Monday, April 15, 2024
- Advertisement -
- Advertisement -
ስፖርትበዓለም ሻምፒዮና የኢትዮጵያ የ10 ሺሕ ሜትር ተወዳሪዎች የሚመረጡበት የውድድር ሥፍራ አለመወሰኑ ተገለጸ

በዓለም ሻምፒዮና የኢትዮጵያ የ10 ሺሕ ሜትር ተወዳሪዎች የሚመረጡበት የውድድር ሥፍራ አለመወሰኑ ተገለጸ

ቀን:

በዘንድሮው የዓለም አትሌቲክስ ሻምፒዮና ኢትዮጵያን የሚወክሉ፣ የ10 ሺሕ ሜትር አትሌቶች የሚመረጡበት የውድድር ሥፍራ አለመወሰኑን የኢትዮጵያ አትሌቲክስ ፌዴሬሽን ገለጸ።ብሔራዊ ፌዴሬሽኑ በሻምፒዮናው በ10 ሺሕ ሜትር በሁለቱም ፆታ አገራቸውን የሚወክሉ አትሌቶችን ለመለየት በሐዋሳ ቅድመ ውድድር ለማድረግ ቢገልጽም፣ከውሳኔ አለመድረሱን የብሔራዊ ፌዴሬሽኑ ጽሕፈት ቤት ኃላፊ አቶ ዮሐንስ እንግዳ ለሪፖርተር ተናግረዋል።

የመለያ ውድድሩ በአገር ውስጥ ይሁን ወይም በውጭ የሚለውን ውሳኔ ፌዴሬሽኑ እያጤነው እንደሆነና ውሳኔው በቅርቡ እንደሚታወቅ ጠቁመዋል።ፌዴሬሽኑ ከውሳኔ ለመድረስ ከሥራ አስፈጻሚ አባላትና አሠልጣኞች ጋር ሲወያይ መቆየቱ ተሰምቷል። ባለፈው ሳምንት ለአሠልጣኞች ጥሪ አቅርቦ፣ የመለያ ውድድሩ በሐዋሳ ለማድረግ ይቻል እንደሆነ ሙያዊ ምክክር ሲያደርግ መቆየቱ ተጠቁሟል። 

ከዚህ ቀደም ፌዴሬሽኑ የዓለም ሻምፒዮና ሲቃረብ የመለያ ውድድሩን በኔዘርላንድ ሄንግሎ ከተማ ያካሂድ እንደ ነበር ይታወሳል። በአንፃሩ የዘንድሮውን የመለያ ውድድር በሰኔ ወር በሐዋሳ ለማድረግ ማሳወቁን ተከትሎ ትችት ሲገጥመው ሰንብቷል። የማጣሪያ ውድድሩ በሄንግሎ ማድረግ ያስፈለገበት ምክንያት ኢትዮጵያ በከፍተኛ ቦታ መገኘቷና አትሌቶቹም የማሟያ ሰዓቱን በኢትዮጵያ ማምጣት አይቻልም ከሚል ድምዳሜ መደረሱ እንደሆነ ባለሙያዎች ያነሳሉ፡፡

- Advertisement -

Video from Enat Bank Youtube Channel.

ሆኖም በኢትዮጵያ የማሟያ ሰዓት ሙከራ ተደርጎ አለመታወቁና የዓለም አትሌቲክስም ዕውቅና የሰጠው የመለያ ውድድር ባለመሆኑ፣ ብሔራዊ ቡድኑን ለቅጣት እንዳይዳርግ የሚል ሥጋት በመፈጠሩ ነው ያነጋገረው። ባለሙያዎቹ የዓለም አትሌቲክስ የ10 ሺሕ ሜትር የሚኒማ ሰዓትን፣ በወንዶች 27፡10፡00 እንዲሁም በሴቶች 30፡40፡00 በአገር ውስጥ ማምጣት ቀላል እንዳልሆነ ያነሳሉ፡፡

ከዚህም ባሻገር የማጣሪያ ውድድሩ በደፈናው በሐዋሳ አዘጋጅቶ አትሌቶች ከመምረጥ ይልቅ፣ ቅድመ ዝግጅት አድርጎ ውድድሩን ማከናወን እንደሚገባ ለሪፖርተር አስተያየታቸውን ሰንዝረዋል፡፡  ምንም እንኳን ፌዴሬሽኑ ከውሳኔ እንዳልደረሰ ቢገልጽም፣ከአሠልጣኞች ጋር ምክክር ካደረገ በኋላ በሐዋሳ ይደረጋል የሚለውን ውሳኔ ለመቀልበስ ከጫፍ መድረሱን ምንጮች ለሪፖርተር ተናግረዋል።

ለዚህም እንደምክንያት የተነሳው የውድድሩ ቦታ ከዓለም አትሌቲክስ ሕጋዊ ዕውቅና አለማግኘቱ ነው። የዓለም አትሌቲክስ ከዓመት በፊት ይፋ ባደረገው ሚኒማ መሠረት፣ አትሌቶች ለ5,000 ሜትር 13፡07፡00፣ ለ10,000 ሜትር 27፡10፡00 ወንዶች ማሟላት ይጠበቅባቸዋል፡፡ ለሴቶች ደግሞ እንደ ቅደም ተከተሉ 14፡57፡00፣ 30፡40፡00 ማሟላት እንደሚገባቸው አስቀምጧል፡፡

የዘንድሮው የዓለም አትሌቲክስ ሻምፒዮና ከነሐሴ 13 እስከ 21 ቀን 2015 ዓ.ም. በሃንጋሪ ቡዳፔስት ይከናወናል። በ19ኛው የዓለም ሻምፒዮና 49 የውድድር ኩነቶች በቡዳፒስት የአትሌቲክስ ማዕከል ይካሄዳል።

ከ200 በላይ ተካፋይ አገሮች የተውጣጡ ከ2,000 በላይ አትሌቶች በቡዳፔስት ይከትማሉ ተብሎ ይጠበቃል። 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...