Friday, March 31, 2023
- Advertisement -
- Advertisement -
ስፖርትበቤንች ሸኮ ሚዛን አማን ከተማ የጎዳና ሩጫ እንደሚካሄድ ተገለጸ

በቤንች ሸኮ ሚዛን አማን ከተማ የጎዳና ሩጫ እንደሚካሄድ ተገለጸ

ቀን:

በደቡብ ምዕራብ ኢትዮጵያ በቤንች ሸኮ ዞን ሚዛን አማን ከተማ  የጎዳና ሩጫ እንደሚካሄድ ተገለጸ፡፡ የበርካታ ብሔረሰቦች መገኛ በሆነችው ሚዛን አማን ከተማ የስምንት ኪሎ ሜትር የጎዳና ሩጫ እንደሚደረግ አዘጋጁ ፋን ኢትዮጵያ ኃላፊነቱ የተወሰነ የግል ማኅበር ማክሰኞ የካቲት 21 ቀን 2015 ዓ.ም. በሰጠው ጋዜጣዊ መግለጫ ላይ አስታውቋል፡፡

ኢትዮጵያን በመካከለኛ ርቀቶች በተለያዩ መድረኮች ወክላ በሮጠችው ፋንቱ ሜጌሶ መሥራችነት የተቋቋመውን ፋን ኢትዮጵያ ከቤንች ሸኮ ዞን አስተዳዳር ጋር በመተባበር የሩጫ ውድድሩ መጋጀቱ ተገልጿል፡፡

‹‹ታላቁ ሩጫ በኅብረ ብሔራዊቱ ከተማ ሚዛን አማን›› በሚል መሪ ቃል የሚከናወነው ውድድሩ፣ የቤንች ሸኮ ዞን ዕድገትን ቀዳሚ ግቡ ማድረጉ ተጠቁሟል፡፡ ውድድሩ የካቲት 26 ቀን 2015 ዓ.ም. የሚከናወን ሲሆን ታዋቂ አትሌቶች፣ የአካባቢው ነዋሪ እንዲሁም በዞኑ በሚካሄደው አገር አቀፍ የባህል ስፖርት ውድድር ላይ የሚሳተፉ  ክልሎችና ከተማ አስተዳደሮች ይሳተፋሉ ተብሏል፡፡

ዞኑ ለኢንቨስትመንት ምቹና በተፈጥሮ ፀጋ የታደለ መሆኑን የሚያስታውሱት የፋን ኢትዮጵያ መሥራችና ሥራ አስኪያጅ ፋንቱ ሜጌሶ፣ የቱሪዝም መዳረሻዋን፣ በአገር አቀፍ የባህል ስፖርት ውድድር ላይ ማስተዋወቅ የሩጫው አንዱ ዓላማ እንደሆነ ገልጻለች፡፡

ከዚህም ባሻገር በዞኑ አቅም ያላቸው ተተኪ አትሌቶች ለማፍራትና የውድድር ዕድል ለመፍጠር ግቡ ማድረጉን ዋና ሥራ አስኪያጇ በጋዜጣዊ መግለጫው ላይ አስረድታለች፡፡

በውድድሩ ከአንደኛ እስከ ሦስተኛ ለሚወጡ አትሌቶች ሜዳሊያና ማበረታቻ የገንዘብ ሽልማት መሰናዳቱ ተገልጿል፡፡

 ስፖርታዊ ውድድሮች ለማከናወን በ2011 ዓ.ም. የተቋቋመው ፋን ኢትዮጵያ በሆሳዕና፣ በአርባ ምንጭ፣ ሐላባ፣ ቦንጋ፣ ደብረ ብርሃን፣ ኮንሶና ጂንካ ከተሞች ላይ የጎዳና ውድድሮችን አካሂዷል፡፡

በዚህም በተለይ የሩጫ ውድድር እምብዛም በማይዘወተርባቸው አካባቢዎች ውድድሮችን በማሰናዳት ማኅበራዊና ሕዝባዊ መስተጋብርን በማጠናከር መነቃቃት መፍጠሩ ይነገራል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ተወግዘው የነበሩ ሦስቱ ሊቀጳጳሳትና 20 ተሿሚ ኤጲስ ቆጶሳት ውግዘት ተነሳ

_ቀሪዎቹ ሦስት ህገወጥ ተሿሚዎች የመጨረሻ እድል ተሰጥቷቸዋል ​ ጥር 14...

በሕወሓት አመራሮች ላይ ተመስርቶና በሂደት ላይ የነበረው የወንጀል ክስ ተቋረጠ

በቀድሞ የትግራይ ክልል ፕሬዚደንት ደብረጽዮን ገብረሚካኤ,(ዶ/ር)ና ባለፈው ሳምንት በተሾሙት...

[የምክር ቤቱ አባል ላቀረቡት ጥያቄ በተሰጣቸው ምላሽ አቤቱታቸውን ለክቡር ሚኒስትሩ እያቀረቡ ነው]

ክቡር ሚኒስትር እየሆነ ያለው ነገር ትክክል ነው? ምነው? ምክር ቤቱም ሆነ...

የጉራጌ የክልልነት ጥያቄ ትኩሳት

ቅዳሜ መጋቢት 16 ቀን 2015 ዓ.ም. በጉራጌ ዞን ወልቂጤ...