Friday, March 1, 2024
- Advertisement -
- Advertisement -
ዜናአቶ ታዬ ደንደአ ‹‹ኢትዮጵያን ለማፍረስ ሠርተዋል›› በሚል ተጠርጥረው በቁጥጥር ሥር ዋሉ

አቶ ታዬ ደንደአ ‹‹ኢትዮጵያን ለማፍረስ ሠርተዋል›› በሚል ተጠርጥረው በቁጥጥር ሥር ዋሉ

ቀን:

  • ከትናንት በስቲያ በጠቅላይ ሚኒስትሩ ከኃላፊነታቸው ተሰናብተው ነበር

ከሁለት ዓመታት በላይ የሰላም ሚኒስትር ደኤታ ሆነው ሲያገለግሉ የነበሩትን አቶ ታዬ ደንደአ፣ ‹‹ኢትዮጵያን ለማፍረስ ሠርተዋል›› በሚል ተጠርጥረው ማክሰኞ ታኅሳስ 2 ቀን 2016 ዓ.ም. በቁጥጥር ሥር ውለዋል።

የፀጥታና ደኅንነት የጋራ ግብረ ኃይል ማክሰኞ ታኅሳስ 2 ቀን 2016 ዓ.ም. ባወጣው መግለጫ እንዳሳወቀው፣ አቶ ታዬ ‹‹ኢትዮጵያን ለማፍረስ ከሚንቀሳቀሱ ፀረ ሰላም ኃይሎች ጋር በመተሳሰር ለጥፋት ተልዕኮ በኅቡዕ ሲሠሩ ተደርሶባቸዋል፤›› ብሏል፡፡

አቶ ታዬ ከቅርብ ጊዜ ወዲህ ለተለያዩ የመገናኛ ብዙኃን በሚሰጧቸው ቃለ ምልልሶችና በማኅበራዊ ትስስር ገጻቸው ከሚያገለግሉት መንግሥት ሌሎች ኃላፊዎች በተቃራኒ፣ አስተያየቶች ሲሰጡና መንግሥትን ሲተቹ እንደነበር ይታወሳል፡፡

- Advertisement -

Video from Enat Bank Youtube Channel.

ሰኞ ታኅሳስ 1 ቀን 2016 ዓ.ም. ጠቅላይ ሚኒስትር ዓብይ አህመድ (ዶ/ር) አቶ ታዬን ከሥልጣን ያሰናበቱ ሲሆን፣ አቶ ታዬ በይፋዊ የማኅበራዊ ትስስር ገጻቸው የስንብት ደብዳቤውን አጋርተው ጠቅላይ ሚኒስትሩን በይፋ ዘልፈው እንደነበር የሚታወስ ነው፡፡

‹‹ስለነበረን አጭር ቆይታ አመሠግናለሁ፤›› ብለው የስንበት ደብዳቤያቸውን ባጋሩበት የማኅበራዊ ትስስር ገጽ የገለጹት አቶ ታዬ፣ ጠቅላይ ሚኒስትሩን ‹‹በተናገሩት የማይኖሩ ብቻ ሳይሆኑ በሰው ደም የሚጫወቱ አረመኔ መሆንዎን ተረድቻለሁ፤›› ሲሉ ስድብ አዘል ወቀሳ ሰንዝረዋል፡፡

አቶ ታዬ በመልዕክታቸው የተሰናበቱበትን ምክንያት ሲያስረዱ፣ ‹‹ነገሩ ገብቶኝ የወንድማማቾች መገዳደል ይቆም ዘንድ ለሰላም በመወገኔ ከሥልጣን አነሱኝ፤›› ብለዋል፡፡

የጋራ ግብረ ኃይሉ የሰላም ሚኒስትር ደኤታ የነበሩትን የአቶ ታዬን መኖሪያ ቤት ታኅሳስ 2 ቀን 2016 ዓ.ም. በፈተሸበት ወቅት፣ ‹‹በህቡዕ ለሚያደርጉት ፀረ ሰላም እንቅስቃሴ ሲገለገሉባቸው ነበር›› ያላቸውን በርካታ ቁሳቁሶች እንዳገኘ አስታውቋል፡፡

አቶ ታዬ በአገሪቱ የተለያዩ አካባቢዎች ለተፈጸሙ የሽብር ድርጊቶች፣ ‹‹በተለይም ደግሞ ከዕገታ ጋር በተያያዘ›› እጃቸው ያለበት መሆኑን የጋራ ግብረ ኃይሉ እንደደረሰበት በመግለጫው አስረድቷል፡፡

‹‹በመንግሥት ቁጥጥር ሥር ሊውሉ እንደሚችሉ ሲገምቱ ታጋይ ለመምሰል በራሳቸውና በተለያዩ የማኅበራዊ ሚዲያ ትስስር ገጾች አፍራሽና ፀረ ሰላም ጽሑፎችን በማናለብኝነት ሲያስተላልፉ ቆይተዋል፤›› ሲል መግለጫው ያትታል፡፡

የፌዴራል መንግሥትና ኦነግ ሸኔ ለሁለተኛ ጊዜ ያደረጉት የሰላም ንግግር ያለምንም ስምምነት መጠናቀቁ በኅዳር ወር አጋማሽ ይፋ ተደርጎ ነበር፡፡ አቶ ታዬም ከዚህ የሰላም ድርድር በስምምነት ካለመጠናቀቅ በኋላ በተለያዩ ሚዲያዎችና ማኅበበራዊ ትስስር ገጻቸው፣ ለድርድሩ አለመሳካት መንግሥትን ጨምሮ ሁሉንም ወገኖች ሲወቅሱ እንደነበር አይዘነጋም፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...