Friday, March 1, 2024
- Advertisement -
- Advertisement -
ኪንና ባህልኢትዮጵያውያን የታደሙበት የኳታር ዓለም አቀፍ የጥበብ ፌስቲቫል

ኢትዮጵያውያን የታደሙበት የኳታር ዓለም አቀፍ የጥበብ ፌስቲቫል

ቀን:

የተለያዩ የሥነ ጥበብ ሥራዎች ከዓለም አገሮች በተውጣጡ ባለሙያዎች የቀረቡበት የኳታር ዓለም አቀፍ አርት ፌስቲቫል፣ በኳታር ዶሃ ሰኞ ኅዳር 10 ቀን 2016 ዓ.ም. ተከፍቷል፡፡

በዶሃ ‹‹ካልቸራል ዞን›› የተከፈተው የአርት ፌስቲቫል፣ ለተከታታይ አምስት ቀናት የሚቆይ ሲሆን፣ ከ60 በላይ አገሮች የተውጣጡ ከ300 በላይ አርቲስቶች ሥራቸውን አቅርበዋል፡፡

ኢትዮጵያውያን የታደሙበት የኳታር ዓለም አቀፍ የጥበብ ፌስቲቫል | Ethiopian Reporter | ሪፖርተር

- Advertisement -

Video from Enat Bank Youtube Channel.

ለአምስተኛ ጊዜ በተካሄደው የ‹‹አርት ፌስቲቫል ኤክስፖ 2023 ዶሃ›› እየተሳተፉ የሚገኙ አገሮች ባህላቸውንና የሥነ ጥበብ ሥራዎቻቸውን አስመልክተው እርስ በርስ ግንዛቤ የሚለዋወጡበት፣ ለተለያዩ ጎብኚዎችም አገራቸውን የሚያስተዋውቁበት መሆኑን የፌስቲቫሉ አዘጋጆች ካታራ ካልቸራል ቪሌጅ ፋውንዴሽን፣ ማፕ ኢንተርናሽናልና ኤክስፖ 2023 ዶሃ በሰጡት ጋዜጣዊ መግለጫ አስታውሰዋል፡፡

ገልፍ ታይምስ እንደዘገበው፣ አምስተኛው ዙር አርት ፌስቲቫል፣ 12 ዝግጅቶች የተካተቱበትና የተለያዩ የፈጠራ ሥራዎች የሚቀርቡበት ነው፡፡ የሥዕል፣ የሙዚቃ፣ የሥነ ቅርፅ፣ የፋሽን ትዕይንት፣ ዲጂታል አርት፣ ኮንፈረንሶች፣ የአርቲስቲክ ወርክሾፖች፣ ዲጂታል አርት፣ የባህል ምሽትና ውይይት የሚካሄድበት ይሆናል፡፡

ሠዓሊ ዳዊት ለገሰ በ‹‹ኢትዮጵያ ሥነ ጥበብ አሁን›› ማኅበራዊ ትስስር ገጹ      እንዳጋራው፣ በኳታር ዓለም አቀፍ የጥበብ ፌስቲቫል እሱና ሌሎች ኢትዮጵያውያን ጓደኞቹ ኢትዮጵያን ወክለው እየተሳተፉ ይገኛሉ። በመክፈቻ ዝግጅቱም የኳታር መንግሥት ባለሥልጣናት፣ በኳታር የኢትዮጵያ አምባሳደር ፈይሰል አልይ እንዲሁም ጥሪ የተደረገላቸው እንግዶች ተገኝተዋል፡፡

በፊስቲቫሉ፣ ሠዓሊያን ተሰማ ተምትሜ፣ ዳንኤል ሥዩም፣ እመቤት ቦጋለ፣ ሳምሶን መረሳ፣ ኤደን ሙሉ፣ እሱባለው ልመንህና ሊያ አድማሱ ኢትዮጵያን መወከል መቻላቸው መልካም ዕድል መሆኑን ዳዊት ተናግሯል፡፡

ሠዓሊያኑ ከጎብኝዎች እንዲሁም ከተሳታፊ ሠዓሊያን ጋር ጥሩ ውይይት ማድረጋቸውንና በዓውደ ርዕዩ ቀጥተኛ ሠዓሊዎች ከመሳተፋቸው ባለፈ በኪርዮተሮቻቸው የተወከሉም እንደነበሩ አክሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...