Saturday, April 20, 2024
- Advertisement -
- Advertisement -
ዝንቅመንገድ ስጡኝ ሰፊ

መንገድ ስጡኝ ሰፊ

ቀን:

በገብረ ክርስቶስ ደስታ

‹‹ግማሽ ቀልድ አላውቅም!

ሞት እንደሆን ልሙት በሴኮንድ መቶኛ

- Advertisement -

Video from Enat Bank Youtube Channel.

እንቅልፍ እንደ ሬሳ ዘለዓለም ልተኛ

መንገድ ስጡኝ ሰፊ…!

‹‹ጉዞ ካጽናፍ አጽናፍ፤

ፍጥነት እንደ ብርሃን ዓለማትን ልለፍ

የመሬት ቁራጭ ነኝ

ታሪኳን የምጽፍ፤

በጥቁር ወረቀት በሰማይ ብራና፤

ስጓዝ እተዋለሁ በጠፈር ላይ ፋና

መንገድ ስጡኝ ሰፊ…!

‹‹ፀሐይ ልሁን ፀሐይ፤

እንደ ፅርሐ አርያም ሁሉንም የሚያሳይ

እሳተ ገሞራ አመድ እረመጡን፤

የሳት ጎርፍ ልሁን።

ከሲኦል ሚሊዮን ቢሊዮን ልቃጠል

ከገሃነመ እሳት ሚሊዮን ነበልባል

መንገድ ስጡኝ ሰፊ…!

‹‹ልሂድ በጨለማ ዓይን የማያይበት

ጥቁር የከሰለ፤ በጠቆረው ፅልመት

በፀጥታው ቦታ ዘመን ከቆመበት።

በዘለዓለማዊ ባዶ ቦታ ዋሻ

አየር በሌለበት አድማስ መጨረሻ።

ልንሳፈፍ ልቃኘው

ለእኔ ኮከብ ጠጠር ኳስ መጫወቻ ነው

መንገድ ስጡኝ ሰፊ…!

‹‹ስሄድ እኖራለሁ፤

ስከንፍ እኖራለሁ

ሰማየ ሰማያትን … እመዘብራለሁ

የተዘጋውን በር … እበረግዳለሁ

የሌለ እስቲፈጠር፤ የሞተ እስኪነቃ

በትልቅ ዕርምጃ ከመሬት ጨረቃ

ከጨረቃ ኮከብ

ካንዱ ዓለም ወዳንዱ

ስጓዝ እፈጥናለሁ

በፀሐይ ላይ ቤቴን .. ጎጆ እቀልሳለሁ

መንገድ ስጡኝ ሰፊ…!

‹‹ግማሽ ቀልድ አላውቅም ።

ከሲዖል ሚሊዮን ቢሊዮን ልቃጠል።

ከገሃነመ እሳት ሚሊዮን ነበልባል።

መንገድ ስጡኝ ሰፊ . . .

መንገድ ስጡኝ ሰፊ፤

ጉዞ ካጽናፍ አጽናፍ፤

ፍጥነት እንደ ብርሃን ዓለማትን ልለፍ።

ፀሐይ ልሁን ፀሐይ፤

እንደ ፅርሐ አርያም፤ ሁሉንም የሚያሳይ።

መንገድ ስጡኝ ሰፊ

መንገድ ስጡኝ ሰፊ’››

‹‹ቢያንስ ግማሽ መንገድ…››

– ገብረ ክርስቶስ ደስታ ‹‹መንገድ ስጡኝ ሰፊ›› (2003)

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...