Sunday, July 21, 2024

[የሚኒስትሩ ባለቤት ልጃቸውን ከሚያስተምሩበት ትምህርት ቤት ተደውሎላቸው ቤተሰብ ለልጁ ድጋፍና ክትትል ማድረግ አለበት የተባሉትን ለክቡር ሚኒስትሩ እየነገሯቸው ነው]

  • ለምንድነው እንደዚያ ያሉት? አስቸግሮ ነው?
  • እንደዚያ እንኳን አይደለም።
  • በምን ምክንያት ነው ታዲያ?
  • በሲቪክ ትምህርት ላይ ጥሩ አይደለም ነው የሚሉት።
  • በሲቪክ ትምህርት ብቻ ነው?
  • እንደዚያ ነው ያሉኝ።
  • እንዴት?
  • በክፍል ውስጥም፣ እንዲሁም ሰሞኑን በነበረው ፈተና ላይ ጥሩ እንዳልነበር ነው የነገሩኝ።
  • ስለፈተናው የነገሩሽ ነገር አለ?
  • አዎ። ስለ ገዥ ፓርቲ ተግባርና ኃላፊነት አስረዳ ተብሎ የሰጠው ምላሽ ቤተሰብ ድጋፍና ክትትል እንደማያደርግለት ያሳያል ነው የሚሉት።
  • እንዴት?
  • አንተም አልፎ አልፎ እንኳን ልታስጠናው አትሞክርም።
  • ና እስኪ ወዲህ አንተ፡፡ ስለገዥ ፓርቲ ተግባርና ኃላፊነት አታውቅም።
  • ኧረ አውቃለሁ።
  • በዚህ ትምህርት ላይማ ጎበዝ መሆን አለብህ፣ እኔን እንዳታሳፍረኝ።
  • እሺ።
  • በል ና ወዲህ ላስረዳህ፡፡
  • እሺ ዳድ፡፡
  • ይኸውልህ …የአንድ ገዥ ፓርቲ ተግባርና ኃላፊነት ምንድነው ከተባልክ አገር መምራት ብለህ ነው መመለስ ያለብህ።
  • አውቃለሁ።
  • ታዲያ ለምን እንደዚያ ብለህ አልመለስክም?
  • ብያለሁ።
  • ታዲያ ምን አድርግ ነው የሚሉት? ትክክለኛ መልስ እኮ ነው የሰጠው?
  • ግን ጥያቄው በዝርዝር አስረዳ የሚል ስለነበር ሌሎች መልሶችንም ጽፌያለሁ።
  • አገር መምራት ከሚለው ሌላ መልስ ጽፈሃል?
  • አዎ።
  • ምን ምን አልክ?
  • ምን ነበር ያልኩት … አዎ አስታወስኩት።
  • እስኪ ንገረኝ?
  • ሥልጠና መስጠት።
  • ምን! … ሥልጠና መስጠት ነው ያልከው?
  • አዎ!
  • ወይ ጉድ…
  • ተሳስቻለሁ እንዴ ዳድ?
  • ቆይ እስኪ ሌላስ ምል አልክ?
  • * ስለጠና ከሚለው ሌላ …?
  • እ…. ሌላ ያልከው የለም?
  • አለ።
  • ምን አልክ?
  • ምን ነበር ያልኩት …አዎ አስታወስኩት።
  • ምን አልክ?
  • ማጥናት።
  • እ…?
  • ተሳስቻለሁ እንዴ ዳድ?
  • ስለ ገዥ ፓርቲ ሥልጣንና ተግባር እኮ ነው የተጠየቅከው?
  • እኮ!
  • ታዲያ ማጥናት እንዴት ይሆናል?
  • ለምን አይሆንም ዳድ?
  • እንዴት ይሆናል? እሺ ስለምንድነው የሚያጠናው አልክ?
  • ስለ ተፈጥሮ።
  • ምን…?
  • ስለተፈጥሮና የሰውነት አካላት፡፡
  • እ…?
  • እንዴት እንደዚህ ልትል ቻልክ?
  • ምነው? ተሳስቻለሁ እንዴ ዳድ?
  • ቆይ… ማን ሲል ሰምተህ ነው?
  • ማንም?
  • ታዲያ ከየት አመጣኸው?
  • ቴሌቪዥን ላይ አይቼ ነው።
  • ምንድነው ያየኸው?
  • ሥልጠና ሲሰጥ።
  • እ…?
  • ማሚ …ትላንት በቴሌቪዥን ሥልጠና ሲሰጥ ተላልፎ የለ?
  • አዎ።
  • እና እዚያ ላይ ሲወራ አልሰማሽም?
  • ምን ሲወራ?
  • ስለ ውኃና ስለ የሰውነት አካላት?
  • በይ ይህንን ቴሌቪዥን ዝጊልኝ።

በብዛት የተነበቡ ፅሁፎች

- Advertisment -

ትኩስ ፅሁፎች

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...

የኢትዮጵያ ንግድ ባንክ ከፍተኛ ትርፍ ቢያገኝም የውጭ ምንዛሪ ገቢው ቅናሽ ማሳየቱ ተጠቆመ

የኢትዮጵያ ንግድ ባንክ በ2016 የሒሳብ ዓመት ያሰባሰበው የውጭ ምንዛሪ...
spot_img

ተዛማጅ ፅሁፎች

[ክቡር ሚኒስትሩ የቅርብ ወዳጃቸው ከሆነች አንድ ባለሀብት የተደወለላቸውን ስልክ አንስተው በኮሪደር ልማቱ ላይ የምታቀርበውን ቅሬታ እየሰሙ ነው]

ክቡር ሚኒስትር እኔ የኮሪደር ልማቱ ላይ ተቃውሞም ሆነ ጥላቻ እንደሌለኝ የሚያውቁ ይመስለኛል? በዚህ እንኳን አትታሚም።  የእውነቴን ነው ክቡር ሚኒስትር። አውቃለሁ ስልሽ? ለኮሪደር ልማቱ አዋጡ ሲባልም ያለማመንታት አምስት ሚሊዮን...

[ክቡር ሚኒስትሩ በችግኝ ተከላ ፕሮግራም ላይ ሳይገኝ ከቀረው አንድ የተቋማቸው ባልደረባ የሆነ የተቃዋሚ ፓርቲ አባልን አስጠርተው እያናገሩ ነው]

ለምንድነው በዚህ አገራዊ ፋይዳ ባለው ፕሮግራም ላይ ያልተገኘኸው? ክቡር ሚኒስትር ህሊናዬ አልፈቀደልኝም። መቃወምና መተቸት ብቻ ውጤት የሚያመጣ መስልዎህ ከሆነ ተሳስተሃል። አልተሳሳትኩም ክቡር ሚኒስትር? ቆይ የመጀመሪያ ዓመት የችግኝ ተከላ...

[ክቡር ሚኒስትሩ ከሚያከብሯቸው አንድ የቀድሞ ጉምቱ ፖለቲከኛ ስልክ ተደውሎላቸው እያወሩ ነው]

አንዳንድ ነገሮች ቢያሳስቡኝ ነው ቀጠሮ ሳልይዝ ላነጋግርህ የፈለኩት ክቡር ሚኒስትር፡፡ እርስዎማ ቀጠሮ መያዝ አያስፈልግዎትም፣ ምን ገጠመዎት? እኔማ ምን ይገጥመኛል አንተኑ ልጠይቅህ እንጂ? ምን? እውነት ለመናገር የማየው ነገር አሳስቦኛል፡፡ ይንገሩኝ...