Tuesday, February 7, 2023
- Advertisment -
- Advertisment -

[የሚኒስትሩ ባለቤት ለማዕከላዊ ኮሚቴ የተሰጠውን ገለጻ በቴሌቪዥን እየተከታተሉ ሳለ ሚኒስትሩ ወደ መኖሪያ ቤታቸው ገቡ]

  • ጎሽ እንኳን መጣህ።
  • ምነው?
  • እኔማ ሕዝቡ ብቻ ነበር የተማረረ የሚመስለኝ።
  • በምን?
  • በዋጋ ንረት።
  • ዋጋ ንረትን ምን አመጣው?
  • ይኸው አለቃችሁ አስሬ የፖለቲካ ማርኬት፣ የፖለቲካ ሸቀጥ እያሉ በምሬት ሲያወሩ አትሰማም እንዴ።
  • እ… እሱን ነው እንዴ?!
  • በእርግጥ ፖለቲካ እንደሚሸጥ አላውቅም ነበር። ግን ስንት ቢገባ ነው እንዲህ የተማረሩት?
  • ኧረ ተይኝ… በጣም ንሯል።
  • የምርት እጥረት ነው ወይስ ሌላ ምክንያት አለው?
  • ሁለቱም ነው።
  • ምን እና ምን?
  • የምርት እጥረቱ እንደኛው ነው።
  • ሌላውስ?
  • ሌላውማ ሕገወጥ ደላላውና በአቋራጭ ለመክበር የሚጥሩ ነጋዴዎች መኖራቸው ነው።
  • እዚያም እንደዚህ አለ?
  • ኧረ እንደውም ዋናዎቹ እዚህ ነው ያሉት።
  • ታዲያ ከውጭ ለምን አታስመጡም?
  • አይ እሱማ አይሆንም። ምንዛሬውም የለም።
  • ካልሆነ ቢያንስ ዋጋውን ለማረጋጋት አልሞከራችሁም?
  • እንዴት ብለን? ተቸገርን እኮ?
  • እንዴት? ቢያንስ ማቋቋም ያቅታችኋል?
  • ምን ማቋቋም?
  • የእሑድ ገበያ!

[ለቀናት ከቢሮ የጠፉት የሰላም ስምምነቱን አተገባበር የሚከታተሉት ክቡር ሚኒስትር ወደ ቢሮ ተመልሰዋል። አማካሪያቸውም በተቋማዊ ጉዳዮች ላይ ሪፖርት ማቅረቡን ትቶ ስለ ሰላም ስምምነቱ አተገባበር እየጠየቃቸው ነው]

  • ክቡር ሚኒስትር እውነት ይህ የሰላም ስምምነት የሚሳካ ይመስሎታል?
  • ለምን ተጠራጠርክ?
  • የሰላም ስምምነቱን ተቀብለው ቢፈርሙም የታጠቀ ኃይላቸውን ሙሉ በሙሉ የመቆጣጠር አቅም ያላቸው አልመሰለኝም።
  • ለምን እንደዛ አልክ?
  • ከአንዳንድ የውጭ ተቋማት ጓደኞቼ ከምሰማው መረጃ እንደዚያ የሚሆን አልመስል አለኝ። በተጨማሪም…
  • እ… በተጨማሪ ምን?
  • የተወሰኑ ታጣቂዎች አፈንግጠዋል የሚል ወሬ ሰምቻለሁ።
  • በእርግጥ የሰላም ስምምነቱን ያልተቀበሉ ታጣቂዎች እንዳሉ ይታወቃል። በሌላ በኩል ደግሞ….
  • አየሰማሁ ነው… ይቀጥሉ
  • የተወሰኑ ኃይሎች ትጠቃቸውን እንደያዙ እየተበተኑና አንዳንዶቹም መሣሪያ እንደያዙ ወደ ቤተሰባቸው እየሄዱ መሆኑን ሰምተናል።
  • እንዴ! ታዲያ ይኼ ትክልል ነው?
  • እኛም እርስ በርሳቸው እንዳይጋጩና በነዋሪዎች ላይ ውንብድና እንዳይፈጽሙ ሠግተናል።
  • ክቡር ሚኒስትር ምሽግ የሚቆፍሩ እንደሆነም እኮ እየተወራ ነው?
  • አሱንም ሰምተናል።
  • ታዲያ ይኼ ልክ ነው?
  • እኛም ትክክል እንዳልሆነ በመግለጽ በታዛቢዎች ፊት ማብራሪያ ጠይቀናል።
  • ምን ምላሽ ሰጡ?
  • የታጠቀ ጦርን ካልተዋጋ ችግር ሊፈጥር ይችላል ነው የሚሉት።
  • ስለዚህ?
  • እኛ ሌላ ፍላጎት የለንም ነው የሚሉት።
  • ታዲያ ምሽግ የሚያስቆፍሩት ለምንድን ነው?
  • ከውጊያ ቀጠና በድንገት የወጣ ወታደር በሥራ ካልተጠመደ ያልተገባ ነገር ሊያስብ ስለሚችል ምሽግ እንዲቆፍሩ ማድረጋቸውን ነው የገለጹልን።
  • በታዛቢዎች ፊት እንደዚያ ያሉት?
  • አዎ።
  • እና እናንተ ይህንን አምናችሁ ተቀበላችሁ?
  • እኛ ሙሉ እምነት ባይኖረንም ምንም እንደማያመጡ ስለምናውቅ ብዙ አልተጨንቀንም። ግን …
  • እየሰማሁ ነው… ይቀጥሉ ክቡር ሚኒስትር?
  • በተወሰነ ደረጃ ምክንያታቸው ትክክል እንደሆነ እናምናለን።
  • ለምን?
  • ምክንያቱም ሥጋት አላቸው።
  • የምን ሥጋት?
  • እሱን መገመት ትችላለህ።
  • ገባኝ ገባኝ።
  • ምንድነው የገባህ?
  • ሥጋታቸው ምን እንደሆነ።
  • ምንድነው?
  • ታጣቂዎቹ አንድ ነገር ይሞክራሉ ብለው ፈርተዋል።
  • ምን ሊሞክሩ ይችላሉ?
  • ፈንቅል!

 

 

 

በብዛት የተነበቡ ፅሁፎች

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...

አዲስ ሲኖዶስ አቋቁመዋል በተባሉና በኦሮሚያ መንግሥት ላይ ክስ ለመመሥረት ዕግድ ተጠየቀ

የፌዴራል ፖሊስና የኦሮሚያ ፖሊስ ኮሚሽኖችም ተካተዋል የኢትዮጵያ ኦርቶዶክስ ተዋህዶ ቤተ...
- Advertisment -

ትኩስ ፅሁፎች

ቤተክህነት ባቀረበችው የይግባኝ አቤቱታ ላይ ውሳኔ ለመስጠት ለዕሮብ ተቀጠረ

የኢትዮጵያ ኦሮቶዶክስ ተዋህዶ ቤተክርስቲያን ሀገወጥ ነው በተባለው አዲሱ ሲኖዶስና...

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...
spot_img

ተዛማጅ ፅሁፎች

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን ምን እንደሆነ በይፋ በመናገራችን ተዋናዮቹ ራሳቸውን ለመከላከል በየቦታው ግጭት እየቀሰቀሱብን ነው። ታዲያ ምንድነው ማድረግ የሚሻለን ትላለህ? ከእርሶ...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ ክቡር ሚኒስትር፡፡ ምን ገጥሞህ ነው? ስምምነቱን ጥሰውታል ክቡር ሚኒስትር? ኧረ ተውው ተረጋጋ፡፡ እሺ ክቡር ሚኒስትር ይቅርታ... ደንቆኝ እኮ ነው። ስምምነቱን...

[ክቡር ሚኒስትሩ ለከተማ አስተዳደሩ እንድ ሹም በቢሮ ስልካቸው ላይ ደጋግመው ቢደውሉም ሊያገኟቸው ስላልቻሉ ወደ እጅ ስልካቸው ሞከሩ] 

ጤና ይስልጥልኝ ክቡር ሚኒስትር? ትላንት የቢሮ ስልክዎ ላይ ብደውል ለሥራ ወጥተዋል ተባልኩ፣ ዛሬም ስደውል ለሥራ ወጥተዋል ተባልኩ። ልክ ነው ክቡር ሚኒስትር ቢሮ አልገባሁም ነበር። እኔ ሳላውቅ የጀመሩት...