Monday, February 26, 2024
- Advertisement -
- Advertisement -
ማኅበራዊበተፅዕኖ ውስጥ የወደቀውን ቱሪዝም ለማነቃቃት እንቅስቃሴ መጀመሩ ተገለጸ

በተፅዕኖ ውስጥ የወደቀውን ቱሪዝም ለማነቃቃት እንቅስቃሴ መጀመሩ ተገለጸ

ቀን:

  • ቴሌቪዥን ታቢያ ማቋቋም ይገኝበታል

በተለያዩ ተፅዕኖዎች ውስጥ የወደቀውን ቱሪዝም ለማነቃቃት የቴሌቪዥን ጣቢያ ማቋቋምን ጨምሮ የተለያዩ ሥራዎችን አጠናክሮ ሊቀጥል መሆኑን የኢትዮጵያ ቱሪዝምና ሆቴል ማርኬት ማኅበር አስታወቀ፡፡

መንግሥት በጥቅምት 2016 ዓ.ም. የቱሪዝም ወር በማለት በሳይንስ ሙዚየም የአገርህን ዕወቅ ፕሮግራም ማከናወኑን ያስታወሱት የማኅበሩ ፕሬዚዳንት አቶ ጌታሁን ዓለሙ፣ የኢትዮጵያን ቱሪዝም እንደ ኬንያ፣ ታንዛኒያና ደቡብ አፍሪካ ለማድረግ የአገሪቱን የቱሪዝም ሀብት በስፋት ማስተዋወቅ እንደሚጠይቅ፣ ለዚህም ራሱን የቻለ ቴሌቪዥን ጣቢያ ማቋቋም አስፈላጊ መሆኑን ተናግረዋል፡፡

የኢትዮጵያ ቱሪዝም ሙሉ ለሙሉ የሚተዋወቅበትና 24 ሰዓት በቱሪዝም ላይ የሚሠራ ሚዲያ ባለመኖሩም ይህንን ለማስጀመር የማኅበሩ ምክትል ፕሬዚዳንት አቶ ፍሬወርቅ ቱፋ ሃማ ለፕሮጀክቱ ማስጀመሪያ አሥር ሚሊዮን ብር ድጋፍ አድርገዋል ብለዋል፡፡

- Advertisement -

Video from Enat Bank Youtube Channel.

ማኅበሩ የኢትዮጵያን ቱሪዝም ለማሳደግና በአገር ሁለንተናዊ ዘርፍ ላይ አስተዋጽኦ ለማድረግ፣ ሆቴሎች ጥራትና ደረጃቸውን የጠበቁ እንዲሆኑ ለማስቻል መቋቋሙን አስታውሰው፣ ኢትዮጵያን በቱሪዝም ዘርፉ ለማስተዋወቅ ማኅበሩ የቱሪዝም አምባሳደር እንደሚያስፈልገውና ይህንንም እንደመረጠ ገልጸዋል፡፡

ማኅበሩ አርቲስት ምሕረት ታደሰ (ፒፒሎ)ን፣ የማኅበሩ የቱሪዝም አምባሳደር አድርጎ የመረጠ ሲሆን፣ በቀጣይ አንድ ዓመት የኢትዮጵያን የቱሪዝም ዘርፍ ከሌሎች የጎረቤት አገሮች ጋር ተወዳዳሪ እንዲሆንና ኢትዮጵያ ያላትን የተፈጥሮና ሰው ሠራሽ የቱሪዝም ሀብቶች ለዓለም ማስተዋወቅ ላይ በትጋት ትሠራለች ተብሎ ይጠበቃል ብለዋል፡፡

ከኮቪድ 19 ወረርሽኝ በፊት 60 ሚሊዮን ጎብኚ አፍሪካን መጎብኘቱን፣ ኢትዮጵያን አንድ ሚሊዮን እንዳልጎበኛት፣ ይህም ኢትዮጵያን በማስተዋወቅ በኩል ብዙም እንዳልተሠራ፣ በኋላ በተጀመሩ እንቅስቃሴዎች የጎብኚዎች ፍሰት በ2023፣ 28 በመቶ ዕድገት ማሳየቱን የተባበሩት መንግሥታት መረጃ እንደሚያሳይ ገልጸዋል፡፡

በሰሜኑ አካባቢ ባሉ ችግሮች ምክንያት በደቡብ አካባቢ እየሠሩ መሆኑን፣ የትራንዚት እንግዶችን ይዘው እንደሚሠሩ፣ ሆኖም ከትራንዚት ጋር ያሉ የአሠራር ሥርዓቶችን ማሻሻል እንደሚያስፈልግ ተናግረዋል፡፡

የቱሪስት መዳረሻዎችን የማልማትና አዳዲስ መዳረሻዎችን የመሥራት ዕቅድ መያዙንም አክለዋል፡፡ አዲስ አበባን ለማስጎብኘት ለትራንዚት ኢትዮጵያ የሚገቡ ዜጎች ረዥም ሰዓት እንደማይኖራቸውና ይህንን ለማስተካከል ከትራንዚት ጎብኚዎች ጋር በተያያዘ የቪዛና የደኅንነት ጉዳዮችን አስመልክቶ ከሚመለከታቸው አካላት ጋር እየሠሩ መሆኑን ገልጸዋል፡፡

ኢትዮጵያ የአፍሪካ ኅብረትና የተለያዩ ዓለም አቀፍ ተቋማት መቀመጫ መሆኗ በማይስ ኢንዱስትሪ እንዲሠሩ ማስቻሉንና ይህንን አጠናክረው እንደሚሠሩበት ተናግረዋል፡፡

የኒዮ ሶሳይቲ ሥራ አስፈጻሚ አባል ወ/ሮ ሐዋ ሁሄ በኢትዮጵያንና ትውልደ ኢትዮጵያውያን የተቋቋመው ሶሳይቲ ለመሥራት ካቀዳቸው ስምንት ዋና ፕሮጀክቶች አንዱ ቱሪዝም ላይ ያተኮረ በመሆኑ፣ ከማኅበሩ ጋር በመሆን አብረው ለመሥራት የመግባቢያ ሰነድ መፈራረማቸውን ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...