Sunday, March 3, 2024
- Advertisement -
- Advertisement -
ማኅበራዊካቶሊካዊት ቤተ ክርስቲያን በቤተ እምነቶች ላይ የሚደርሰው ጥቃት አሳስቦኛል አለች

ካቶሊካዊት ቤተ ክርስቲያን በቤተ እምነቶች ላይ የሚደርሰው ጥቃት አሳስቦኛል አለች

ቀን:

  • በነበረው ግጭት ምክንያት ካህናትና ዲያቆናት ታግተው እንደነበር ተገልጿል

በኢትዮጵያ በግጭት ምክንያት በቤተ እምነቶች ላይ የሚደርሰው ጥቃት እንዳሳሰባትና በሰላም እጦት ሳቢያ ከቀዬአቸው ተፈናቅለው ለሚገኙ ወገኖች ድጋፍ ለመስጠት መቸገሯን፣ የኢትዮጵያ ካቶሊካዊት ቤተ ክርስቲያን አስታወቀች፡፡

የኢትዮጵያ ካቶሊካዊት ቤተ ክርስቲያን ይህንን የገለጸችው ማክሰኞ ታኅሣሥ 9 ቀን 2016 ዓ.ም. ከተለያዩ የሃይማኖት ተቋማት የመጡ የቤተ እምነት ካህናት ተገኝተው በአሥር ዓመት ዕቅድ ዙሪያ ውይይት ባካሄዱበት ወቅት ነው፡፡

የቤተ ክርስቲያኒቱ የማኅበር ልማት ኮሚሽን ዋና ዳይሬክተር አቶ በቀለ ሞገስ ለሪፖርተር እንደገለጹት፣ በኢትዮጵያ ውስጥ በሰላም ዕጦት ከቀዬአቸው የተፈናቀሉ ወገኖችን ለመደገፍ ቤተ ክርስቲያኒቷ የበኩሏን ድርሻ እየተወጣች ነው፡፡

- Advertisement -

Video from Enat Bank Youtube Channel.

ከዚህ በፊት በምዕራብ ሸዋና በመቂ አካባቢ በተፈጠረው ግጭት የቤተ ክርስቲያኗ ካህናትና ዲያቆናት በታጣቂዎች ታግተው እንደነበር ገልጸው፣ በወቅቱም ክስተቱን በውይይት በመፍታት የሃይማኖት አባቶችን ማስፈታት እንደተቻለ አስረድተዋል፡፡

የኢትዮጵያ ካቶሊካዊት ቤተ ክርስቲያን ከተመሠረተች ጊዜ ጀምሮ፣ በማኅበራዊ ልማት ከፍተኛ ሥራዎችን ተግባራዊ ስታደርግ መቆየቷን ያስታወሱት ዳይሬክተሩ፣ በአሁኑ ወቅት በድርቅና በጦርነት ሳቢያ ከቀዬአቸው ለተፈናቀሉ ወገኖች አራት ሚሊዮን ብር በመመደብ የተለያዩ ድጋፎችን እያደረጉ መሆኑን አብራርተዋል፡፡

በአማራ፣ በትግራይ፣ በአፋርና በሌሎች ክልሎች ለሚገኙ ስምንት ሚሊዮን ሰዎች ድጋፍ በማድረግ ላይ ቢሆኑም፣ ግጭት ባሉባቸው አካባቢዎች ድጋፍ ለመስጠት መቸገራቸውን ጠቁመዋል፡፡

በተለይ በምግብ፣ በትምህርትና በሰላም ዙሪያ ሰፊ እንቅስቃሴ ለማድረግ ቅድመ ዝግጅት መጠናቀቁን ጠቅሰው፣ ከዚሁ ጎን ለጎን በኢትዮጵያ ያለውን የሥራ አጥ ቁጥር ለመቀነስ ዕቅድ ተይዞ እየተሠራ ነው ብለዋል፡፡

የአንድ አገር ኢኮኖሚያዊ፣ ማኅበራዊና ፖለቲካዊ ዕድገት መሠረት ሰላም መሆኑን በመረዳት መንግሥት አፋጣኝ መፍትሔ ማበጀት እንዳለበት ለሪፖርተር ተናግረዋል፡፡

በሌላ በኩል ግጭት ባሉባቸው አካባቢዎች ብቻ ሳይሆን በተያያዥ ጉዳዮች የሰላም ዕጦት እንደሚታይ ገልጸው፣ የችግሩን አሳሳቢነት ወደኋላ በመተው ከአካባቢው ማኅበረሰብ ጋር ቅንጅት በመፍጠር እየተሠራ መሆኑን አክለዋል፡፡

በኢትዮጵያ በየጊዜው እየተፈጠረ ያለውን የሰላም ዕጦት ለመቅረፍ መንግሥት፣ መንግሥታዊ ያልሆኑና የሃይማኖት ተቋማት ቅንጅት ፈጥረው እንዲሠሩ ጥሪ አቅርበዋል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...