Wednesday, June 7, 2023
- Advertisement -
- Advertisement -
ዜናየኢትዮጵያ ቴሌቪዥን የሙያ ነፃነት ሊኖረው እንደሚገባ የፓርላማ አባላት ጥያቄ አቀረቡ

የኢትዮጵያ ቴሌቪዥን የሙያ ነፃነት ሊኖረው እንደሚገባ የፓርላማ አባላት ጥያቄ አቀረቡ

ቀን:

የኢትዮጵያ ቴሌቪዥን በራሱ አሠራርና ሥርዓት በመመራት ሥራውን በነፃነት እንዲያከናውንና የሚጠበቅበትን ተቋማዊ ሚና እንዲወጣ፣ የሕዝብ ተወካዮች ምክር ቤት አባላት ጠየቁ፡፡

የምክር ቤቱ አባላት ይህን የተናገሩት የኢትዮጵያ ብሮድካስቲንግ ኮርፖሬሽን ሠራተኞች አስተዳደር ደንብ ረቂቅን በተመለከተ፣ ግንቦት 3 ቀን 2015 ዓ.ም. ውይይት ባደረጉበት ወቅት ነው፡፡

ወ/ሮ መዓዛ ጥጋቡ የተባሉ የፓርላማ አባል ደንቡን አስመልክተው በሰጡት አስተያየት፣ የኢትዮጵያ ቴሌቪዥን የሙያ ነፃነት ጉዳይ ትኩረት ሊሰጠው ይገባል ብለዋል፡፡ ተቋሙ በራሱ አሠራር ሥራውን እንዲያከናውን ልዩ ትኩረት ተሰጥቶት፣ አዎንታዊ የሆኑ ጉዳዮችን ብቻ ከማቅረብ ወጥቶ የምርመራ ጋዜጠኝነት ላይ በማተኮር የአገሪቱን የልማት ዕቅዶች አፈጻጸም ላይ ጠንክሮ እንዲሠራና በአፈጻጸም ላይ የሚታዩ ችግሮችን በሚፈታ መንገድ ለሕዝብ ሊያቀርብ ይገባል ብለዋል፡፡

በተመሳሳይ አቶ ዘለዓለም መላክ የተባሉ የምክር ቤት አባል በበኩላቸው፣ የጋዜጠኝነት ሙያ ነፃነትን የሚፈልግ፣ መረጃን በማፈላለግ የምርመራ ጋዜጠኝነት የሚከወንበትና አስፈጻሚ አካሉ ሳይቀር የሚገመገምበት፣ ውጤቱም ለሕዝብ ይፋ የሚደረግበት በመሆኑ የተቋሙ ሠራተኞች የሙያ ነፃነት ሊከበርላቸው እንደሚገባ ጠይቀዋል፡፡

‹‹የአካዳሚክ ነፃነነት፣ የዳኝነት ነፃነነት፣ ወዘተ ሲባል ባለሙያው በነፃነት ሲሠራ የበለጠ ሥራውን እያጎላ አገርን የሚጠቅም ስለሚሆን፣ ጋዜጠኞች ሕዝብን የሚያገለግል ሥራ ስለሚሠሩ የሙያ ነፃነታቸው ይከበርላቸው፤›› ብለዋል፡፡

ተሻሽሎ ለውይይት የቀረበው የሠራተኞች አስተዳደር ደንብ እንደሚያስረዳው፣ በሥራ ላይ ያለው የኮርፖሬሽኑ ደንብ በወጣበት ጊዜ በአግባቡ አልታየም፡፡ በዚህም ምክንያት ተቋሙ ለትርፍ ያልተቋቋመ የሕዝብ ሚዲያ ሆኖ እያለ፣ አንዳንድ ሠራተኞች በፈቃዳቸው ከሥራ ሲሰናበቱ የሥራ ስንብት ክፍያ እንዲከፈላቸው በመደንገጉ፣ ተቋሙን ለከፍተኛ ወጪ መዳረጉ ተብራርቷል፡፡ በመሆኑም ተሻሽሎ በቀረበው ደንብ ይህን ለትርፍ እንደተቋቋመ አድርጎ የቀረበው አንቀጽ እንዲስተካከል ተደርጓል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኩዌት ኢትዮጵያውያን የቤት ሠራተኞችን ለመቀበል መዘጋጀቷን አስታወቀች

የሥራና ክህሎት ሚኒስቴር ከኦማን ጋር አዲስ ስምምነት ላይ መድረሱን...

ገዳ ቢዝነስ ግሩፕ በቅርቡ ለሚጀምረው እርሻ ከ500 ሔክታር በላይ መሬት አዘጋጅቻለሁ አለ

ገዳ ስታር ቢዝነስ ግሩፕ አክሲዮን ማኅበር በቅርቡ አስጀምራለሁ ላለው...

አወዛጋቢው የሕገ መንግሥት ማሻሻያ ጉዳይ

በኢትዮጵያ የሕገ መንግሥት ማሻሻል ጉዳይ ከፍተኛ የፖለቲካ ውዝግብ የሚቀሰቀስበት...

 መፍትሔ  ያላዘለው  የጎዳና  መደብሮችን  ማፍረስ

በአበበ ፍቅር ያለፉት ስድስት ዓመታት በርካቶች በግጭቶችና በመፈናቀሎች በከፍተኛ ሁኔታ...