Saturday, April 20, 2024
- Advertisement -
- Advertisement -
- Advertisement -

ፌርማታ ፅሁፎች

ራስህን ሁን

ትኩስ ፅሁፎች

እነ ቻርሊ ቻፕሊን፤ እነ ዊል ሮጀረስ፤ እነ ሜሪ ማርጋሬት፣ መክብራይድ፣ እነ ጆን አትሪና ሌሎችም በሚሊዮን የሚቆጠሩ ታላላቅ ሰዎች ራስን የመሆንን ነገር የተማሩት ከብዙ ጊዜ ጥረትና ሙከራ በኋላ ነው፡፡ ይህንን ጉዳይ ደጋግሜ ያመጣሁት በጣም አስቸጋሪ መሆኑን ስለማውቅ ነው፡፡

ቻርሊ ቻፕሊን ፊልም መሥራት እንደጀመረ አዘጋጁ አንድ የታወቀ የጀርመን ኮሜዲያን እያስመሰለ እንዲሠራ ደጋግሞ ይነግረው ነበር፡፡ ሆኖም ቻርሊ ቻፕሊን በራሱ መንገድ መሥራት እስኪጀምር የተሳካላት ኮሜዲያን ሊሆን አልቻለም ነበር፡፡

ቦብ ሆፕም ተመሳሳይ ችግር ደርሶበታል፡፡ ምንም እንኳን ለአያሌ ዓመታት በዘፋኝነትና በዳንስ ሥራ ላይ ቢቆይም ራሱን አውቆ በራሱ እስኪሠራ ድረስ ታዋቂነትን አላገኘም ነበር፡፡

ጂን አትሪ ከቴክሳስ ክፍለ አገር የመጣ ቢሆንም እሱ ግን የቴክሳስን የአነጋገር ቅላፄና አለባበስ ትቶ እንደ (የ) ኒው ዮርክ ሰው ለመልበስና ለመናገር ሲሞከር መሳቂያ ማሳለቂያ ሆኖ ነበር፡፡ ነገር ግን በንጆ የተባለውን ክራር መሰል የሙዚቃ መሣሪያ እየመታ የቴክሳሰን የእረኞች ዘፈን ሲዘፍንና ይህንንም ሥራዬ ብሎ ሲይዘው የተዋጣለትና በመላው ዓለም የታወቀ ዘፋኝ ሆነ፤ በፊልምም በሬዲዮም፡፡

በዚች ምድር ላይ አንተን የሚመስል ሰው የለም፡፡ በዚህም ደስ ሊልህ ይገባል፡፡ ተፈጥሮ ባደለችህ ደስታ ፀጋ ተጠቀምባት፡፡ ሁሉም ነገር የሚወጣው ከራስህ ነውና ማዜም የምትችለው የአንተ የሆነውን ብቻ ነው፡፡ መሳልም የምትችለው የአንተ የሆነውን ብቻ ነው፡፡ አካባቢህ፣ ልምድህ፣ ከዘር የወረስከው ባህርይ ያደረጉህን ብቻ መሆን አለብህ፡፡ ለማንኛውም የራስህ የሆነውን ነገር አዳብረው፡፡ በሕይወት ጨዋታ ውስጥም የራስህ የሆነችውን ትንሽ የሙዚቃ መሣሪያ ተጫወት፡፡

የመንፈስ እረፍትንና ደስታን አዳብሬ ከጭንቀት ጎን ለመሆን የሚከተለውን መመሪያ አስተውል፡፡

ሌሎችን ለመምሰል አንሞክር፤

ራሳችንን እንፈልግ!

ራሳችንን እንሁን!

  • ባሴ ሐብቴና ደምሴ ጽጌ ‹‹ጠብታ ማር›› (2005)
- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች