Saturday, April 20, 2024
- Advertisement -
- Advertisement -
ዜናበአሮሚያና በሶማሌ በድርቅ የሞቱ እንስሳት ለበሽታ መነሻ እንዳይሆኑ በአግባቡ እንዲወገዱ ኢሰመኮ ጠየቀ

በአሮሚያና በሶማሌ በድርቅ የሞቱ እንስሳት ለበሽታ መነሻ እንዳይሆኑ በአግባቡ እንዲወገዱ ኢሰመኮ ጠየቀ

ቀን:

  • 60 ሺሕ አባወራዎች እንስሳቶቻቸውን በድርቅ ሙሉ በሙሉ አጥተዋል

በኦሮሚያና በሶማሌ ክልሎች በተከሰተው ድርቅ በየቦታው የሞቱ እንስሳት በአግባቡ እንዲወገዱ፣ የኢትዮጵያ ሰብዓዊ መብቶች ኮሚሽን (ኢሰመኮ) ጠየቀ፡፡

ኢሰመኮ በ2014 ዓ.ም. በድርቁ ባደረገው የክትትል ሪፖርት ላይ የሰጣቸውን ምክረ ሐሳቦች አተገባበር ለመከታተል፣ ከየካቲት 22 እስከ መጋቢት 2 ቀን 2015 ዓ.ም. መረጃዎችን በመሰብሰብና ከመስክ ሥራ በኋላም መረጃዎችን በርቀት በመከታተል አተገባበሩን በተመለከተ፣ የክትትል ሪፖርቱን ዓርብ ግንቦት 18 ቀን 2015 ዓ.ም. ይፋ አድርጓል፡፡

ኮሚሽኑ በዚህ የክትትል ሪፖርቱ እንዳመላከተው፣ በሁለቱም ክልሎች በድርቁ እንስሳት በብዛት በየቦታው ሞተዋል፡፡ የእንስሳቱ ቅሪት በአግባቡ ካልተወገደ፣ ውኃ ወለድ በሆኑ በሽታዎች የሚመጣው ወረርሽኝ በሰዎችና በእንስሳት ላይ ጉዳት ሊያስከትል ይችላል ብሏል፡፡

- Advertisement -

Video from Enat Bank Youtube Channel.

ኮሚሽኑ በኦሮሚያ ክልል ቦረና ዞን ከቡሳ ጎኖፋ ጽሕፈት ቤት የተገኘ የሰነድ መረጃን መሠረት አድርጎ እንዳቀረበው፣ ከዞኑ 7.3 ሚሊዮን ሕዝብ ውስጥ 1.8 ሚሊዮን የሚጠጉ ወገኖች አስቸኳይ የምግብና የውኃ አቅርቦት ይፈልጋሉ፡፡

በሰነድ መረጃው መሠረት በዞኑ ወደ 3.3 ሚሊዮን የሚሆኑ እንስሳት በድርቁ ሳቢያ የሞቱ ሲሆን፣ ይህም በገንዘብ ሲተመን ወደ 33 ቢሊዮን ብር እንደሚገመትና  60 ሺሕ የሚሆኑ አባወራዎች እንስሳቶቻቸውን ሙሉ በሙሉ ማጣታቸው ተገልጿል፡፡

በተመሳሳይ በሶማሌ ክልል 3.7 ሚሊዮን ሰዎች አስቸኳይ የውኃ አቅርቦት እንደሚያስፈልጋቸው ከክልሉ አደጋ ሥጋት ሥራ አመራር ቢሮ የተገኘ ሰነድን የጠቀሰው ኮሚሽኑ፣ በአጠቃላይ 4.2 ሚሊዮን ሰዎች የምግብ ድጋፍ የሚፈልጉ መሆናቸውን በቃለ መጠይቅና ከተገኘው ሰነድ ተረድቻለሁ ብሏል፡፡

በክልሉ ሁለት ሚሊዮን ያህል እንስሳት መሞታቸውን፣ በሸበሌ ዞን ብቻ ባለፉት ስድስት ወራት ውስጥ 50 ሺሕ እንስሳት በድርቁ ምክንያት እንደሞቱ፣ ከዞኑ አደጋ ሥጋት ሥራ አመራር ጽሕፈት ቤት መረጃ እንዳገኘ ኮሚሽኑ አስታውቋል፡፡

ኢሰመኮ መንግሥት አግባብነት ያላቸው ሕግጋትና ፖሊሲዎች በሚደነግጉት መሠረት፣ ድርቁን በተመለከተ በይፋ የማሳወቅ ተግባር መከናወን እንዳለበት አሳስቧል፡፡

በተጨማሪም በዓለም አቀፍ ኢኮኖሚያዊ፣ ማኅበራዊና ባህላዊ መብቶች ቃል ኪዳን ሰነዶች መሠረትም፣ የፌዴራል መንግሥት ያለውን አቅም ሁሉ በመጠቀም ምላሽ መስጠት ያለበት መሆኑን፣ ይህ በቂ ሆኖ ካልተገኘ የዓለም አቀፉን ማኅበረሰብ ትብብርና ድጋፍ በተገቢው ጊዜ ሊጠይቅ እንደሚገባውም አስታውቋል፡፡

በድርቁ ምክንያት የተፈናቀሉ የማኅበረሰብ አባላት ባሉበት በቂ መጠለያ እንዲያገኙ፣ ሁለንተናዊ ደኅንነታቸው የተጠበቀ እንዲሆን፣ የጥበቃ ድጋፍ እንዲደረግላቸውና ወደ ነባር ቦታቸውም ለመመለስ በሚወስኑበት ወቅትም በቂ የመልሶ ማቋቋም ድጋፍ ሊደረግላቸው እንደሚገባ ኮሚሽኑ አክሎ ገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...