Friday, March 1, 2024
- Advertisement -
- Advertisement -
ማኅበራዊለሰፊ የሥራ ዕድል ፈጠራ ማነቆ የሆኑ

ለሰፊ የሥራ ዕድል ፈጠራ ማነቆ የሆኑ

ቀን:

ኢትዮጵያ ካላት የሕዝብ ቁጥር ግማሽ ያህሉ ሮጦ ያልጠገበ ሠርቶ ያልደከመ  ወጣት አምራች ኃይል ስለመሆኑ በተደጋጋሚ ይነሳል።

ይህ ትኩስ ኃይል አገርን ከመገንባት አኳያ ሲታይ ሳይሰለቸው የሚሠራ  ሁሌም ለአዲስ ነገር የሚታትር በመሆኑ ከፍ ያለ ሚና እንዳለው ይታመናል፡፡

ይሁን እንጂ ኢትዮጵያ ወጣቶቿን በአግባቡ ተጠቅማለች ወይ የሚለው ጉዳይ አጠያያቂ መሆኑ አይቀርም፡፡

- Advertisement -

Video from Enat Bank Youtube Channel.

ምክንያቱም ወጣት ተምሮም ራሱን በሚችልበት እንዲሁም ሮጦ ባልጠገበበትና ሠርቶ ደከመኝ ሰለቸኝ በማይልበት ወቅት ሥራ በማጣት ከቤት የሚውለውን ራሱ ቤት ይቁጠረው።

ይህም ሆኖ በመንግሥትና በግሉ ዘርፍ በየወቅቱ የሥራ ዕድልን ለመፍጠር በሚል በርካታ ንቅናቄዎች ይደረጋሉ፡፡

ይሁን እንጂ አሁንም የሥራ ዕድል ተፈጥሮላቸው ወደ ሥራ የተሰማሩት ወጣቶች  ቁጥር ባጠቃላይ ካለው ቁጥር ጋር ሊወዳደር አይችልም ቢባልም፣ መንግሥት በበኩሉ በየዓመቱ እስከ ሦስት ሚሊዮን ለሚደርሱ ወጣቶችን የሥራ ዕድል በመፍጠርና የሙያ ሥልጠና በመስጠት በሚፈልጉት የሥራ ዘርፍ ለማሰማራት  አበክሮ እየሠራ መሆኑን ይናገራል።

የሥራ ዕድልን ከመፍጠር  አንፃር የግል ተቋማትና  ማኅበራት ድርሻም ቀላል አይደለም፡፡

ለአብነትም የሥራ አጦችን ቁጥር ለመቀነስና የሥራ ዕድልን ለመፍጠር በሚል ከአራት ዓመት በፊት የአምስት ዓመት ዕቅድ ይዞ ወደ ተግባር የገባው ማስተር ካርድ ፋውንዴሽን አንዱ ሲሆን፣ እስካሁን ለ1.27 ሚሊዮን ወጣቶች ሥራ እንዲያገኙ ማድረጉን አሳውቋል።

ፋውንዴሽኑ ከአጋር አካላት ጋር በመሆንና ከመንግሥት ጋር በመተባበር የወጣቶችን የሥራ አጥነት ችግር ለመቅረፍ ከግሉ ሴክተር፣ ከአካዴሚክ ተቋማትና ከወጣቶች የሥራ ዕድል ፈጠራ ኮሚሽን ጋር በመሆን እየሠራ መሆኑን፣ ‹‹አካታችና ለሁሉም ተደራሽ የፋይናንስ አገልግሎት ለሥራ ዕድል ፈጠራ ያለው አስተዋፅኦ›› በሚል ኅዳር 25 ቀን 2016 ዓ.ም. ባዘጋጀው የመድረክ ውይይት ላይ ተናግሯል።

በውይይቱም ለወጣቶች ሰፊ የሥራ ዕድልን ለመፍጠር ማነቆ ከሆኑት ችግሮች   ውስጥ የገንዘብና የመሥሪያ ቦታ እጥረቶች እንዲሁም እስካሁን መፈታት ያልቻለው  የአደረጃጀት ችግር መሆናቸው ተነስቷል።

ባንኮች ዝቅተኛውን የማኅበረሰብ ክፍል ከማገልገል አኳያ አፈጻጸማቸው ዝቅተኛ  መሆኑ ተመላክቷል።

በሌላ በኩል የሥራ አጥነት ምጣኔው ከሴቶችና ከወንዶች አንፃር ሲታይ ወንዶች ሥራ ፈልገው የማግኘትና የመሥራት ዕድላቸው በጣም ሰፊ ሲሆን፣ በአንፃሩ ሴቶች   በተለያዩ ማኅበራዊና ኢኮኖሚያዊ ተፅዕኖዎች ምክንያት ሥራ የማግኘት ዕድላቸው ጠባብ መሆኑ ተጠቁሟል።

እ.ኤ.አ. በ2021 ዓለም አቀፉ የሠራተኛ ድርጅት አቀረበው በተባለው ሪፖርት  የሴቶች የሥራ አጥ ቁጥር 11.7 በመቶ ሲይዝ፣  የወንዶች  ደግሞ  5.0 በመቶ ሥራ የሌላቸው፣ እንዲሁም በዕድሜ ደረጃ  ከ15-29  ባለው የዕድሜ ክልል ያሉ ወጣቶች  7.7 በመቶ የሚሆኑት ሥራ አጥ መሆናቸውን ተመላክቷል።

በሌላ በኩል ሥራ አጥነት ከገጠር አካባቢዎች ይልቅ በከተሞች በእጅጉ ጎልቶ እንደሚታይ ተነግሯል።

‹‹ለሴቶች ልዩ ትኩረት ተሰጥቶ ይሠራል ከማለትና ከቁጥር ባለፈ ሴቶችን ተጠቃሚ የሚያደርጉ ምን ዓይነት አሠራሮች ተዘርግተዋል?›› የሚል ጥያቄ ከሴቶች በኩል የተነሳ ሲሆን፣ ሴቶች በሚሰማሩበት የሥራ ዘርፍ ውጤታማ ከመሆናቸው ባለፈ  ብድር ወስደው በወቅቱ የመመለስ አቅማቸው ከወንዶች የተሻለ በመሆኑ፣ ልዩ ትኩረት ተሰጥቶ ሊሠራ ይገባል ሲሉ የሥራና ክህሎት ሚኒስትር ደኤታ አቶ ንጉሡ ጥላሁን  ተናግረዋል፡፡

ማይክሮ ፋይናንሶች ከማኅበራዊ ተሳትፏቸው እየወጡ ስለመሆናቸው የተናገሩት አቶ ንጉሡ፣ ባንኮች በዓመት አምስት በመቶ የሚሆን ብድር ለኢንተርፕራይዞች እንዳቀረቡ በብሔራዊ ባንክ አቅጣጫና መመሪያ ቢኖርም፣ አለመተግበሩ፣ በአጠቃላይ የገንዘብ አቅርቦት እንደ አገር ሲታይ  ፈጣንና ተደራሽ ካለመሆኑም በላይ ፍትሐዊ አይደለም ብለዋል።

ችግሮቹ እንዴት ይፈታሉ ለሚለው ደግሞ በጋራ በመወያየትና ተቀራርቦ  ለመሥራት መነጋገር አስፈላጊነቱን አንስተዋል። በተለይ በግሉ ዘርፍ በጣም የተሻለ ፈጠራ አቅርበው ነገር ግን የቦታ ነገር ምጥ ሆኖባቸው የሚያለቅሱ ወጣቶች መኖራቸውን የጠቆሙት አቶ ንጉሡ፣ እነዚህና መሰል ችግሮች በመንግሥት በኩል መፍትሔ እንደሚበጅላቸው፣ ከብቃት አንፃር ደግሞ ወጣቶቹን ማሠልጠን ከሠለጠኑና ለሥራው ብቁ ከሆኑ በኋላ መሸለምና ማበረታታት የማስተር ካርድ ፋውንዴሽን ሌጋሲ ነው ብለዋል።

ባንኮች በቂ የሆነ ብድርን እያቀረቡ አይደለም ተብሎ ከመድረኩ ለተነሳው ጥያቄ፣ የኢትዮጵያ ብሔራዊ ባንክ የባንክ ዘርፍ ሱፐርቪዥን ምክትል ገዥ አቶ ፍሬዘር አያሌው፣ ባንኮች ጤናማ የሆነ የብድር አገልግሎት እንዲያቀርቡ ከማድረግ በዘለለ ተበዳሪዎች የሚወስዱትን የብድር መጠንና የዋስትና ሁኔታን እንደሚከታተሉ ተናግረዋል።

ስለብድር አሰጣጥ ባንኮች ያለ ዋስትና ብድሮችን የሚሰጡበት አግባብና መመሪያ ስለመኖሩ የተናገሩት አቶ ፍሬዘር፣ ተንቀሳቃሽ ንብረትን በዋስትና በመያዝ አምስት በመቶ በግብርናና በኢንተርፕራይዝ ዘርፍ ለተሰማሩ ወጣቶች ተንቀሳቃሽ ንብረቶችን እንደ ዋስትና በመያዝ ማበደር መቻል አለባቸው ብለዋል።

በሌላ በኩል ሥራ ፈጣሪዎች ያላቸውን አዕምሮአዊ ንብረት አስይዘው ብድር እንዲወስዱ ባንኩ እንደሚያበረታታ አውስተው፣ ባንኩ እንደ አገር እየተፈተንባቸው ካሉ ጉዳዮች ውስጥ ያልተጠበቀ የዋጋ ግሽበት መኖር መሆኑን ጠቅሰዋል፡፡ የዋጋ ግሽበቱም በዋናነት ዝቅተኛ የኑሮ ደረጃ ላይ ያለውን የማኅበረሰብ ክፍል እየጎዳ እንደሆም ሳይናገሩ አላለፉም፡፡

በሌላ በኩል በተለይ ደግሞ በገጠራማው አካባቢ ለሚገኙ ዕድሜያቸው እስከ 35 ለሆኑ ከስድስት መቶ ሺሕ በላይ ሴቶች በቀጣዩ አምስት ዓመት ሰፊ የሥራ ዕድልን ለመፍጠር አቅዶ ወደ ሥራ መግባቱን የተናገረው በግብርና ትራንስፎርሜሽን ኢንስቲትዩት የአደይ ፕሮግራም ምክትል ዳይሬክተር አቶ ካሳሁን ተካ ናቸው።

ኘሮጀክቱ ከማስተርካርድ ፋውንዴሽን በተገኘ የ14.5 ሚሊዮን ዶላር የገንዘብ ድጋፍ፣ በቀጣይ የሥራ ዕድል ለመፍጠር የታሰበ መሆኑን የተናገሩት አቶ ካሳሁን፣ የሥራ ዕድል ፈጠራው ተጠቃሚ ከሚሆኑት 80 በመቶ ሴቶች ናቸው።

በስምንት ክልሎች የሚገኙ ሴቶችን በተለያዩ ሥራዎች ላይ ለማሳተፍ ያቀደው ፕሮጀክቱ ተምረው ሥራ በማጣታቸው ብቻ ለተለያዩ ችግሮች ተጋላጭ ለሆኑ ወጣቶች መልካም ዕድል ይዞ የመጣ ነው ብለዋል፡፡

ከዚህ ባለፈ ተምረው ዲግሪና ማስተርስ ይዘው፣ ነገር ግን በማይፈልጉትና በማይመጥናቸው ሥራ ላይ የተሰማሩ ወጣቶችን ጭምር ለማገዝና በአገር ደረጃ የሚታየውን የሥራ አጥነት ችግር ለማቃለል በዕቅድ ደረጃ የተያዘው ቁጥር ወደ መሬት  ወርዶ ከተተገበረ ሰፊ ድርሻን መያዙን አመልክተዋል፡፡

ፕሮጀክቱ ወደ ተግባር ሲገባና ይተገበርባቸዋል በተባሉ ክልሎች ተደራሽ ሲሆን፣ የሥራ ዕድልን ከመፍጠር በተጨማሪ ሰላምና መረጋጋትን በማስፈን በኩል ትልቅ ሚና ይኖረዋል ያሉት አቶ ካሳሁን፣ ወጣቶች በተለያዩ ሱሶችና መሰል ድርጊቶች ወስጥ እንዳይገቡ ኃላፊነቱን ይወጣል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...