Friday, March 1, 2024
- Advertisement -
- Advertisement -
- Advertisement -

ፌርማታ ፅሁፎች

‹‹በእስራኤልና በሐማስ ጦርነት 57 ጋዜጠኞች ተገድለዋል››

ትኩስ ፅሁፎች

ተቀማጭነቱ በኒውዮርክ የሆነው የጋዜጠኞች መብት ተከላካይ ድርጅት (Committee to Protect Journalists – CPJ)፣ እ.ኤ.አ. ከኦክቶበር 7 ቀን 2023 ጀምሮ በእስራኤልና በሐማስ መካከል በተካሄደው ጦርነት 57 ጋዜጠኞች መገደላቸውን አስመልክቶ ካወጣው መግለጫ የተወሰደ፡፡ በሲፒጄ መግለጫ መሠረት 50 ፍልስጤማውያን፣ 4 እስራኤላውያንና 3 ሊባኖሳውያን ጋዜጠኞች ተገድለዋል፡፡ ከሟቾቹ በተጨማሪ 11 ጋዜጠኞች ጉዳት ሲደርስባቸው፣ 3 ጋዜጠኞች የደረሱበት አልታወቀም፡፡ እንዲሁም 19 ጋዜጠኞች በእስር ላይ መሆናቸው ሪፖርት እንደተደረገለት ሲፒጄ አስታውቋል፡፡ በሲፒጄ መግለጫ መሠረት ደም አፋሳሹ ከባድ ጦርነት ከተጀመረ ወዲህ በርካታ ጥቃቶች በሚዲያ ተቋማትና በጋዜጠኞች ላይ የተሰነዘሩ ሲሆን፣ ከእነዚህም መካከል ማስፈራሪያዎች፣ የሳይበር ጥቃቶች፣ ሳንሱርና የቤተሰብ አባላት ግድያ ተጠቃሽ ናቸው ተብሏል፡፡ ሲፒጄ ያልተረጋገጡ ያላቸው የጋዜጠኞች ግድያ፣ እስራት፣ ማስፈራራቶች፣ ጉዳቶች፣ እንዲሁም የሚዲያ ተቋማት ቢሮዎችን ከጥቅም ውጪ ማድረግና የጋዜጠኞችን ቤቶች ማፈራረስ ሪፖርት እንደተደረጉለት በመግለጫው አስታውቋል፡፡ የሲፒጄ የመካከለኛው ምሥራቅና የሰሜን አፍሪካ አስተባባሪ ሸሪፍ መንሱር፣ ‹‹… በተለይ ጋዛ ውስጥ የነበሩ ጋዜጠኞች ከባድ ዋጋ ከመክፈላቸውም በላይ በርካታ የሥራ ባልደረቦቻቸውን፣ ቤተሰቦቻቸውንና ቢሮዎቻቸውን ከማጣታቸውም በላይ መሸሻ ጭምር ነው ያጡት…›› ሲሉ እስካሁን ያሳለፉትን መከራ ፅኑነት አስረድተዋል፡፡ በምሥሉ ላይ ጋዜጠኞች በጦርነቱ የተገደለ የሥራ ባልደረባቸውን አስከሬን ሲሰናበቱ ይታያሉ፡፡

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች