Monday, February 6, 2023
- Advertisement -
- Advertisement -
ኪንና ባህል‹‹ፀደይ›› የዓይነ ሥውሯ ድምፃዊት ስንታየሁ በላይ ገሚስ አልበም

‹‹ፀደይ›› የዓይነ ሥውሯ ድምፃዊት ስንታየሁ በላይ ገሚስ አልበም

ቀን:

‹‹በቴሌቪዥን መስኮቶቻችን ካሉ የሙዚቃ ውድድሮች መሀል አንዱ በሆነው ፋና ላምሮት ላይ  የብዙዎችን ቀልብ ስባለች። ከዛም በተጨማሪ በተለያዩ የምሽት ክለቦች
እንዲሁም መድረኮች የሚያውቋት ችሎታዋን ሲመሰክሩላት ይታያል። ከሙዚቃ
ችሎታዋ ባለፈ ከሰዎች ጋር ያላት መስተጋብርም ልዩ ነው። ስንታየሁ በላይ ትባላለች፡፡›› የሚለው ‹‹ሙዚቃዊ›› በመባል የሚጠራው ተቋም ነው፡፡ ሰሞኑን ድምፃዊቷ ከሙዚቃዊ ጋር በመሆን አምስት ዘፈኖቿን የያዘ ገሚስ አልበም ሰሞኑን አውጥታለች፡፡

ታዋቂው ሙዚቀኛ ግሩም መዝሙር ፕሮዲውስ ያደረገውና ‹‹ፀደይ›› የሚል ስያሜ ያለው የሙዚቃ አልበም በውስጡ ከያዛቸው መካከል  ‹‹አባነነኝ›› የተሰኘው የሙዚቃ ቪዲዮን አካትቷል። ሌሎቹ ሥራዎቿ ናልኝ፣ ስትሄድ፣ መጣልኝና ሎሌ ናቸው፡፡

እንደ ክራርና ማሲንቆ ያሉ የኢትዮጵያ ባህላዊ የሙዚቃ መሣሪያዎችን ከምዕራብ አፍሪካ የሙዚቃ መሣሪያዎች ጋር አጣምሮ መያዙን ሙዚቃዊ በጋዜጣዊ መግለጫው ገልጿል፡፡

‹‹ስንታየሁ እንደ አስቴር አወቀና ሐመልማል አባተ ዓይነት ዘመናዊ የአዘፋፈን ሥልት ያላት ድምፃዊት ስትሆን የባህላዊ አዝማሪ ሥልቶችን መጠቀሟ ድምጿን የተለየ ውበት እንዲላበስ አድርጎታል፡፡››

ድምፃዊቷ ስንታየሁ ተወልዳ ያደገችው በሰሜን ወሎ ራያ ቆቦ አካባቢ ሲሆን የመጀመሪያ ደረጃ ትምህርቷን ቆቦ በሚገኘው በካቶሊክ ትምህርት ቤት፣ ሁለተኛ ደረጃ ትምህርቷን በቆቦ ሃይስኩል፣ ቀጥላም ደሴ በሚገኘው የመምህራን ትምህርት ኮሌጅ ትምህርቷን አጠናቃለች፡፡ የዓመት ከስድስት ወር ልጅ እያለች የማየት ችሎታዋን ያጣችው ስንታየሁ ሙዚቃን እየሰማችና እያደነቀች በማደጓ ለሙዚቃ ያላት ፍቅር የተፀነሰው ገና በለጋ ዕድሜዋ ነበር ይላል ሙዚቃዊ፡፡

‹‹ስንታየሁ ከዕለታት አንድ ቀን ለራሷ በማንጎራጎር ላይ ሳለች የቤት አከራይዋ
በውብ ድምጿ በመደነቅ በአካባቢው የሚገኘውን የ‹ፋና ራያ› የሙዚቃ
ቡድንን እንድትቀላቀል ሐሳብ ያቀርብላታል። ስንታየሁም የሙዚቃ ህልሟን ለማሳካት መንገድ በማግኘቷ እየተደሰተች ቡድኑንን ለመቀላቀል ተወዳደረች፡፡ ቡድኑንም ተቀላቀለች። የሙዚቃ ጉዞዋም አንድ ብሎ የጀመረው ያኔ ነው። ከዚያን ጊዜ ጀምሮ
ስንታየሁና ሙዚቃ የማይለያዩ ጓደኛሞች ሆኑ፡፡››

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...