Thursday, June 13, 2024

[የክቡር ሚኒስትሩ ባለቤት የቴሌቪዥን ቻናሎችን እየቀያየሩ ሲመለከቱ ቆይተው አንድ ጉዳይ ቀልባቸውን ስቦ ጥያቄ ሰነዘሩ]

  • የሱዳን የጦር ኃይሎች በከተማ ውስጥ እርስ በርስ ፍልሚያ መጀመራቸውን ሰማህ?
  • አዎ። ወንድም የሆነውን ሕዝብ ለመከራ ዳረጉት።
  • እኔ እንኳን እሱን ለማለት አልነበረም።
  • እና ምን ልትይ ነበር?
  • ነገሩ ከሰሞኑ ውሳኔያችሁ ጋር መገጣጠሙ ገርሞኝ ነው።
  • የቱ ውሳኔ?
  • የክልል ልዩ ኃይሎችን አስመልክቶ የወሰናችሁት።
  • ምን አገናኘው?
  • የሱዳኑ ክስተት እናንተ ካስረዳችሁት በተሻለ ሁኔታ ስለ ውሳኔያችሁ ምክንያትና አስፈላጊነት ግንዛቤ ይፈጥራል ማለቴ ነው።
  • እንዴት? የእኛ ምክንያት ምንድነው?
  • ፍርኃት ነዋ!
  • የምን ፍርኃት?
  • የሱዳኑ እንዳይከሰት።
  • ፍርኃት እንኳን አይደለም። ቢሆንም ሌላውም በዚህ መልኩ ቢረዳው ጥሩ ነበር።
  • ምን ያድርጉ ብለህ ነው?
  • እንዴት?
  • እነሱም ፈርተው ነዋ።
  • ለምን ይፈራሉ?
  • ሌላ ኃይል ይወረኛል፣ መሬቴን ይወስዳል ብለው ይሆናላ።
  • እነሱ እንኳ ገና ከግጭት እየወጣን ስለሆነ ቢሰጉ አይገርምም፣ የሕዝቡ ግን ግራ ያጋባል።
  • የሕዝቡ ምን?
  • ለተቃውሞ አደባባይ ወጥቶ መንገድ መዝጋቱ?
  • ምን ያድርግ ብለህ ነው?
  • እንዴት?
  • ፈርቶ ነዋ!
  • ለምን ይፈራል?
  • ያፈናቅሉኛል፣ ጥቃት ይደርስበኛል ብሎ ነዋ?
  • መንግሥት ባለበት አገር?
  • መንግሥት ያነጻጽር ይሆናል እንጂ አይጠብቀኝም ብሎ ይሆናላ?
  • የምን ንጽጽር? ከምን?
  • አሜሪካ ላይ ከደረሰ ጥቃት፡፡
  • ካንቺ ቁም ነገር መጠበቄ ነው ስህተቱ፡፡
  • አትሳሳት! ቁም ነገር ነው ያወራሁት!
  • ምኑ ነው ቁም ነገሩ?
  • የዚህ አገር ችግር ምን እንደሆነ እየነገርኩህ እኮ ነው?
  • ምንድነው የዚህ አገር ችግር?
  • ፍርኃት!
  • የምን ፍርኃት?
  • አለመተማመን የወለደው ፍርኃት፡፡

[ክቡር ሚኒስትሩ ዋና ጸሐፊው ጉብኝት እንዳያደርጉ መከልከላቸውን በተመለከተ ስለወጣው መረጃ ከአማካሪያቸው ጋር እየተወያዩ ነው]

  • ክቡር ሚኒስትር ባዘዙኝ መሠረት ዋና ጸሐፊው ጉብኝት እንዳያደርጉ የከለከለው ማን እንደሆነ የሚመለከታቸውን ተቋማት መረጃ ጠይቄያለሁ።
  • እሺ፣ ምን ምላሽ አገኘህ?
  • አንዳንዶቹ ጨርሶ መረጃውን አልሰሙም።
  • እነሱን ተዋቸውና የሌላውን ንገረኝ።
  • የውጭ ግንኙነት ሰዎች በዚህ ጉዳይ ኦፊሳላዊ ምላሽ እንደማይሰጥ ነው የነገሩኝ።
  • እንዴ? አጋሮቻችን ኦኮ እየጠየቁን ነው? ምላሽ የለንም ልንላቸው ነው?
  • እኔም ይህንኑ ጥያቄ አንስቼ ነበር።
  • እሺ ምን አሉህ?
  • የግድ ምላሽ ለሚፈልጉት ብቻ ማለት ያለብንን ነግረውኛል።
  • ምን በሏቸው አሉ?
  • እኛ አልከለከልንም፣ የመንግሥት አቋም አይደለም!
  • ምን ማለት ነው? ማነው የወሰነው ብለው መጠየቃቸው ይቀራል እንዴ?
  • አኔም ይህንኑ አንስቼ ነበር።
  • እሺ፣ ማን አሉ?
  • በግላቸው!

በብዛት የተነበቡ ፅሁፎች

- Advertisment -

ትኩስ ፅሁፎች

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት...

የመንግሥት የ2017 ዓ.ም በጀትና የሚነሱ ጥያቄዎች

የ2017 ዓመት የመንግሥት ረቂቅ በጀት ባለፈው ሳምንት መገባደጃ ለሚኒስትሮች...

ከፖለቲካ አባልነትና ከባንክ ድርሻ ነፃ የሆኑ ቦርድ ዳይሬክተሮችን ያካተተው ብሔራዊ ባንክ ያዘጋጃቸው ረቂቅ አዋጅና መመርያዎች

የኢትዮጵያ የብሔራዊ ባንክ የፋይናንስ ተቋማትን የተመለከቱት ድንጋጌዎችንና የባንክ ማቋቋሚያ...

የልምድ ልውውጥ!

እነሆ መንገድ ከቦሌ ሜክሲኮ። አንዱ እኮ ነው፣ ‹‹እንደ ሰሞኑ...

የ‹‹ክብር ዶክትሬት›› ዲግሪ ጉዳይ

በንጉሥ ወዳጅነው ‹‹የክብር ዶክትሬት ዲግሪ ግልጽ የሆነ መመርያ እስኪወጣ ድረስ...
spot_img

ተዛማጅ ፅሁፎች

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት የሚታወጁ ሕዝባዊ ንቅናቄዎችን ማለቴ ነው። ምን ታወጀ? አንዴ ከዕዳ ወደ ምንዳ አላችሁ፡፡ እሺ? የእሱን ውጤት እየጠበቅን ሳለ ደግሞ... እ...? ኢትዮጵያ ታምርት...

[ክቡር ሚኒስትሩ ሰሞኑን በተጀመረው አገራዊ የምክክር መድረክ ላይ ስለተላለፉ መልዕክቶች በተመለከተ ከባለቤታቸው ጋር እያወጉ ነው] 

እኔ ምልህ? እ... አንቺ የምትይው? አለቃህ በምክክር መድረኩ ላይ ያስተላለፉትን መልዕክት አደመጥክ? አዎ፡፡ የሚገርም እኮ ነው አልተገረምክም? ምኑ ነው የሚያስገርመው? ለኢትዮጵያ የሚበጀውን ምከሩና አምጡ ብለው የምክክር መድረክ እንዲዘጋጅ ካደረጉ በኋላ...

[የክቡር ሚኒስትሩ ባለቤት የኬንያው ፕሬዚዳንት ያስተላለፉትን መልዕክት ተመልክተው ባለቤታቸውን በነገር ይዘዋቸዋል]

የኬንያው ፕሬዚዳንት ከሕዝባቸው ለቀረበባቸው ቅሬታ የሰጡትን ምላሽ ሰማህ? እንኳን ምላሻቸውን ቅሬታውንም አልሰማሁም። እንዴት? አልሰማሁማ? የምን ቅሬታ ቀርቦባቸው ነው? ሰሞኑን ወደ አሜሪካ ለመጓዝ ውድና ቅንጡ አውሮፕላን ተከራይተዋል የሚል ቅሬታ...