Friday, March 1, 2024
- Advertisement -
- Advertisement -
ዜናየኦሮሚያ ባንክና የዳይሬክተሮች ቦርድ አስመራጭ ኮሚቴ ክስ ተመሠረተባቸው

የኦሮሚያ ባንክና የዳይሬክተሮች ቦርድ አስመራጭ ኮሚቴ ክስ ተመሠረተባቸው

ቀን:

የባንክ ሥራ አዋጅ ቁጥር 592/2000 እና የባንክ ሥራ ፈቃድ አሰጣጥና ቁጥጥር መመርያ SSB/71/2019ን በሚቃረን ሁኔታ፣ የኦሮሚያ ባንክ አክሲዮን ማኅበር ዳይሬክተሮች ቦርድ አባላትን ለመሾም ጠቅላላ ጉባዔ ጠርቷል የተባለው የኦሮሚያ ባንክ ዳይሬክተሮች ቦርድ አስመራጭ ኮሚቴና የኦሮሚያ ባንክ አክሲዮን ማኅበር ክስ ተመሠረተባቸው፡፡

አስመራጭ ኮሚቴው የጠራው ጠቅላላ ጉባዔ እንዲሰረዝ ክስ የመሠረተው፣ ጅማ ዩኒቨርሲቲ የቁሳቁስ ማምረቻና ጥገና ኢንተርፕራይዝ ሲሆን፣ ክሱንም ለፌዴራል የመጀመርያ ደረጃ ፍርድ ቤት ንግድና ኢንቨስትመንት ችሎት ትናንት ኅዳር 25 ቀን 2016 ዓ.ም. አቅርቧል፡፡

የኦሮሚያ ባንክና የዳይሬክተሮች ቦርድ አስመራጭ ኮሚቴ ክስ ተመሠረተባቸው | Ethiopian Reporter | ሪፖርተር

- Advertisement -

Video from Enat Bank Youtube Channel.

ኢንተርፕራይዙ ክስ ሊመሠርት የቻለው፣ በኦሮሚያ ባንክ አክሲዮን ማኅበር ውስጥ ከሁለት በመቶ በላይ ባለድርሻ በመሆኑና በአዋጅ ቁጥር 592/2000 አንቀጽ 2 (11) እና የባንክ ሥራ ፈቃድ አሰጣጥና ቁጥጥር መምሪያ SSB/71/2019 አንቀጽ 2 (7) መሠረት፣ ተፅዕኖ ፈጣሪ ባለድርሻ ቢሆንም፣ እሱ ያቀረባቸው ዕጩዎች ያልተካተቱበትና ያልጠቆማቸው ዕጩዎች ለሕዝብ ይፋ መደረጋቸው ተገቢ አለመሆኑን በክሱ ዝርዝር አስፍሯል፡፡

የጅማ ዩኒቨርሲቲ የቁሳቁስ ማምረቻና ጥገና ኢንተርፕራይዝ የሚጠቁማቸው ዕጩዎች ከፍተኛ ድምጽ ይዘው ለውድድር ዕጩዎች፣ ኮሚቴው በመጀመርያ ማስታወቂያው ከሌሎች ዕጩዎች ጋር አካቶ በመገናኛ ብዙኃን ይፋ ያደረገ ቢሆንም፣ በሁለተኛ ማስታወቂያው የኢንተርፕራይዙን ዕጩዎች ሳያካትት ማውጣቱ ተገቢ እንዳልሆነ በክሱ ገልጿል፡፡

ኢንተርፕራይዙ ‹‹አልጠቆምኳቸውም›› ያላቸውን ዕጩዎች ከመመርያው አንቀጽ 5(4) ተቃራኒ በሆነ ሁኔታ ለሕዝብ ይፋ ማድረግ መመርያውን መጣስ መሆኑን አስታውቋል፡፡

የኦሮሚያ ባንክ አክሲዮን ማኅበር፣ አስመራጭ ኮሚቴ በመመርያው መሠረት ነፃና ገለልተኛ ሆኖ በሕግ የተጣለበትን የቦርድ ዳይሬክተሮችን ጥቆማና ምርጫ እንዳያካሂድ ጣልቃ በመግባት፣ ኢንተርፕራይዙ ያለውን መብትና ጥቅም ጉዳት ላይ እንደጣለው በክሱ አብራርቷል፡፡

ኢንተርፕራይዙ በባንኩ ጣልቃ ገብነትና ጥቆማ መሠረት ለሁለተኛ ጊዜ አላግባብ ከሕግ ውጪ በሚዲያ ለሕዝብ ይፋ በማድረግ፣ ሦስት ዕጩዎችን (ስማቸውን ጠቅሷል) ከመመርያ ውጪ በዕጩነት ማቅረቡን ተቃውሟል፡፡

ተከሳሾቹ በመመርያው አንቀጽ 10.1.5 መሠረት፣ አንድ የቦርድ አባል ከሁለት ጊዜ በላይ የቦርድ አባል ሆኖ መመረጥ እንደማይችል በግልጽ የተደነገገ ቢሆንም፣ ሦስት አባላትን ለሦስተኛ ጊዜ ዕጩ አድርጎ ማቅረቡን አስታውቋል፡፡

በመመርያው አንቀጽ 8.4.5 ድንጋጌ መሠረት ዕጩ ሆነው የቀረቡ የቦርድ አባላትን ስም ዝርዝር በጋዜጣ ላይ ከአንድ ወር ባላነሰ ጊዜ ማቆየት የሚገባ ቢሆንም፣ ተከሳሾች ግን በአጭር ጊዜ ጥሪ አድርገው ጠቅላላ ጉባዔውን ለኅዳር 29 ቀን 2016 ዓ.ም. ጥሪ ማድረጋቸው ተገቢ ባለመሆኑ እንዲሰረዝ ጠይቋል፡፡

በአጠቃላይ ተከሳሾች የባንኩን ሕግና መመርያ ወደ ጎን በመተው፣ የኢንተርፕራይዙን ተፅዕኖ ፈጣሪነት ዕድል በመጠቀም ያቀረባቸውን ዕጩዎች ድምፅ በማሳነስና ለሕዝብም ይፋ የተደረገበትና ጠቅላላ ጉባዔው ለስብሰባ የተጠራበት ጊዜ ስድስት ቀናት ብቻ በመሆኑ እንዲታረም በክሱ ጠይቋል፡፡ በተጨማሪም ጅማ ዩኒቨርሲቲ የቁሳቁስ ማምረቻና ጥገና ኢንተርፕራይዝ በባንኩ ያለውን ከፍተኛ ድርሻ መነሻ በማድረግ በተፅዕኖ ፈጣሪነቱ ያቀረባቸውን ዕጩዎች በመቀበል፣ በመመርያው መሠረት ድምፅ እንዲኖራቸውና እንዲወዳደሩ ዳኝነት ጠይቋል፡፡ ከመመርያው በተቃረነ ሁኔታ ለሦስተኛ ጊዜ ባንኩና አስመራጭ ኮሚቴው እንዲወዳደሩ ያቀረቧቸው ዕጩ አባላት እንዲሰረዙና የዕጩዎቹ ዝርዝር በመመርያው መሠረት ለአንድ ወር ያህል ለሕዝብ ጥቆማ ይፋ ተደርጎ እንዲቆይ፣ ለኅዳር 29 ቀን 2016 ዓ.ም. የተጠራው ጠቅላላ ጉባዔ ተሰርዞ፣ እንደገና ሒደቱ ተጠብቆ የዕጩዎች ምርጫ እንዲካሄድ ውሳኔ እንዲሰጥለት ዳኝነት መጠየቁን ክሱ ያስረዳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...