Friday, March 1, 2024
- Advertisement -
- Advertisement -
ማኅበራዊኢትዮጵያ የዓለም ሠራተኞች ድርጅት ስምምነቶችን ቀድማ የፈረመች ቢሆንም በተግባር እየፈጸመች አለመሆኑ ተጠቆመ

ኢትዮጵያ የዓለም ሠራተኞች ድርጅት ስምምነቶችን ቀድማ የፈረመች ቢሆንም በተግባር እየፈጸመች አለመሆኑ ተጠቆመ

ቀን:

ኢትዮጵያ ዓለም አቀፍ የሠራተኞች ድርጅት ስምምነቶች ላይ ቀድማ የፈረመች ቢሆንም፣ በአፈጻጸም ዝቅተኛ ከሚባሉ አገሮች ተርታ እንደምትመደብ ተነገረ፡፡

ከዓለም አቀፍ የሠራተኞች ድርጅት ጋር የተፈረሙ ስምምነቶች በተግባር ካለመፈጸማቸው ባሻገር፣ ያልተፈረሙ ስምምነቶች እንዳሉ የኢትዮጵያ ሠራተኞች ማኅበራት ኮንፌዴሬሽን ፕሬዚዳንት አቶ ካሳሁን ፎሎ ተናግረዋል፡፡

ኢትዮጵያ የዓለም ሠራተኞች ድርጅት ስምምነቶችን ቀድማ የፈረመች ቢሆንም በተግባር እየፈጸመች አለመሆኑ ተጠቆመ | Ethiopian Reporter | ሪፖርተር
የዓለም ሠራተኞች ድርጅት መቶኛ ዓመት
በተከበረበት ወቅት

ኢትዮጵያ ዓለም አቀፍ የሠራተኞች ድርጅት የፈረመችበትን መቶኛ ዓመት ኅዳር 24 ቀን 2016 ዓ.ም. ባከበረችበት ወቅት ንግግር ያደረጉት አቶ ካሳሁን፣ በሠራተኞች የመደራጀት መብት ላይ በርካታ ችግሮች አሉ ብለዋል፡፡

- Advertisement -

Video from Enat Bank Youtube Channel.

ኢትዮጵያ የሠራተኞችን በነፃ የመደራጀትና የመደራደር መብት በ1955 ዓ.ም. የፈረመች፣ በአሠሪና ሠራተኞች አዋጅ የወጣና እንዲሁም ሕገ መንግሥቱ ዕውቅና የሰጠው ቢሆንም፣ በገንዘብና በሰው ኃይል እጥረት ምክንያት አሁንም በርካታ ሠራተኞች መደራጀት አለመቻላቸውን ፕሬዚዳንቱ ተናግረዋል፡፡

ኢትዮጵያ ማንኛውም ሠራተኛ እንዲደራጅ የሚፈቅደውን ስምምነት የፈረመች ቢሆንም የመንግሥት ሠራተኞችም ሆኑ የግል ሠራተኞችም አብዛኛዎቹ አልተደራጁም ሲሉ አቶ ካሳሁን ጠቁመዋል፡፡

ከሦስት ሚሊዮን ሠራተኞች ወደ አንድ ሚሊዮን የሚጠጉት ብቻ መደራጀታቸውን የተናገሩት ፕሬዚዳንቱ፣ የመደራጀት ነፃነቱ ቢኖር ችግሩ በዚህ ልክ አይሆንም ነበር ብለዋል፡፡

ዝቅተኛ የደመወዝ ወለል ተግባራዊ አለመሆኑን በተመለከተም፣ ‹‹ዝቅተኛ የደመወዝ ወለል ማለት ሠራተኛው በልቶ ወደሥራ የሚሄድበት እንጂ ለተሻለ ኑሮ የሚያበቃው ክፍያ ማለታችን አይደለም፤›› ሲሉ አቶ ካሳሁን ገልጸዋል፡፡

በሰሜኑ ጦርነትና በአሁኑ ወቅት በአማራ ክልልና በኦሮሚያ አንዳንድ አካባቢዎች ባለው ግጭት ሠራተኞች እየታገቱ፣ እየተገደሉና እንዲሁም ከሥራቸው እየተፈናቀሉ እንደሚገኙ የገለጹት ፕሬዚዳንቱ፣ በጦርነቱ በተለይ አንዳንድ ድርጅቶች ዳግም ላይመለሱ መውደማቸውን ጠቁመዋል፡፡

በእነዚህ ድርጅቶች ይሠሩ የነበሩ ሠራተኞች ዕርዳታ ጠባቂ ከመሆን የዘለለ ምርጫ የላቸውም ሲሉም አክለዋል፡፡

በአሁኑ ወቅትም በአማራ ክልል ባለው ግጭት ድርጅቶች ነፃ ሆነው ባለመሥራታቸው እንዲሁም በኦሮሚያ ክልል በአንዳንድ ቦታዎች በሠራተኞች ላይ እየደረሰ ባለው ዕገታና ግድያ ሠራተኞች ለከፋ ችግር መጋለጣቸውን ፕሬዚዳንቱ ጠቁመዋል፡፡

ከአንድ ዓመት ተኩል በፊት ከአንድ የእርሻ ልማት በአንድ ወር ጊዜ ውስጥ 33 ሠራተኞች እንደሞቱ በምሳሌነት የጠቀሱት አቶ ካሳሁን፣ በሙገርና ዳንጎቴ ሲሚንቶ ፋብሪካዎችም የማገትና የማሰቃየት ሁኔታዎች ስለመኖራቸው ገልጸዋል፡፡

የዓለም ሠራተኛ ድርጅት ሁለት መቶ የሚደርሱ ስምምነቶች ቢኖሩትም፣ ከእነዚህ ውስጥ ኢትዮጵያ 23ቱን ብቻ በመፈረሟና እንዲሁም ከእነዚህ ውስጥ ብዙዎቹ አለመተግበራቸው ለእነዚህና ተያያዥ ለሆኑ ቁልፍ ችግሮች ምክንያት እንደሆነ ጠቅሰዋል፡፡

የዓለም ሠራተኛ ድርጅትም ሆነ የሠራተኞች ኮንፌዴሬሽን በተደጋጋሚ ከሚያነሷቸው ጥያቄዎች ውስጥ የሠራተኞች ዝቅተኛ የደመወዝ ወለል አለመወሰን እንደሆነ በዋናነት ይጠቀሳል ያሉት አቶ ካሳሁን፣ ጥያቄው በአሠሪና ሠራተኞች አዋጅ ቁጥር 11/56 የሚወስነው የደመወዝ ቦርድ ይቋቋማል የሚል ቢሆንም፣ እስካሁን ምንም ዓይነት እንቅስቃሴ አለመጀመሩን ተናግረዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...