Tuesday, February 7, 2023
- Advertisement -
- Advertisement -
ማኅበራዊኢትዮጵያን ጨምሮ በሦስት አገሮች ከ20 ሚሊዮን በላይ ሕፃናት ለከፍተኛ የምግብ እጥረት መጋለጣቸውን...

ኢትዮጵያን ጨምሮ በሦስት አገሮች ከ20 ሚሊዮን በላይ ሕፃናት ለከፍተኛ የምግብ እጥረት መጋለጣቸውን ዩኒሴፍ አስታወቀ

ቀን:

በኢዮብ ትኩዬ

ከ20 ሚሊዮን በላይ ሕፃናት ከፍተኛ የምግብ እጥረት እንደተጋረጠባው፣ የዓለም ሕፃናት ድርጅት ባወጣው ሪፖርት አስታወቀ፡፡

ከድርጅቱ ሪፖርት የተገኘው ዝርዝር እንደሚያመላክተው ከሆነ፣ ከፍተኛ የተባለው የምግብ እጥረት የተጋረጠው በተለይም በሦስት የዓለም አገሮች ነው፡፡ የሕፃናት ድርጅቱ ለከፍተኛ የምግብ እጥረት ተጋልጠዋል ሲል በሪፖርቱ ከጠቀሳቸው አገሮች መካከል ኢትዮጵያ የተካተተች ሲሆን፣ ቀሪዎቹ ደግሞ ኬንያና ሶማሊያ መሆናቸውን ማወቅ ተችሏል፡፡

በአሁኑ ጊዜ በኢትዮጵያ፣ በኬንያና በሶማሊያ የምግብ እጥረት በመከሰቱ አስቸኳይ የምግብ ዕርዳታ ከሚሹ 20.2 ሚሊዮን ሕፃናት መካከል ሁለት ሚሊዮን የሚሆኑት በተመጣጠነ የምግብ ዕጦት ምክንያት ሕክምና እንደሚያስፈልጋቸው በሪፖርቱ ተጠቅሷል፡፡

በሦስቱ አገሮች የምግብ እጥረት የተጋረጠባቸው ሕፃናት ቁጥር በአምስት ወራት ውስጥ ወደ አሥር ሚሊዮን ከፍ ማለቱም ተገልጿል፡፡ ባለፈው ዓመት ሐምሌ ወር 2014 ዓ.ም. በሦስቱ አገሮች ብቻ ከባድ የተባለ የምግብ እጥረት ገጥሟቸው የነበሩ ሕፃናት አሥር ሚሊዮን ብቻ የነበሩ ቢሆንም፣ አምስት ወራት ግን የሕፃናቱ ቁጥር በእጥፍ በመጨመር ወደ 20 ሚሊዮን ገደማ ማሻቀቡን ጠቁሟል፡፡

የአየር ንረት ለውጥ፣ ዓለም አቀፍ የምግብ የዋጋ ንረትና የተለያዩ ምክንያቶችን ያዘሉ ግጭቶች፣ እንዲሁም የጥራጥሬ ምርት እጥረት ለሕፃናቱ የከፋ የምግብ እጥረት መጋለጥ ቀንደኛ ምክንያቶች መሆናቸው በሪፖርቱ ተካቷል፡፡

ይህንን ተከትሎም በመላው ኢትዮጵያ፣ ኬንያና ሶማሊያ በድርቅ ምክንያት ከሁለት ሚሊዮን በላይ ዜጎች ከአገር ውስጥ ከቦታ ቦታ ለመፈናቀል ተገደዋል ተብሏል፡፡

ከድርጅቱ የተገኘው መረጃ የሚያመላክተው ሪፖርቱ እስከተዘጋጀበት ጊዜ ድረስ ወደ 24 ሚሊዮን የሚጠጉ ሰዎች ለከፍተኛ የውኃ እጥረት የተጋለጡ ሲሆን፣ ባሉበት ወቅት የውኃ ዕጦቱ ከእስከዛሬው ጋር ሲነፃፀር ከእጥፍ በላይ ጨምሯል ተብሏል፡፡

በተጨማሪም በድርቁ ምክንያት ወደ 2.7 ሚሊዮን የሚጠጉ ሕፃናት ከትምህርት ገበታቸው ውጪ፣ እንዲሁም አራት ሚሊዮን ገደማ የሚሆኑት ደግሞ ትምህርታቸውን ለማቋረጥ መገደዳቸው በሪፖርቱ ተጠቅሷል። ፆታን መሠረት ያደረጉ ጥቃቶች፣ የጉልበት ብዝበዛን፣ ያለዕድሜ ጋብቻ፣ ግርዛት፣ በደልና መፈናቀል እንዲስፋፋ፣ የምግብ ዋስትና ዕጦትና መፈናቀል ምክንያት ሆኗል።

እ.ኤ.አ. በ2022 ዩኒሴፍና አጋሮቹ ወደ ሁለት ሚሊዮን የሚጠጉ ሕፃናትና ሴቶች አስፈላጊ የሕይወት አድን የጤና እንክብካቤ አገልግሎቶችን ተደራሽ ስለመደረጉ ወደ ሁለት ሚሊዮን የሚጠጉ ከስድስት ወራት እስከ 15 ዓመት ዕድሜ ያላቸው ሕፃናት የኩፍኝ በሽታ ክትባት ስለመውሰዳቸውና ከ2.7 ሚሊዮን በላይ ሰዎች ንፁህ ውኃ ማግኘታቸውን ሪፖርቱ አመላክቷል፡፡

ሪፖርቱ እንደሚያስረዳው፣ በ2023 ለሕፃናትና ለቤተሰቦቻቸው በተለይ በትምህርት፣ በውኃ፣ በንፅህናና በሕፃናት ጥበቃ ዘርፎች ድጋፍ 759 ሚሊዮን ዶላር እንደሚያስፈልም ዩኒፍ ይፋ ያደረገው ሪፖርት ያብራራል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቤተክህነት ባቀረበችው የይግባኝ አቤቱታ ላይ ውሳኔ ለመስጠት ለዕሮብ ተቀጠረ

የኢትዮጵያ ኦሮቶዶክስ ተዋህዶ ቤተክርስቲያን ሀገወጥ ነው በተባለው አዲሱ ሲኖዶስና...

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...