Monday, June 17, 2024

[ክቡር ሚኒስትሩ የቢሮ ስልካቸው ጠራ። ደዋዩ የጊዜያዊ አስተዳደሩ ኃላፊ እንደሆኑ ሲነገራቸው የስልኩን መነጋገሪያ ተቀበሉ]

  • ሃሎ፡፡
  • እንዴት አሉ ክቡር ሚኒስትር።
  • ደህና ነኝ። አንተስ? አስተዳደሩስ?
  • ሕጋዊ ሰውነታችን ተነጥቆ እንዴት ማስተዳደር እንችላለን ክቡር ሚኒስትር?
  • ለዚህ ጉዳይ እንደደወልክ ገምቻለሁ።
  • ደብዳቤም እኮ ልከናል ክቡር ሚኒስትር፡፡
  • አዎ። ሁለት ደብዳቤዎች ደርሰውኛል። አንድ ግን ያስገረመኝ አለ።
  • ምንድነው ክቡር ሚኒስትር?
  • ለቦርዱ ጥያቄ ያቀረባችሁት መቼ ነው?
  • ግንቦት 4 ነው።
  • ቦርዱ ደግሞ በማግስቱ ቅዳሜ ግንቦት 5 ውሳኔውን ይፋ አደረገ አይለም?
  • ልክ ነው።
  • ያው ግንቦት 6 ቀን ደግሞ እሑድ መሆኑ ይታወቃል።
  • አዎ።
  • ታዲያ የቦርዱ ውሳኔ ዘግይቶ ግንቦት 7 ነው የደረሰን እንዴት ይባላል? ወይስ ምጸት መሆኑ ነው?
  • የምን ምጸት ክቡር ሚኒስትር?
  • በዕለቱ አጠናቀቁት ማለታችሁ ይሆን?
  • ምኑን ነው የሚያጠናቅቁት?
  • ግንቦት 7 የጀመሩትን!
  • እሱን ደብዳቤ የጊዜያዊ አስተዳደሩ አይደለም።
  • እና የማን ነው?
  • የፓርቲያችን ነው።
  • ነው እንዴ?
  • አዎ። አሁን ወደ ዋናው ጉዳይ መግባት እችላለሁ ክቡር ሚኒስትር?
  • ለዚህ ጉዳይ አልነበር እንዴ የደወልከው?
  • ቢሆንም የግንቦት ወር ቀናቶች ጉዳዬ አይደሉም።
  • በል እሺ ወደ ጉዳይህ ግባ።
  • ክቡር ሚኒስትር ይህ ጉዳይ መፈታት አለበት። እርስዎም ጣልቃ መግባት ያለብዎት ይመስለኛል።
  • እኔማ እንዴት ጣልቃ እገባለሁ?
  • ምክንያቱም ይህ ጉዳይ ካልተስተካከለ በሰላም ስምምነቱ ላይ ተፅዕኖ ያመጣል። ስለዚህ ጣልቃ ገብተው መፍትሔ ሊሰጡት ይገባል።
  • በሕግ መሠረት የሚሠራ ገለልተኛ ተቋም እኮ ነው? እንዴት ብዬ ጣልቃ እገባለሁ?
  • የሕግ መኖርና በሕግ መሥራት ያስፈለገበት መሠረታዊ ዓላማ ሰላም ለማስፈን እንጂ ሰላምን ለመጻረር አይደለም። ይህንን እንደሚገነዘቡ እረዳለሁ ክቡር ሚኒስትር።
  • ቢሆንም ይህ ጉዳይ በሕግ መሠረት መፍትሔ ማግኘት የሚችል ቀላል ጉዳይ እንጂ እናንተ እንደምትሉት ዓይነት ክብደት የለውም።
  • ከባድ ነው እንጂ ክቡር ሚኒስትር። የሳለም ስምምነቱን የፈረመው ፓርቲ ህልውና ጠፍቶ እንዴት ወደፊት መራመድ እንችላለን?
  • እኔ እንደተረዳሁት ፓርቲው ህልውናው ሙሉ በሙሉ ሊያጣ የሚችል አይመስልኝም።
  • እርስዎ ጣልቃ ካልገቡ በቀር እንዴት ይሆናል?
  • በሕጉ መሠረት እንደ አዲስ ምዝገባ ማድረግ ይቻላል።
  • ይህንን እንደሚሉ እርግጠኛ ነበርኩ።
  • እንዴት?
  • መጥፎ ህልም አባኖኝ ነው ወደ እርስዎ ለመደወል የወሰንኩት።
  • ህልም?
  • አዎ። እንደ አዲስ ምዝገባ ለማድረግ ጥያቄ አቅርበን የተሰጠንን ምላሽ ሰምቼ ነው የባነንኩት።
  • ምላሹ ምን ነበር?
  • ለምዝገባ ያቀረባችሁት ስም በሌላ ፓርቲ ተይዟል የሚል ነበር።
  • የእናንተ ፓርቲ ስም ተይዞ?
  • አዎ!
  • ማነው የያዘው?
  • ወራሾች ነን የሚሉ ናቸው።
  • አይ አንተ፡፡
  • እንዴት?
  • ህልም አይደለማ ያባነነህ?
  • ታዲያ ምንድነው?
  • ትዝታ ነው፡፡
  • የምን ትዝታ?
  • የቅንጅት!

በብዛት የተነበቡ ፅሁፎች

- Advertisment -

ትኩስ ፅሁፎች

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...
spot_img

ተዛማጅ ፅሁፎች

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት የሚታወጁ ሕዝባዊ ንቅናቄዎችን ማለቴ ነው። ምን ታወጀ? አንዴ ከዕዳ ወደ ምንዳ አላችሁ፡፡ እሺ? የእሱን ውጤት እየጠበቅን ሳለ ደግሞ... እ...? ኢትዮጵያ ታምርት...

[ክቡር ሚኒስትሩ ሰሞኑን በተጀመረው አገራዊ የምክክር መድረክ ላይ ስለተላለፉ መልዕክቶች በተመለከተ ከባለቤታቸው ጋር እያወጉ ነው] 

እኔ ምልህ? እ... አንቺ የምትይው? አለቃህ በምክክር መድረኩ ላይ ያስተላለፉትን መልዕክት አደመጥክ? አዎ፡፡ የሚገርም እኮ ነው አልተገረምክም? ምኑ ነው የሚያስገርመው? ለኢትዮጵያ የሚበጀውን ምከሩና አምጡ ብለው የምክክር መድረክ እንዲዘጋጅ ካደረጉ በኋላ...

[የክቡር ሚኒስትሩ ባለቤት የኬንያው ፕሬዚዳንት ያስተላለፉትን መልዕክት ተመልክተው ባለቤታቸውን በነገር ይዘዋቸዋል]

የኬንያው ፕሬዚዳንት ከሕዝባቸው ለቀረበባቸው ቅሬታ የሰጡትን ምላሽ ሰማህ? እንኳን ምላሻቸውን ቅሬታውንም አልሰማሁም። እንዴት? አልሰማሁማ? የምን ቅሬታ ቀርቦባቸው ነው? ሰሞኑን ወደ አሜሪካ ለመጓዝ ውድና ቅንጡ አውሮፕላን ተከራይተዋል የሚል ቅሬታ...