Sunday, March 3, 2024
- Advertisement -
- Advertisement -
ማኅበራዊየዘንድሮው የላልይበላ የገና በዓል ታዳሚ ከሁለት ሚሊዮን ወደ 300 ሺሕ ሊወርድ ይችላል...

የዘንድሮው የላልይበላ የገና በዓል ታዳሚ ከሁለት ሚሊዮን ወደ 300 ሺሕ ሊወርድ ይችላል ተባለ

ቀን:

ቀደም ባሉት ዓመታት (ዘመናት) ከሁለት ሚሊዮን በላይ ምዕመናን ይታደሙበት የነበረው በላልይበላ የሚከበረው የገና በዓል ዘንድሮ ግን ታዳሚው እስከ ሦስት መቶ ሺሕ ሊወርድ እንደሚችል የቅዱስ ላልይበላ ገዳም አስታወቀ፡፡

በላሊበላ ሁለት ሚሊዮን ገደማ ምዕመናን ይታደሙበት እንደነበር የተነገረው የገና በዓል፣ ዘንድሮ ክልሉ ባጋጠመው የፀጥታ ችግር ምክንያት ቁጥራቸው ከሦስት መቶ ሺሕ እንደማይበልጥ፣ የደብረ ሮሐ ቅዱስ ላሊበላ ገዳም ዋና አስተዳዳሪ አባ ህርያቆስ ፀጋዬ ለሪፖርተር ተናግረዋል፡፡

የእምነቱ ተከታዮችና ከእምነቱ ውጪ ያሉ ‹‹በአገር ውስጥና ከአገር ውጪ የሚገኙ እንግዶች የሚታደሙበት ታላቅ በዓል ነው›› ያሉት አባ ህርያቆስ ከጎጃም፣ ከጎንደር፣ እንዲሁም ከሰሜን ሸዋና ከወሎ አካባቢዎች የተወሰኑ ምዕመናን በእግርና በተሽከርካሪ ሊመጡ ይችላሉ የሚል ግምት እንዳለ ተናግረዋል፡፡ በበዓሉ ከሚታደሙ ምዕመናን አብዛኛዎቹ በአውሮፕላን ከሩቅ እንደሚመጡ አክለዋል፡፡

- Advertisement -

Video from Enat Bank Youtube Channel.

‹‹በዚህ ሁለትና ሦስት ሳምንት ምን ሊፈጠር እንደሚችል አናውቅም፡፡ ምናልባት የፀጥታ ችግሩ ከተረጋጋና እንደ ቀድሞው ከሆነ የምዕመናን ቁጥር ከዚህ በላይ ሊጨምር ይችላል፤›› ሲሉ ዋና አስተዳዳሪው ገልጸዋል፡፡

ወጣቶች በተለያዩ ችግሮች ወደ ተለያዩ አካባቢዎች የፈለሱ ቢሆንም፣ ያሉትን በማስተባበር የእንግዶችን እግር ለማጠብና ሌሎች የተለመዱ መስተንግዶዎችን ለማድረግ ዝግጅት እየተደረገ መሆኑን አባ ህርያቆስ ተናግረዋል፡፡

ባለፈው ዓመት በዓሉ ሲከበር ‹‹የሚያሠጋ ነገር አልነበረም›› ያሉት ዋና አስተዳዳሪው፣ ‹‹ከትግራይ በኩል ያሉ ወገኖቻችን መሳተፍ አልቻሉም ነበር፡፡ ከዚህ ውጪ ከመላው ኢትዮጵያ የመጡ ምዕመናን በርካታ ነበሩ፤›› ብለዋል፡፡

‹‹በአሁኑ ወቅት ያለየለት የእርስ በርስ ግጭት ውስጥ ብንሆንም፣ ወደ በዓሉ በሚመጡ ወገኖች ላይ አስቦ ጉዳት የሚያደርስ ኃይል አለ ብለን አናስብም፤›› ያሉት አባ ህርያቆስ፣ ነገር ግን በድንገት የተኩስ ልውውጥ ካለ የሚሞቱት ንፁኃን ዜጎች በመሆናቸው ሥጋት ሊኖር ይችላል ስሉ አስረድተዋል፡፡

ከአዲስ አበባና ከተለያዩ አካባቢዎች በተሽከርካሪ የሚመጡ ምዕመናን ቁጥር ሊቀንስ ይችላል የሚል ሥጋት እንዳላቸው ዋና አስተዳዳሪው ገልጸዋል፡፡

‹‹በዓሉ የበረከት ነው፤›› ያሉት አባ ህርያቆስ፣ የላሊበላ አብያተ ክርስቲያናትን ለማድነቅ ብቻ ሳይሆን የእምነትን ፍሬ ለማግኘት የሚመጡ ምዕመናን በእግዚአብሔር ተማምነው በመምጣት የበዓሉ ተሳታፊ እንዲሆኑ መልዕክታቸውን አስተላልፈዋል፡፡

የአካባቢው ማኅበረሰብም በዓሉን በታላቅ ተስፋ ስለሚጠብቅ እንግዶችን ለመቀበል መዘጋጀቱን ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...