Tuesday, February 7, 2023
- Advertisement -
- Advertisement -
- Advertisement -

ፌርማታ ፅሁፎች

በዋሊያዎቹ በካዛብላንካ በክብር የታሰቡት ይድነቃቸው ተሰማ

ትኩስ ፅሁፎች

የአገር ውስጥ ሊግ ውስጥ የሚጫወቱ የሚሳተፉበት የአፍሪካ ዋንጫ (ቻን) የሚካፈለው የኢትዮጵያ ብሔራዊ ቡድን (ዋሊያዎቹ)፣ በሞሮኮ በካዛብላንካ የሚገኘውና በአቶ ይድነቃቸው ተሰማ ስም የተሰየመውን ስታዲየም ትናንት ማክሰኞ ጥር 2 ቀን 2015 ዓ.ም. ጎብኝተዋል።

በጉብኝቱ ወቅት አሠልጣኝ ውበቱ አባተ ባደረጉት ንግግር፣ ይህ በይድነቃቸው ተሰማ የተሰየመው ስታዲየም ትልቅ ትርጉም ያለውና ለቡድናቸው አባላት የሚያስተላልፈው ቁም ነገር ከፍተኛ እንደሆነ ገልጸዋል። የቡድኑ አባላትም የ30 ሰከንድ ጭብጨባ በማድረግ ለአቶ ይድነቃቸው ተሰማ ያላቸውን ክብር መግለጻቸውን ብሔራዊ ፌዴሬሽኑ በማኅበራዊ ትስስር ገጹ አስፍሯል፡፡

በስታዲየሙ መግቢያ ላይ ስለ ስታዲየሙ በፈረንሳይኛና ዓረቢኛ ቋንቋዎች አጭር መግለጫ የተቀመጠ ሲሆን፣ ‹‹እ.ኤ.አ. በ1988 በሞሮኮ አስተናጋጅነት በተካሄደው 16ኛው የአፍሪካ ዋንጫ ወቅት በሞሮኮ ንጉሥ ሐሰን ዳግማዊ በተሰጠ መመርያ ይህ ስታዲየም፣ ከዚህ ዓለም በሞት በተለዩን የአፍሪካ እግር ኳስ ኮንፌዴሬሽን (ካፍ) ፕሬዚዳንት ይድነቃቸው ተሰማ ስም እንዲሰየም ማርች 1988 ላይ ተወስኗል›› የሚል መግለጫን ይዟል።

ለኢትዮጵያ እና አፍሪካ እግር ኳስ እድገት ግንባር ቀደም ተጠቃሽ የሆኑት አቶ ይድነቃቸው ተሰማ፣ አመዛኙን የሕይወት ዘመናቸውን ባሳለፉበት እግር ኳስ በተጫዋችነት፣ አሠልጣኝነትና አመራርነት እ.ኤ.አ. በ1987 (ነሐሴ 13 ቀን 1979) ሕልፈተ ሕይወታቸው እስከተሰማበት ጊዜ ድረስ ከፍተኛ አበርክቶ የነበራቸው ታላቅ የእግር ኳስ ሰው ነበሩ።

 አቶ ይድነቃቸው ከካፍ ፕሬዚዳንትነታቸው በተጨማሪ የአፍሪካ ስፖርት ኮንፌዴሬሽኖች ማኅበር ፕሬዚዳንት፣ የኢንተርናሽናል ኦሊምፒክ ኮሚቴ አባል፣ ቀደም ሲል የኢትዮጵያ ኦሊምፒክ ኮሚቴ መሥራችና ፕሬዚዳንት፣ የሰፖርት ኮሚሽነር እንደነበሩ ይታወሳል፡፡

ዋሊያዎቹ የቀድሞ የሞሮኮ ንጉሥ ሁለተኛ በይድነቃቸው ተሰማ ስም የሰየሙትን የስፖርት ኮምፕሌክስ መጎብኘታቸውንና አክብሮታቸውን በ30 ሰከንዶች ጭብጨባ መግለፃቸውና የተነሷቸውን የመታሰቢያ ፎቶዎችም መመልከታቸውን በደስታ የገለጹት የአቶ ይድነቃቸው ልጅ አቶ ታደለ ይድነቃቸው፣ በማኅበራዊ ገጻቸው ‹‹በዚህ ለይድነቃቸው ብቻ ሳይሆን መታሰቢያ ለሰጠችው ለሞሮኮም የኢትዮጵያውያን አክብሮት በተገለጸበት ሥርዓት የተሳተፉትን የቡድኑን አባላት በሙሉ በይድነቃቸውና በቤተሰቡ ስም ከልብ አመሰግናለሁ፤›› ብለዋል፡፡

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች