Monday, February 6, 2023
- Advertisement -
- Advertisement -
ዜናየካፒታል ዕቃ አከራይ ኩባንያዎች ለቅርንጫፎቻቸው ፈቃድ እንዲያወጡ ታዘዙ

የካፒታል ዕቃ አከራይ ኩባንያዎች ለቅርንጫፎቻቸው ፈቃድ እንዲያወጡ ታዘዙ

ቀን:

ፈቃድ አውጥተው የካፒታል ዕቃ በማከራየትና ፋይናንስ በማድረግ የሚሠሩ ኩባንያዎች፣ ያሏቸውን ቅርንጫፎች በስድስት ወራት ውስጥ ፈቃድ እንዲያወጡላቸው ብሔራዊ ባንክ ባስተካከለው (Amendment) መመርያ አዘዘ፡፡

ኩባንያዎቹ ቅርንጫፎቻቸውን ሲቀይሩ፣ ሲዘጉና አዳዲስ ቅርንጫፎች ሲከፍቱ ምን ማድረግ እንዳለባቸው የሚያዘው የተሻሻለው መመርያ፣ ከኅዳር ወር መጨረሻ ጀምሮ ተግባራዊ በመሆን ነባር ቅርንጫፎቻቸውንም ፎርም በመሙላት ከብሔራዊ ባንክ ፈቃድ እንዲያወጡላቸው ሲል ይደነግጋል፡፡

በ1990 ዓ.ም. እንደ አዲስ ወጥቶ በ2005 ዓ.ም. የተስተካከለውን የካፒታል ዕቃ ኪራይ ንግድ ሥራ አዋጅ ተግባራዊነትን ተከትሎ ለተቋቋሙት ኩባንያዎች፣ የብሔራዊ ባንክ ፈቃድ የሚሰጥና የሚያስተዳድር ሲሆን፣ በ2006 ባወጣውና ስለቅርንጫፎች አከፋፈት ባልተደነገገበት መመርያ ኩባንያዎች ይተዳደሩ ነበር፡፡

የቀድሞውን መመርያ አንቀጽ ሰባት በመሻር ኩባንያዎቹ አዳዲስ ቅርንጫፍ ሲከፍቱና ሲዘጉ ማከናወን ያለባቸውን ሥራዎች አዲሱ መመርያ ድንጋጌዎችን ያስቀምጣል፡፡

በመመርያው መሠረት አዲስ ቅርንጫፍ መክፈት የፈለገ ኩባንያ የቢዝነሱን ፈቃድና የቅርንጫፉን ፈቃድ በሚታይ ቦታ ማስቀመጥ፣ የቅርንጫፉን ጥበቃና የገንዘብ ማስቀመጫ ካዝና መኖሩን ማረጋገጥ፣ እንዲሁም ሠራተኞቹ በበቂ ሁኔታ ሕግጋቶችን አውቀው የሚሠሩ መሆን እንዳለባቸው ማረጋገጥ ይኖርበታል፡፡ እነዚህንና መሰል ቅድመ ሁኔታዎች ያሟላ ኩባንያ ሥራ ከጀመረ በ30 ቀናት ውስጥ ለቅርንጫፉ ፈቃድ ማግኘት እንዳለበት ተደንግጓል፡፡ ቅርንጫፉን የሚቀይር ከሆነም አዳዲስ ቅርንጫፍ ሲከፍት የሚሞላበትን ፎርም በመጠቀምና በማመልከት፣ በ30 የሥራ ቀናት ውስጥ ለቅያሬው ቅርንጫፍ ፈቃድ ማውጣት እንዳለበት በመመርያው ተደንግጓል፡፡

በተጨማሪም ኩባንያዎች ያሏቸውን ቅርንጫፎች የመዝጋት ፍላጎት ካላቸውም፣ ያለ ብሔራዊ ባንክ ፈቃድ ይህን ማድረግ እንደማይችሉ፣ የቅርንጫፍ ደንበኞችም አውቀውትና ጥቅማቸው ተጠብቆ ብቻ መሆን እንዳለት መመርያው ይደነግጋል፡፡ ቅርንጫፉን ለመዝጋት የብሔራዊ ባንክን ፈቃድ ማግኘት የፈለገ ኩባንያ፣ ለመዝጋት ካቀደበት 30 የሥራ ቀናት በፊት ምክንያቱን በመጥቀስ ባንኩን መጠየቅና ዋናውን የቅርንጫፍ ፈቃድ መመለስ እንዳለበት በድንጋጌው ተካቷል፡፡

የብሔራዊ ባንክ ዓመታዊ አፈጻጸም ሪፖርት ላይ እንደተጠቀሰው፣ በአገሪቱ ስድስት የካፒታል ዕቃ ፋይናንስ ኩባንያዎች ሲኖሩ፣ የተገልጋዮቻቸውም ቁጥር 4,671 ደርሷል፡፡ ኩባንያዎቹ ባለፈው በጀት ዓመት ሁለት ቢሊዮን ብር የሚገመት የካፒታል ዕቃ ፋይናንስ አገልግሎት ማቅረባቸው ተጠቅሶ፣ ጠቅላላ ሀብታቸው 4.7 ቢሊዮን ብር፣ እንዲሁም፣ 2.3 ቢሊዮን ብር ካፒታል እንዳላቸው ተጠቁሟል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...