Wednesday, June 19, 2024
- Advertisement -
- Advertisement -

ዝንቅዝምታና ጩኸት!!

ዝምታና ጩኸት!!

ቀን:

በደመቀ ከበደ

ዝምታ ሲበዛ ፣ የራስ አፍ ያገማል
ብዙ መናገርም ፣ ሐሳብ ያገለማል፤
ግና በኒህ ፅንፎች
በአለማውራትና ፣ በመናገር መሃል
አለ ጥልቅ ነገር ፣ ማስተዋል የሚባል፡፡
ይህንን እያሰብኩ ፤ እኔ እተክዛለሁ
ከሕመምና ሳቅ ፤ ስንኝ እመዛለሁ፡፡
‹‹ለአፍታ በአርምሞ ፤ ቆሞ ላስተዋለው
ዝምታም ሕመም ነው ፤ ጩኸትም ሕመም ነው››
እንዳለው ገጣሚ ፤ ያማል፣ ያማል፣ ያማል፤ አዎ ሁሉም ‹‹ያማል››
ያልታመመ የለም፤ በጥጋጥጉ ፤ የጣር ድምፅ ይሰማል
ይህን መስማት ደግሞ ፤ ይብስ እጥፍ ያማል
ያማል አዎ ያማል!!
በመስማት ታምሜ፤ በማየት ታምሜ፤
በማሰብ ታምሜ፤ በማለም ታምሜ፤
በማንበብ ታምሜ ፣ በመፃፍ ታምሜ፤
ታምሜ፣ ታምሜ፣ ………..
በአስታማሚ ማጣት ፤ እያየኝ ደክሜ
እዩት ያን ወንድሜን ፤ ዳር ቆሞ ይስቃል
በታማሚ ተውኔት ፤ ጥርሱ እስከሚሰበር
ሰርክ ይፈንድቃል፤ ሰርክ ይንፈቀፈቃል፡፡
ይህን ሳቅ መስማትም ፤ እጅጉን ያደማል
ያማል አዎ ያማል፤
ዝምም አፍ ያገማል
መናገር ‹‹ነውር ነው››፤ ሐሳብ ያገለማል፤
ከህልቆ ሕመሞች ፤ አንደኛውን ሕመም ፤ መምረጥ የቸገረኝ
ሕመም የወለደው ፤ ሕመም ያናወዘው፤ አንድ ሐሳብ ነበረኝ፡፡
‹‹በጤነኞች መሃል ፤ ታማሚ ከበዛ
ወይ አካሚ ቅጠር ፤ ወይ መድኃኒት ግዛ››
በሚል አመክንዮ ፤ ላይጠግግ ሕመሜ ፤ ላልሆን እንደቀድሞ
ላምጠው እንግዲህ፤ ከሕመሜ ልውለድ ፤ የሚያድን አክሞ!!

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...