Saturday, April 20, 2024
- Advertisement -
- Advertisement -
ማኅበራዊበሁዋዌ ዓለም አቀፍ የአይሲቲ ውድድር ኢትዮጵያውያን ተማሪዎች በሦስተኛነት አጠናቀቁ

በሁዋዌ ዓለም አቀፍ የአይሲቲ ውድድር ኢትዮጵያውያን ተማሪዎች በሦስተኛነት አጠናቀቁ

ቀን:

ሁዋዌ በቻይና ሼንዘን ባካሄደው 7ኛው ዓለም አቀፍ የአይሲቲ ውድድር ኢትዮጵያን ወክለው የተወዳደሩ ተማሪዎች የሦስተኛ ደረጃን በመያዝ ማጠናቀቃቸውን ሁዋዌ ኢትዮጵያ አስታወቀ፡፡

ከግንቦት 16 እስከ 20 ቀን 2015 ዓ.ም. በተካሄደው ውድድር ከ36 አገሮች የተውጣጡ 146 ቡድኖች የተሳተፉ ሲሆን፣ ኢትዮጵያውያን ተማሪዎች የተሳተፉና ሦስት ሦስት አባላት ያላቸው ሦስት ቡድን በመመሥረት በፕራክቲካል ትራክ (ዳታኮም፣ ሴኪዩሪቲ፣ ደብሊው ኤልኤኤን፣ ቢግ ዳታ፣ ስቶሬጅ፣ ሰው ሠራሽ አስተውሎት (ኤአይ)፣ ኦፕን ዑለር፣ (OpenEuler) እና ኦፕን ጋውስ (OpenGauss) ነው፡፡

በኢኖቬሽን ትራክ የተወዳደሩት ተማሪዎች ደግሞ ይዘው የቀረቡትም፣ የራሳቸው ፈጠራ የሆነውን ‹‹የግዕዝ ፊደላት ክላሲፋየር›› መሆኑንም ሁዋዌ ተናግሯል፡፡

- Advertisement -

Video from Enat Bank Youtube Channel.

ኢትዮጵያን ወክለው በውድድሩ ለመሳተፍ የአገር ውስጥ ማጣሪያ ውድድሮችን በማለፍና በአኅጉራዊ ውድድሮች በማሸነፍ የሦስተኛነት ደረጃን የያዙት ተማሪዎች ከጎንደር ዩኒቨርሲቲ፣ ከዋቸሞ ዩኒቨርሲቲ፣ ከአዲስ አበባ ሳይንስና ቴክኖሎጂ ዩኒቨርሲቲ እንዲሁም ከአዳማ ሳይንስና ቴክኖሎጂ ዩኒቨርሲቲ የተውጣጡ መሆናቸውንም ሁዋዌ አስታውቋል፡፡

ከዚህ ቀደም በተደረጉ ተከታታይ ውድድሮች ያሸናፉ 15 የዩኒቨርሲቲ ተማሪዎች የመጨረሻውን ቀጣናዊ ውድድር መጋቢት 13 ቀን 2015 ዓ.ም. ኢትዮጵያ በሚገኘው የሁዋዌ ዋና መሥሪያ ቤት በበይነ መረብ በኔትዎርክ፣ በክላውድና በኮምፒዩቲንግ ዘርፎች መወዳደራቸው ይታወሳል፡፡

የሁዋዌ አይሲቲ ዓለም አቀፍ ውድድር እ.ኤ.አ. በ2015 የተጀመረ ሲሆን፣ በስድስተኛው ዓለም አቀፍ ውድድር ከሁለት ሺሕ በላይ ዩኒቨርሲቲዎችና ኮሌጆች፣ በ85 አገሮችና በሁዋዌ ቀጣናዎች የሚገኙ 150 ሺሕ ተማሪዎች የተሳተፉበት ነበር፡፡ በኢትዮጵያ ደግሞ እ.ኤ.አ. ከ2019 ጀምሮ በየዓመቱ እየተካሄደ ይገኛል።

የሁዋዌ አይሲቲ ውድድር በዓለም አቀፍ ደረጃ በሁዋዌ አይሲቲ አካዴሚዎችና በከፍተኛ የትምህርት ተቋማት ውስጥ የአይሲቲ አካዴሚውን መቀላቀል ለሚፈልጉና ለተቀላቀሉ ተማሪዎች የሚዘጋጅ ነው።

ውድድሩም፣ ለዓለም አቀፍ ዩኒቨርሲቲ ተማሪዎች የሚዘጋጅ፣ የአይሲቲ ታለንት ሥነ ምኅዳር፣ ጤናማ ዕድገትን የሚያበረታታና የኢንዱስትሪና ትምህርት ውህደትን የሚደግፍ መሆኑንም የሁዋዌ ኢትዮጵያ ሕዝብ ግንኙነት ክፍል አሳውቋል፡፡

የሁዋዌ አይሲቲ ግሎባል የመጨረሻ ውድድር አሸናፊዎች ኅዳር 2 ቀን 2015 ዓ.ም. የትምህርት ሚኒስትር ደኤታ ሳሙኤል ክፍሌ (ዶ/ር) በተገኙበት ዕውቅና ማግኘታቸውና የዘንድሮው ሰባተኛ ዙር ውድድር በይፋ መጀመሩ ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...