Monday, May 20, 2024
- Advertisement -
- Advertisement -

ስፖርትዋሊያዎቹ አዲስ የበረኛ አሠልጣኝ አገኙ

ዋሊያዎቹ አዲስ የበረኛ አሠልጣኝ አገኙ

ቀን:

ለአይቮሪኮስቱ የአፍሪካ ዋንጫ፣ የምድብ የማጣሪያ ጨዋታውን እያደረገ ለሚገኘው የኢትዮጵያ ብሔራዊ ቡድን (ዋሊያዎቹ)፣ አሠልጣኝ ውብሸት ደሳለኝን የበረኛ አሠልጣኝ አድርጎ መሾሙን የኢትዮጵያ እግር ኳስ ፌዴሬሽን አስታወቀ፡፡

ፌዴሬሽኑ በማኅበራዊ ትስስር ገጹ እንደገለጸው፣ በቅርቡ በተሰናበቱት የበረኛ አሠልጣኝ ደሳለኝ ገብረ ጊዮርጊስ ምትክ የተሾሙት አሠልጣኝ ውብሸት የቅዱስ ጊዮርጊስ ክለብ የግብ ጠባቂዎች አሠልጣኝ ናቸው፡፡

ብሔራዊ ፌዴሬሽኑ ቡድኑን ላለፉት ሁለት ዓመታት ሲመሩ ከቆዩት ከዋና አሠልጣኝ ውበቱ አባተ ጋር ውሉን ማቋረጡን ተከትሎ፣ በጊዜያዊ ዋና አሠልጣኝነት እንዲመሩ የቴክኒክ ዳይሬክተሩን ኢንስትራክተር ዳንኤል ገብረማርያምና በምክትልነት የባህር ዳር ከተማ አሠልጣኝ ደግአረገ ይግዛው  መሾሙ ይታወሳል፡፡

- Advertisement -

ብሔራዊ ቡድኑ በአይቮሪኮስቱ የአፍሪካ ዋንጫ የምድቡን ሦስተኛና አራተኛ ጨዋታ አድርጎ በሁለቱም መረታቱን ተከትሎ ዋና አሠልጣኙን መሰናበቱ ይታወሳል። 

 ዋሊያዎቹ አምስተኛውን የምድብ ጨዋታቸውን ሰኔ 13 ቀን 2015 ዓ.ም. የሚያከናውኑት በሞዛምቢክ ሲሆን፣ የመጨረሻውንና ስድስተኛውን ግጥሚያ ካይሮ ላይ ከፈርዖኖች (ግብፅ) ጋር በመስከረም 2016 ዓ.ም. የሚደርጉ ይሆናል፡፡

የዋሊያዎቹ የምድብ ጨዋታቸው ገጽታ

የ2023 የአፍሪካ ዋንጫ ማጣሪያ በምድብ መ ከኢትዮጵያ (ዋሊያዎቹ) ጋር ያሉት ግብፅ፣ ጊኒና  ማላዊ ናቸው፡፡ ቡድኖቹ የማጣርያ ጨዋታቸውን ግንቦት 25 ቀን 2014 ዓ.ም. የጀመሩ ሲሆን፣ የሚያጠናቅቁት በመስከረም 2016 ዓ.ም. ይሆናል፡፡ እስካሁን ባደረጉት የደርሶ መልስ ጨዋታ ኢትዮጵያ ካደረገቻቸው አራት ጨዋታዎች ያሸነፈችው አንድ ግብፅን ብቻ ነው፡፡ በ3 ነጥብ በ2 የግብ ዕዳ የመጨረሻውን ደረጃ ይዛለች፡፡

ኢትዮጵያ በአራቱ ጨዋታዎች 7 ጎሎች ተቆጥሮባት፣ ያስቆጠረችው ግን 5 ነው፡፡ ግቦቹን ያሰቆጠሩት ሽመልስ በቀለ፣ ዳዋ ሆጤሳ፣ ኪቲካ ጀማ፣ ከንአን ማርክነህና አቡበከር ናስር ናቸው፡፡

ግብፅና ጊኒ ተመሳሳይ ነጥብ 9 ይዘው በግብ ክፍያ ግብፅ (5) በመያዟና ጊኒን በ2 በመብለጧ መሪነቱን ጨብጣለች፡፡ ማላዊ ከኢትዮጵያ ጋር እኩል 3 ነጥብና 6 የግብ ዕዳ  ቢኖራትም 3ኛነትን የያዘችው ኢትዮጵያን በመርታቷ ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...