Thursday, June 13, 2024
- Advertisement -
- Advertisement -

- Advertisement -

ፌርማታ ፅሁፎች

ኖረሽ እዪው በቃ

ትኩስ ፅሁፎች

ጨለማ ነህ ብለሽ እኔን ስትተቺ 

ዘለሽ  አትጠግቢ ፥ ስቀሽ አትሰለቺ

ወርሃ-ፅጌ ነው ፤ ዓመት ሙሉ ላንቺ

ደሞ በየቀኑ ፣ ፋሲካ ነው ኑሮሽ

ያ’ለም ሰቀቀኑ ፣ ሩቅ ነው ለጆሮሽ

           (የፍጥረት ሰቆቃ)

ለጋ ነው ላ’ምሮሽ፣ገላሽም ነው ጮርቃ

ሌላም አልልሽም ፤ ኖረሽ እዪው በቃ።

በየጎዳናሽ ላይ ፥ አደይ የሚያነጥፍ 

በየዛፉ ቅርፊት ፥ ስምሽን የሚጥፍ 

በዝቶልሽ ፥ ፈልቶልሽ ፥ አንቺን ሚያሽሞነሙን 

 ቀምሰሺው አታውቂም ፥ የብቻነት ሸክሙን

አዎ!

መፈቀር ፥ መታጀብ ከኔክታር ይጥማል 

       ግን ደግሞ ይገጥማል 

       በተወደሱበት አንደበት መነቀፍ 

 ውብ ገላ ጠብቆ ፣ ርጥብ ነፋስ ማቀፍ!

አንዳንዴም ይገጥማል

የማይሰምር ምኞት ፥ የማይልቅ ጥበቃ 

ሌላም አልልሽም ፤ ኖረሽ እዪው በቃ!

አንቺ ደስታ ወዳጅ

በለምለም አፀድ ውስጥ ፥ ቢራቢሮ አሳዳጅ 

    ኑሮ ምትታይሽ ፤ እንደ ጣኦስ ቀልማ

        እንዳትሸወጂ ባዝማሪዎች ዜማ

                  በሸንጋዮች ቃላት

ሕይወትም እንደ ጃርት ፥ የሾህ ቀሚስ አላት።

ተድላም ከሃዘን ጋር ያልፋል በፈረቃ

ከሳቅ በስተጀርባ ፥ ይሰለፋል ሲቃ

ሌላ ምን ልበልሽ? ኖረሽ እዪው በቃ።!

  • በዕውቀቱ ሥዩም  
- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች