Tuesday, May 21, 2024
- ማስታወቂያ -
- ማስታወቂያ -

ከ1.5 ቢሊዮን ብር በላይ ወጪ የተደረገበት የሆቴል ግንባታ ፕሮጀክት ተጠናቀቀ

spot_img

ተዛማጅ ፅሁፎች

ላለፉት አምስት ዓመታት በግንባታ ላይ የነበረውና ከ1.5 ቢሊዮን ብር በላይ ወጪ እንደተደረገበት የተነገረው ስቴይ ኢዝ ፕላስ ሆቴል ከሁለት ሳምንታት በኋላ ሙሉ ለሙሉ ወደ ሥራ ሊገባ መሆኑ ታወቀ፡፡

ከእንጦጦ ፓርክና ቦታኒክ ጋርደን የሚመጡ ጎብኚዎች ምቹ ማረፊያ እንዲያገኙና የቱሪዝም ዘርፍን ወደ ተሻለ ደረጃ ለማሳደግ ያለመ እንደሆነ፣ ሆቴሉ ሐሙስ ሚያዝያ 12 ቀን 2015 ዓ.ም. በሰጠው ጋዜጣዊ መግለጫ አስታውቋል፡፡

የስቴይ ኢዝ ፕላስ ሆቴል ዋና ሥራ አስኪያጅ አቶ አሚር ሰዒድ እንደገለጹት፣ መሀል ከተማ ፒያሳ ላይ የተገነባው ይህ ሆቴል ከ250 በላይ ለሚሆኑ ዜጎች የሥራ ዕድል መፍጠር ችሏል፡፡

ባለአምስት ኮከብ ደረጃን ያገኛል የሚል ግምት ተሰጠው ይህ ሆቴል፣ ከ150 ሰዎች ጀምሮ እስከ 1,500 ድረስ የመያዝ አቅም ያላቸው ስድስት አዳራሾች ያሉት መሆኑን ዋና ሥራ አስኪያጁ አስረድተዋል፡፡

ሆቴሉም በአጠቃላይ የያዘው ሥፍራ 2,250 ሜትር ስኩዌር ሲሆን፣ የሆቴሉ ግንባታ በ1,700 ስኩዌር ሜትር ቦታ ላይ ማረፉን ገልጸው፣ ሆቴሉ ውስጥም አገልግሎት ለማግኘት ለሚመጡ አትሌቶች በራሱ ወጪ ወደ ልምምድ ቦታ እንደሚወስዳቸው ተናግረዋል፡፡

በተመሳሳይም ሆቴሉ ከ100 በላይ ተሽከርካሪዎችን የመያዝ አቅም ያለው ማቆሚያ (ፓርኪንግ) ያለው ሲሆን፣ የኤሌክትሪክ መኪና ይዘው ለሚመጡ ደንበኞች ኤሌክትሪክ ቻርጅ ማድረጊያ ቦታ ጭምር ያለው መሆኑን አቶ አሚር አብራርተዋል፡፡   

ባለ አምስት ኮከብ ደረጃ ለማግኘት ሒደት ላይ ያለው ይህ ሆቴል፣ በአጠቃላይ 103 ክፍሎች ያሉት ሲሆን፣ ሦስት ባርና በሰከንድ አምስት ሌትር ውኃ ማመንጨት የሚችል ከርሰ ምድር አለው ብለዋል፡፡

ከከርሰ ምድር የሚወጣውን ውኃ የአካባቢው ማኅበረሰብ ለ24 ሰዓት ያህል ያለ ምንም ክፍያ እንዲጠቀሙበት መደረጉን የተናገሩት ሥራ አስኪያጁ፣ ከዚሁ ጎን ለጎንም ከ30,000 በላይ ዳቦ ማምረት የሚችል ማሽን ሆቴሉ ውስጥ እንደሚገኝ ጠቁመዋል፡፡

በተመሳሳይም ተቋሙ በአራት ወራት ውስጥ ለማጠናቀቅ የጀመረው የማስፋፊያ ፕሮጀክትን ገንብቶ ለመጨረስ 400 ሚሊዮን ብር እንደሚያስፈልግ፣ በአሁኑ ወቅትም ግንባታው ተጠናቆ ወደ ሥራ የገባውን ሆቴል ገንብቶ ለመጨረስ አምስት ዓመታት እንደፈጀ አቶ አሚር አስረድተዋል፡፡

የማስፋፊያ ፕሮጀክቱም ተጠናቆ ሲያልቅ ስፖርት መሥሪያ ጅምናዚየም፣ ሳሙናና ስቲም ባዝ፣ መዋኛ ገንዳና የዮጋ አዳራሽ በተጨማሪም፣ የባህል ሬስቶራንትና የሙዚቃ አዳራሽ እንደሚኖረው በወቅቱ ተገልጿል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች