Sunday, March 3, 2024
- Advertisement -
- Advertisement -
ማኅበራዊየፈጠራ ሥራዎች ‹‹ከሐሳብ እስከ ትግበራ›› የሚገለጹበት ኤክስፖ

የፈጠራ ሥራዎች ‹‹ከሐሳብ እስከ ትግበራ›› የሚገለጹበት ኤክስፖ

ቀን:

በኢትዮጵያ በተለይም በትምህርት ቤቶች የተለያዩ የፈጠራ ሥራዎችን የሚሠሩ ታዳጊ ወጣቶች ቁጥር ከጊዜ ወደ ጊዜ እየጨመረ መምጣቱ በተደጋጋሚ ይነገራል፡፡ የእነዚህን ወጣቶች የፈጠራ ሥራዎች ወደ ምርትና አገልግሎት መቀየር ግን ብዙ እየተሠራበት አይደለም በሚል ይተቻል፡፡

የቴክኖሎጂ የፈጠራ ውጤት በዓለም የበርካታ ሰዎችን ገጽታ ከመቀየር አልፎ፣ ለማኅበራዊና ለኢኮኖሚያዊ ዕድገት ምሰሶ መሆኑ ይታመናል፡፡ በኢትዮጵያም የፈጠራ ሥራን ወደ ተሻለ ደረጃ ለማሳደግና የዘርፉ ተዋናዮች እርስ በእርስ የልምድ ልውውጥ እንዲያደርጉ ለማስቻል፣ ከጥር 15 እስከ 19 ቀን 2016 ዓ.ም. ድረስ የሚቆይ ኤክስፖ በድሬዳዋ ከተማ ይካሄዳል፡፡

‹‹ከሐሳብ እስከ ትግበራ›› በሚል መሪ ቃል ለአምስት ቀናት በድሬዳዋ ከተማ በሚካሄደው ኤክስፖ፣ ከሁሉም ክልል የሚመጡ 200 የመንግሥትና የግል ድርጅቶች እንዲሁም 100 የሚደርሱ የውጭ አገር የቴክኖሎጂ ተቋማትና ከ50 በላይ ኢንተርፕራይዞች ይሳተፋሉ፡፡

- Advertisement -

Video from Enat Bank Youtube Channel.

የስካይሊንግ ቴክኖሎጂ ድርጅት ሥራ አስኪያጅ አቶ መሐመድ ከሪም አህመድ እንደገለጹት፣ ኢትዮጵያን ከዓለም ፈጣን የቴክኖሎጂ ዕድገት ተጠቃሚ ለማድረግ ሥራዎች እየተሠሩ ነው፡፡

በቴክኖሎጂ ዘርፍ መንግሥት እያደረገ ያለውን ሽግግርና እየታየ ያለውን ዕድገት ከማሳየት አንፃር፣ የኤክስፖ መድረክ ሰፊ ጥቅምና ለአገርም ትልቅ ተሞክሮ የሚያመጣ መሆኑን አክለዋል፡፡

በኤክስፖው በአገር ውስጥ የሚገኙ የግልና የመንግሥት የቴክኖሎጂ ምርትና አገልግሎት አቅራቢዎች ከሌሎች አገሮች ጋር ተሞክሮ የሚለዋወጡበት መሆኑን  አስረድተዋል፡፡

ከጀማሪ ኢንተርፕራይዞች እስከ ትልልቅ የቴሌኮም ኦፕሬተሮች ድረስ አዳዲስ የቴክኖሎጂ ፈጠራዎችን በማምጣት እየሠሩ ያሉ ወይም የኢትዮጵያን የቴክኖሎጂ ገበያ ለመቀላቀል ያቀዱ ድርጅቶች ተጠቃሚ የሚሆኑበት መሆኑን ተናግረዋል፡፡

ስካይሊንግ ቴክኖሎጂ ችግር ፈቺ የሆኑ የተለያዩ የቴክኖሎጂ ውጤቶች ማለትም በሶፍትዌር ዴቨሎፕመን፣ በኔትወርኪንግና በሴኪውሪቲ ወጣቱ የቴክኖሎጂ ዕውቀቶችን የሚያዳብርበትን የተለያዩ ሥዎች እየሠራ እንደሆነም አብራርተዋል፡፡

ድሬዳዋ የዘመናዊ የኢትዮጵያ ንግድ፣ ኢንቨስትመንት የቴክኖሎጂ ውጤትና የበርካታ ኢንዱስትሪዎች የትውልድ ቦታ መሆኗን የድሬዳዋ አስተዳደር ከንቲባ አቶ ከድር ጁሃር ተናግረው፣ በአስተዳደራቸው ከኮቪድ-19 ወረርሽኝ በኋላ ለመጀመሪያ ጊዜ በአገር አቀፍ ደረጃ የሚዘጋጅ ኤክስፖ መሆኑን፣ በኤክስፖውም ከ40,000 በላይ ጎብኚዎች ይሳተፋሉ ተብሎ እንደሚጠበቅ ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...