Tuesday, July 23, 2024
- Advertisement -
- Advertisement -
ማኅበራዊበሴቶች ላይ የሚሠሩ አገር በቀል ድርጀቶች የገንዘብ ችግር እየገጠማቸው መሆኑን አስታወቁ

በሴቶች ላይ የሚሠሩ አገር በቀል ድርጀቶች የገንዘብ ችግር እየገጠማቸው መሆኑን አስታወቁ

ቀን:

በሴቶች ላይ የሚሠሩ አገር በቀል ድርጅቶች ፕሮግራሞቻቸውን ለመተግበር የገንዘብ ችግር እየገጠማቸው መሆኑን በሴቶች ማኅበራዊ፣ ኢኮኖሚያዊና ፖለቲካዊ ጉዳዮች ላይ እየሠሩ የሚገኙ አገር በቀል መንግሥታዊ ያልሆኑ ማኅበራትና ጥምረቶች አስታወቁ፡፡

የኢትዮጵያ ሴቶች ማኅበራት ቅንጅት ከአጋሮቹ ጋር በመሆን፣ ሴት መር ማኅበራትን በፆታና እኩልነት ላይ ከሚሠሩ አጋርና ለጋሽ ድርጅቶች ጋር ለማስተሳሰር ባዘጋጀው መድረክ፣ በሴት ላይ የሚሠሩ አገር በቀል ድርጅቶች ከከተማ እስከ ገጠር እስከታች ድረስ በመውረድ፣ የሴቶችን ችግሮች ለመፍታት እየሠሩና ለውጥ እያስመዘገቡ ቢሆንም፣ በተለያዩ ምክንያቶች በሚገጥሟቸው የፋይናንስ እጥረት ዓላማቸውን ለማሳካት በርካታ ተግዳሮቶች እየገጠማቸው እንደሚገኝ ተነግሯል፡፡

የቅንጅቱ ዋና ሥራ አስፈጻሚ ወ/ሮ ሳባ ገብረ መድኅን የሲቪል ማኅበረሰብ ሴት መር ድርጅቶች የሆኑት ቅንጅቱን ጨምሮ የኢትዮጵያ የሕግ ባለሙያ ሴቶች ማኅበር፣ የኢትዮጵያ ሴቶችና ሕፃናት ማኅበራት ኅብረትና የኢትዮጵያ ሴንተር ፎር ዴቨሎፕመንት ከፕላን ኢንተርናሽናል ጋር በመተባበር ችግሩን ለመፍታት እየሠሩ መሆኑን ገልጸዋል፡፡

ሆኖም እነሱ ብቻቸውን የሚያደርጉት ጥረት የሴት ማኅበራቱ ከሚሠሯቸው ዘርፈ ብዙ ሥራዎች አንፃር በቂ ስላልሆኑ፣ በሀብት ማሰባሰብና ድርጅቶቹን በገንዘብ በመደገፍ በኩል የሚመለከታቸው የመንግሥት ተቋማት፣ መንግሥታዊ ያልሆኑ ድርጀቶች፣ የሴት ማኅበራትና ባለድርሻ አካላት በሙሉ እንዲተባበሩዋቸው ጥሪ አቅርበዋል፡፡

የኢትዮጵያ ሕፃናትና ሴቶች ማኅበራት ኅብረት ዳይሬክተር ወ/ሮ አዜብ ቀለመወርቅ በበኩላቸው፣ ጥሪውን ያቀረቡ አራት ድርጅቶች ቢሆኑም፣ ጉዳዩ ሁሉንም በሴት ላይ የሚሠሩ መንግሥታዊ ያልሆኑ ተቋማትን እንደሚመለከት ጠቁመዋል፡፡

በሴቶች ዙሪያ በተለይ ገጠር ወጥተው ከማኅበረሰቡ ጎን ሆነው በሚሠሩበት ጊዜ የሎጂስቲክስ፣ የሰው ኃይልና ሰፊ የሆነ የበጀት ችግር እንዳለባቸው ገልጸዋል፡፡

የሴቶች ችግሮች ዘርፈ ብዙና ለረዥም ዓመታት ከባህል፣ ከኢኮኖሚና ከእምነት ጋር የተያያዙ በመሆኑ፣ የተቀናጁ ሥራዎች ማከናወን እንደሚያስፈልግም አክለዋል፡፡

የኢትዮጵያ ሴንተር ፎር ዴቨሎፕመንት ዋና ዳይሬክተር ሐረገወይን አሸናፊ፣ በተሻሻለው አዋጅ የራስን ገቢ በማመንጨት ከዚህ ቀደም ከነበረው የተሻለ ዕድል ቢሰጥም፣ ንግድን ለመሥራት አስቻይ ሁኔታ አለመኖሩን፣ በባለሀብቶች ደረጃ መንግሥታዊ ላልሆኑ ተቋማት ገንዘብ የመስጠት ባህል አለመዳበርና አገሪቱም አቅም ስለሌላት ችግሩ ጎልቷል ብለዋል፡፡

በአራቱ ድርጀቶች አስተባባሪነት መብት ላይ የሚሠሩ 98 ማኅበራትን ፕላን ኢንተርናሽናል መድረሱን፣ ሆኖም ፕሮጀክቱ ሲያልቅ እንዳይበተኑ ለጋሽ ድርጅቶችና መንግሥት ድጋፍ እንዲያደርጉ ቅንጀቱ ጥሪ አቅርቧል፡፡

የሲቪል ማኅበረሰብ ድርጅቶች አዋጅ ገቢ የማመንጨት ዕድል ቢሰጥም፣ የመነሻ ካፒታልና የቦታ እጥረት ችግር እንዳለ፣ ከጥገኝነት ለመላቀቅም ዕርዳታ እንደሚያስፈልግ የሲቪል ማኅበረሰብ ድርጅት ባለሥልጣን ሕዝብ ግንኙነት ኃላፊ ትዕግሥት ዳኝነት ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...