Saturday, July 20, 2024
- Advertisement -
- Advertisement -
- Advertisement -

ፌርማታ ፅሁፎች

እባክህ

ትኩስ ፅሁፎች

እንደ ቀልድ ተረሳ

ስለ ፍቅር ማውራት

በጨዋታ መሀል

ደስ እያለን ማውጋት

ነፍስን አስደስቶ፣ ጮቤ የሚያስረግጥ

አቅል እያሳተ፣ በደስታ የሚንጥ

ጽሑፎችን ማንበብ፣ የጣፈጠ ከማር

በአብሮነት ሐሳብ፣ ተወያይቶ ማማር

እንደምን ነጠፈ

ከእኛነታችን ላይ

በቃ መልስ ካጣን

እንይ እንጂ ወደላይ!

ውቦች የምንመስል፣ ቀፋፊ ሆነናል

ጥላቻን ደግፈን፣ ፍቅርን ነቅፈናል

ሰው መሆን ቀንሰን፣ አውሬነት ደማሪ

ገፍቶ የመጣል ሥሌት፣ ሌት ተቀን ቀማሪ

የድግምግም ሕይወት

ሁልጊዜ ኗሪዎች

አፈር ውስጥ ያልገቡ

በድኖ በቁም ሟቾች።

መሆናችንን ሳይ፣ ሁልጊዜ ይጨንቀኛል

የፊቱን ሳስበው፣ ሳልደርስ ያስጠላኛል

እንዴት ነው ሚመለስ፣ ጣፋጩ ፍቅራችን

ተናገሩ ቢሉን፣ ምንድነው መልሳችን?!

እባክህ ፈጣሪ

መፍትሔ አበጅልን፣ የሞት ሞት ሳንሞት

ልባችን አይጥቆር፣ ምሕረትህ አንሶት

ጭቃውን አቡካና፣ እንደገና ሥራን

በዕለት ተዕለት ኑሮ፣ ከሰይጣኑ ከፋን።

 (የግጥም አብዮት ማኅበራዊ ትስስር ገጽ፣ ኪዳ የገጠር ልጅ_ቅዱስ)

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች