Saturday, July 20, 2024
- Advertisement -
- Advertisement -
ኪንና ባህልግርማዊ ቀዳማዊ አፄ ኃይለ ሥላሴ የተዘከሩበት የጥቁሮች ታሪክ ወር

ግርማዊ ቀዳማዊ አፄ ኃይለ ሥላሴ የተዘከሩበት የጥቁሮች ታሪክ ወር

ቀን:

ጥቅምት በእንግሊዝ የጥቁሮች ታሪክ ወር ‹‹ብላክ ሂስትሪ መንዝ›› ተብሎ በብሔራዊ ደረጃ ይከበራል፡፡ በእንግሊዝ ጥቁር ሕዝቦች ያላቸው አስተዋጽኦ በተለያዩ ዝግጅቶች መከበር ከጀመረም ከ30 ዓመታት በላይ አስቆጥሯል፡፡ 

አጀማመሩ በእንግሊዝ የሚኖሩ የአፍሪካና የካሪቢያን ዝርያ ያላቸው ጥቁሮች ለሚያደርጉት አበርክቶ ዕውቅና ለመስጠት የነበረ ቢሆንም፣ አሁን ላይ የአፍሪካውያንና ካሪቢያውያን መሠረት ያላቸው ብቻ ሳይሆኑ፣ ሁሉም ጥቁሮች የሚዘከሩበት ሆኗል፡፡

ግርማዊ ቀዳማዊ አፄ ኃይለ ሥላሴ የተዘከሩበት የጥቁሮች ታሪክ ወር | Ethiopian Reporter | ሪፖርተር
የኢትዮጵያና የራስተፈሪያን
ማኅበረሰብ አባላት ዝግጅቱን
ለመታደም ተገኝተዋል
(ቢቢሲ/ራስቤንጂ)

በአሜሪካ በጥቁር ሕዝቦች አስተዋጽኦ የመረጃ ክፍተት መኖሩን በመግለጽ እ.ኤ.አ. በ1915 በታሪክ ተመራማሪው ካርተር ውድሰን የተጀመረው የጥቁር ሕዝቦች ወር፣ ዛሬ ላይ ጥቁሮችን በአንድ ወር ከመዘከር ባለፈም ሥራዎቻቸው፣ አበርክቶዋቸው ሁሉ በየጋለሪው፣ በየቤተ መጻሕፍቱ እንዲገባ መሠረት ጥሏል፡፡ መነሻውን ከአሜሪካ አድርጎም በእንግሊዝ፣ በካናዳ፣ በጀርመንና በአየርላንድ ይከበራል፡፡

ዘንድሮ በእንግሊዝ በተከበረው የጥቁር ሕዝቦች ወር፣ ግርማዊ ቀዳማዊ ኃይለ ሥላሴ በባዝ የነበራቸው የአምስት ዓመታት ቆይታ ተዘክሯል፡፡

እ.ኤ.እ. ከ1936 እስከ 1941፣ በጣሊያን ወረራ ወቅት በእንግሊዝ ባዝ ከተማ ‹‹ፌርፊልድ ሐውስ›› ከነቤተሰቦቻቸው የኖሩት ንጉሡ፣ ዘንድሮ በኢትዮጵያውያንና በራስ ተፈሪያን የተዘከሩት በባዝ ከተማ ነፃነት ያገኙበት 69ኛ ዓመትን በማስታወስም ነው፡፡

ጥቅምት 17 ቀን 2016 ዓ.ም. በባዝ በተከበረው ሥነ ሥርዓት እንዲሁም ወሩን ሙሉ በሰንበት ስለንጉሠ ነገሥቱ ሕይወት፣ ቤተሰቦችና ኑሮ ግንዛቤ ሲሰጥ ከርሟል፡፡

ቀዳማዊ ኃይለ ሥላሴን በዘከረው ሥነ ሥርዓት፣ ኢትዮጵያውያንና ራስ ተፈሪያን የሙዚቃ ሥራዎቻቸውን ማቅረባቸውን በቢሲ በድረገጹ አስፍሯል፡፡

ንጉሡ በባዝ በነበራቸው ቆይታ ሲጠቀሙባቸው የነበሩ ቁሳቁሶች ዓምና በተመሳሳይ ወቅት ለሕዝብ ዕይታ ቀርበው እንደነበር ይታወሳል፡፡

ዓምና በሮማን ባዝ ሙዚየም ከቀረቡት የንጉሡ መገልገያዎች ከዘራቸውና የጎልፍ መጫወቻዎች ይገኙበታል፡፡

ንጉሠ ነገሥቱ እንግሊዝን ተሰናብተው ወደ አገራቸው ሲመለሱ፣ በባዝ ይኖሩበት የነበረውን ፌርፊልድ ቤት አረጋውያን ይኖሩበት ዘንድ ለከተማዋ አስረክበው መውጣታቸው ይታወቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

አቶ ሰብስብ አባፊራ የኢትዮጵያ ንግድና ዘርፍ ማኅበራት ምክር ቤት ፕሬዝዳንት ሆነው ተመረጡ

ከአዋጅና መመሪያ ውጪ ለዓመታት ሳይካሄድ የቆየው የኢትዮጵያ ንግድና ዘርፍ...

ቀጣናዊ ገጽታ የያዘው የኢትዮ ሶማሊያ ውዝግብ

ከአሥር ቀናት ቀደም ብሎ በተካሄደው የፓርላማ 36ኛ መደበኛ ስብሰባ፣...

የኢንሹራንስ ኩባንያዎች በዓረቦንና የጉዳት ካሳ ክፍያዎች ላይ ተጨማሪ እሴት ታክስ መጣሉን ተቃወሙ

በአዲሱ ተጨማሪ እሴት ታክስ አዋጅ ውስጥ የኢንሹራንስ ከባንያዎች ለሚሰበስቡት...