Saturday, March 2, 2024
- Advertisment -
- Advertisment -

[ክቡር ሚኒስትሩ ከተቃዋሚ ፓርቲው ትይዩ ሚኒስትር ጋር ስለ ጫካ ፕሮጀክት እየተወያዩ ነው]

  • ክቡር ሚኒስትር ላቀረብነው የውይይት ጥያቄ ፈቃደኛ ስለሆኑና በአጭር ቀጠሮ በመገናኘታችን ከፍ ያለ ምስጋናዬን አቀርባለሁ።
  • በጭራሽ ምስጋና አያስፈልገኝም። ተቃዋሚ ፓርቲ ስትባሉ ብትቆዩም እኛ ስንመጣ ተፎካካሪ ያልናችሁ በምክንያት ነው።
  • በምን ምክንያት ነው?
  • ዋናው ምክንያት ተቀራርበን መሥራት እንዳለብን ስለምናምን ነው።
  • ሌላው ምክንያትስ?
  • ሌላው ተቃዋሚ የሚለው ስያሜ ጠላትነትን የሚያመላክት በመሆኑ ተገቢ አይደለም ማረም አለብን ብለን ነው።
  • መልካም ነገር ተግባር ነው ክቡር ሚኒስትር፣ ነገር ግን ተቀራርበን እየሠራን ነው ለማለት ያስቸግራል።
  • እንዴት?
  • ዛሬ እርስዎ ፈቃደኛ ሆነው ተገኙ እንጂ ስለጀመራችሁት የጫካ ፕሮጀክት ምንነት ለመወያየት በተደጋጋሚ ጊዜ ያቀረብነው ጥያቄ ምላሽ አላገኘም።
  • ስለ ጫካ ፕሮጀክት ምንነት በፓርላማ ሳይቀር ማብራሪያ እንደሰጠንበት ነው የማውቀው። አልሰማህም?
  • ሰምቻለሁ ክቡር ሚኒስትር።
  • ታዲያ?
  • የተሰጠው ግን ማብራሪያ ብቻ ነው።
  • አልገባኝም?
  • የተሰጠው ማብራሪያ ጥያቄ እንዳይነሳ ለማድረግ እንጂ ግልጽ ለመሆን የተሰጠ ማብራሪያ ነው ብለን እኛ አናምንም።
  • ለምን?
  • ምክንያቱም የሕዝብ ተወካዮቹን ጥያቄ ባትጠይቁም እንድትረዱት ተብሎ የተሰጠ ማብራሪያ እንጂ ጥያቄ ለመመለስ ተፈልጎ አይደለም።
  • ለምን እንደዚያ አልክ?
  • ምክንያቱም እኛ መሠረታዊ ጥያቄዎች አሉን። የተሰጠው ማብራሪያ ግን የፕሮጀክቱ ወጪ በበጀት እንደማይሸፈን ብቻ የሚገልጽ ነው።
  • የእናንተ ጥያቄ ምንድነው?
  • የጫካ ፕሮጀክት ቤተ መንግሥት ግንባታ የሚከናወንበት ቦታ ላይ ጥያቄ አለን።
  • ቦታው ላይ ያላችሁ ጥያቄ ምንድነው?
  • መንግሥት በይፋ ባይናገረውም ግንባታው እየተካሄደ ያለው በቅርቡ የተቋቋመው ሸገር ከተማ ውስጥ እንደሆነ ደርሰንበታል።
  • ታዲያ ምን ችግር አለው?
  • ይህ ግንባታ በአዲሱ የአዲስ አበባ ከተማ አከላለል መሠረት አዲስ አበባ ውስጥ የሚካሄድ አይደለም።
  • ኦኮ ምን ችግር አለው?
  • በሕገ መንግሥቱ መሠረት የፌዴራሉ መንግሥት መቀመጫ አዲስ አበባ ነው።
  • ሕገ መንግሥቱ እንደዚያ አይልም።
  • ምንድነው የሚለው?
  • የፌዴራሉ መንግሥት ዋና መዲና አዲስ አበባ ነው የሚለው።
  • ታዲያ የፌዴራሉ መንግሥትን መቀመጫ ወደ ሌላ ቦታ መቀየር ከሕገ መንግሥቱ ጋር የሚጋጭ አይደለም?
  • በጭራሽ አይጋጭም።
  • ይጋጫል እንጂ ክቡር ሚኒስትር?
  • ምናልባት ትላንት ከበላኸው ነገር ጋር ተጋጭቶብህ እንዳይሆን?
  • ምን በላሁ?
  • እራት?
  • የምን እራት?
  • የኤምባሲዎች እራት!
  • ጥያቄዎችን በመመለስ ግልጽኝነትን ከማስፈን ይልቅ ጥያቄዎችን ለማድበስበስ በምን እንደምታመኻኙ እውቃለሁ።
  • በምን እናመኻኛለን?
  • ባልነበረው እራት!

[ክቡር ሚኒስትሩ ለኢንቨስትመንት ማስፋፊያ የሚሆን መሬት እንዲሰጣቸው ተደጋጋሚ ጥያቄ ያቀረቡትን ባለሀብት ቅሬታ ለማዳመጥ በያዙት ቀጠሮ መሠረት ከባለሀብቱ ጋር በቢሯቸው ተገናኝተዋል]

  • ክቡር ሚኒስትር ለውይይት ያቀረብነውን ተደጋጋሚ ጥያቄ ዘግይቶም ቢሆን በመቀበልዎ አመሰግናለሁ።
  • ምሥጋናህ በነገሮች ባይታጀብ ጥሩ ነበር።
  • አጠፋሁ እንዴ ክቡር ሚኒስትር?
  • ዘግይቶም ቢሆን ጥያቄያችንን በመቀበልዎ ማለት ምን ማለት ነው? ሽሙጥ አይደለም? ደጅ አስጠናኸኝ ማለትህ አይደለም?
  • እንደዚያ ይረዱታል ብዬ አላሰብኩም ክቡር ሚኒስትር።
  • ለማንኛውም ለመወያየት የፈለጋችሁበትን አጀንዳ ማቅረብ ትችላለህ።
  • አመሰግናለሁ ክቡር ሚኒስትር።
  • እንደሱ ይሻላል።
  • እ…?
  • ምሥጋና እንደዚህ ንፁህ ሆኖ በጠቃሚ ነገር ሲታጀብ ነው ደስ የሚለው።
  • ምሥጋናን በዚህ ደረጃ ይወዳሉ ብዬ ስላልገመትኩ እንጂ ንፉግ ሆኜ እኮ አይደለም።
  • አሁንም እየተፈታተንከኝ ነው።
  • ምን አጠፋኹ ክቡር ሚኒስትር?
  • ምሥጋና አብዝተው ይወዳሉ እያልከኝ ነው?
  • እንደዚያ ማለቴ አልነበረም ክቡር ሚኒስትር፣ እንደዚያ ይረዱታል ብዬም አላሰብኩም።
  • ለማንኛውም ለመወያየት ወደ ፈለጋችሁበት አጀንዳ ብንገባ?
  • እሺ ክቡር ሚኒስትር፣ ማመስገኔን ትቼ ወደ ጉዳዬ እገባለሁ።
  • እንዴት ያለ ነገር ነው?
  • ምነው ክቡር ሚኒስትር?
  • ከዚህ በኋላ ስለምሥጋና ካነሳህ ውይይቱን በገዛ ፈቃድህ እንደተውከው እቆጥረዋለሁ።
  • እሺ ክቡር ሚኒስትር አመሰግናለሁ። ጉዳዬንም ቀጥታ ማቅረብ እጀምራለሁ።
  • እንዴት ሆኖ?!
  • ምን አሉኝ?
  • በል ቢሮዬን ለቀህ ውጣ!
  • በስህተት ነው የደገምኩት ክቡር ሚኒስትር፣ ይቅርታ ያድርጉልኝ?
  • ከዚህ በላይ ማዳመጥ ስለማልችል ውጣልኝ፡፡
  • አስቤው አይደለም ክቡር ሚኒስትር፣ በዚያ ላይ ይቅርታ እየጠየኩ ነው?
  • አልችልም አልኩህ እኮ?!
  • ለነገሩ ምሥጋናዬን ካልተቀበሉ ሌላ ነገር እሺ አይሉኝም።
  • ሌላ ምን?
  • እ…
  • ግዴለም ንገረኝ።
  • ይቅርታ!
  • ውጣልኝ!

በብዛት የተነበቡ ፅሁፎች

- Advertisment -

ትኩስ ፅሁፎች

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...

የጋራ ድላችን!

ከፒያሳ ወደ ቄራ ልንጓዝ ነው። ለበርካታ ደቂቃዎች ሠልፍ ይዘን...
spot_img

ተዛማጅ ፅሁፎች

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ ነው የሚደንቀው? የልደታ ክፍለ ከተማ ነዋሪዎች ሕዝባዊ ውይይት ላይ ምን ጉዳዮች ተነሱ? በአስማት ነው የምንኖረው ሲሉ ቅሬታቸውን...

[ክቡር ሚኒስትሩ የካቤኔ አባል የሆኑት አንድ ከፍተኛ ባለሥልጣን የሚያቀርቡትን ቅሬታ እያዳመጡ ነው] 

ክቡር ሚኒስትር እየሆነ ያለው ነገር በእጅጉ ስላሳሰበኝ ነው በአካል አግኝቼ ላነጋግርዎት የፈለግኩት። ጥሩ አደረክ። ምን አሳሳቢ ነገር ገጥሞህ ነው? ክቡር ሚኒስትር ተወያይተንና ተግባብተን ያስቀመጥናቸው አቅጣጫዎች፣ በተለይም...

[የክቡር ሚኒስትሩ ባለቤት ሞባይል ስልካቸው ላይ አተኩረው ሲመለከቱ ቆይተው፣ በድንገት ካቀረቀሩበት ቀና ብለው ባቤታቸውን ጠየቁ]

ምን ጉድ ነው የማየው? ምን ገጠመሽ? የመንግሥት ሚዲያዎች የሚያሠራጩት ምንድነው? ምን አሠራጩ? አልሰማህም? አልሰማሁም፣ ምንድነው? ዳግማዊ አፄ ምኒልክ መልዕከት አስተላለፉ እያሉ ነው እኮ። እ... እሱን ነው እንዴ? አዎ። የምታውቀው ነገር አለ? አዎ። የዓድዋ...