24 ስማርት ቦርዶች ማስረከባቸውን መሣሪያዎቹ ወደ 300,000 ዶላር ወጪ እንደተደረገባቸው ጠቁመዋል።

የዩኔስኮ ሁዋዌ ፕሮጅክት እ.ኤ.አ. ከ2020-2023 እየተካሄድ ሲሆን፣ በኢትዮጵያ፣ በግብፅና በጋና እየተተገበረ ይገኛል፡፡

ፕሮጀክቱ በቴክኖሎጂ የታገዘ ቀውስ የሚቋቋም የትምህርት ቤት ሥርዓትን ለመገንባት ያለመ የአጠቃላይ ትምህርት ፕሮግራም ሲሆን፣ ከትምህርት ቤቶች፣ ከቤትና ከሌሎች ቦታዎች ሆኖ ትምህርትን ተደራሽ በማድረግ የትምህርትን ቀጣይነት ለማረጋገጥ ያስችላል ተብሏል፡፡

ፕሮጀክቱ ተማሪዎች በመደበኛ ትምህርት ወይም በችግር ውስጥ ቢሆኑም፣ የትምህርት ጥራት ላይ እንዲያተኩሩ፣ ትምህርት ቤቶችም በቴክኖሎጂ የታገዙ እንዲሆኑና ሁሉንም አካታች፣ ፍትሐዊና ጥራት ያለው ትምህርት ለመስጠት ያለመ መሆኑም ተገልጿል።

በኢትዮጵያ የዚህ ፕሮጀክት አጠቃላይ ዓላማ፣ የሁለተኛ ደረጃ ትምህርት ቤቶችን በቴክኖሎጂ የታገዙ፣ ሁሉን አቀፍና ቀውስን እንዲቋቋሙ ማስቻል ሲሆን፣ ተማሪዎች ቀጣይነትና ጥራት ያለው ትምህርት እንዲያገኙ ለማረጋገጥ የሚያስችል ነው።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...