Monday, February 6, 2023
- Advertisment -
- Advertisment -

[ክቡር ሚኒስትሩ ከሌሎች የመንግሥት ኃላፊዎች ጋር ከአዲስ አበባ ውጪ የሚገኙ ኢንዱስትሪ ፓርኮችን ጎብኝተው ከተመለሱ በኋላ በጉብኝቱ የተመለከቷቸውን ጉዳዮች ለአማካሪያቸው እያካፈሉ ነው] 

  • ሁላችንም የጉብኝት ቡድኑ አባላት ባየናቸው ግዙፍ የጨርቃ ጨርቅ ኢንዱስትሪዎች ተደንቀናል። ቢሆንም ግን…
  • ቢሆንም ምን? የሚያሳዝን ጉዳይ ገጠማችሁ?
  • ጥሩ ጅምሮችን ዓይተን ብንደሰትም አንድ ጉዳይ ግን አሳዝኖናል።
  • ምንድነው?
  • አንድ ከውጭ ክር አስመጥቶ ጨርቅ አምርቶ ለውጭ ገበያ የሚያቀርብ ፋብሪካ ተመልክተን አድንቀን ስናልፍ ባገኘነው ፋብሪካ ደግሞ አዘንን።
  • ለምን?
  • ምንክንያቱም ይህ ፋብሪካ ከውጭ ጨርቅ አስመጥቶ ልብስ የሚሰፋና ለውጭ ገበያ የሚያቀርብ ነው።
  • ታዲያ ለምንድነው ያዘናችሁት?
  • እንዴት ልብስ ሰፍቶ ለውጭ ገበያ ያቀርባል?
  • ታዲያ ምን ማድረግ ነበረበት?
  • እንዴ! አገራችን የሚለብስ ጠፍቶ ነው? ከ120 ሚሊዮን በላይ ሕዝብ ያለበት አገር ጥሩ ገበያ አይደለም?
  • እሱማ ነው። ግን…
  • አለቃ በነገሩ ተበሳጭተው ያሉትን አልሰማህም?
  • ምን አሉ?
  • ያልገባን ነገር አለ። ልብስ ሰፍተን እያመረትን ለውጭ ገበያ እየሸጥን እንደገና ከውጭ ገበያ ልብስ ለመግዛት የምንሰደድ ከሆነ ያልገባን ነገር አለ ሲሉ በቁጭት ነው የተናገሩት፡፡
  • እንዴት እንደዛ ይላሉ?
  • ለምን አይሉም ትክልል አይደሉም እንዴ?
  • መንግሥት የኢንዱስትሪ ፓርኮችን ሲገነባ ኤክስፖርትን ለማስፋፋትና የውጭ ምንዛሪ ገቢውን ለማሳደግ አቅዶና አስልቶ አይደለም እንዴ?
  • እሱማ ነው፡፡
  • ይህንንም በፍጥነት ለማሳካት የገበያ ትስስርና ልምድ ያላቸው የውጭ ጨርቃ ጨርቅ ኩባንያዎችን ወደ ኢንዱስትሪ ፓርኮቹ ማስገባት የተሻለ ነው ተብሎ ታቅዶ አይደለም እንዴ?
  • እሱማ ነው።
  • አጎዋ የተባለው የአሜሪካ የገበያ ዕድል ተጠቃሚ እንደሆንን፣ እርካሽ የሰው ኃይል፣ የኤሌክትሪክ አቅርቦት እንዳለን አስተዋውቀን አይደለም እንዴ እነዚህን ኩባንያዎች የሳብናቸው?
  • እሱማ ነው።
  • ታዲያ ለምንድን ነው አለቃ ‹‹ያልገባን ነገር አለ›› ያሉት?
  • እኔም አልገባኝም!

[ክቡር ሚኒስትሩ ቢሮ ቢገቡም ጸሐፊያቸው ዛሬም በሰዓት ቢሮ አልተገኘችም፡፡ በነገሩ መደጋገም ተናደው ቢሮ ውስጥ እየተንጎራደዱ ሳለ ጸሐፊዋ እየተጣደፈች ወደ ቢሮ ገባች]

  • ውይ ክቡር ሚኒስትር ዛሬም ቀደሙኝ?
  • እኔ ቀድሜሽ አይደለም።
  • እህ… ነው እንጂ ይኸው ቢሮ ቀድመውኝ ገብተው?
  • ቀድሜሽ ሳይሆን የሥራ ሰዓት እያከበርሽ ባለመሆኑ ነው።
  • ልክ ነው ክቡር ሚኒስትር ዛሬስ አርፍጃለሁ።
  • ዛሬ ብቻ አይደለም። ታስተካክያለሽ ብዬ ዝም ብልሽም ከመደጋገም አልፎ በዛ፡፡
  • ምን ላድርግ ክቡር ሚኒስትር… ወድጄ አይደለም እኮ?
  • ስንት ዓመት እዚህ ቢሮ ስትሠሪ ያላየሁብሽን ባህሪ ነው ከቅርብ ጊዜ ወዲህ እያየሁ ያለሁት፡፡ የሆንሽው ነገር አለ?
  • በፊት መኖሪያ ቤቴ መሀል ከተማ ውስጥ ስለነበር ትራንስፖርት አልቸገርም ነበር ራመድ ብዬም መድረስ እችል ነበር። አሁን ግን…
  • አሁን ግን ምን?
  • መሀል ከተማ ላይ የመኖሪያ ቤት ኪራዩ ከበደኝና ትንሽ ራቅ ብዬ ተከራየሁ… እዚያም ሲጨምር ለቅቄ ራቅ ብዬ ሌላ ቤት ተከራየሁ።
  • እሺ…?
  • እዚያም ዋጋው አልቀመስ አለና ለቅቄ የከተማው ጥግ ወጥቻለሁ። ለዛ ነው በሰዓቱ ቢሮ ለመድረስ የተቸገርኩት ክቡር ሚኒስትር?
  • አሁን የት አካባቢ ነው መኖሪያሽ?
  • ኮዬ ፈጬ፡፡
  • ከዚህ ከመሀል እዚያ ሄድሽ?
  • ምን ላድርግ ክቡር ሚኒስትር። ለነገሩ እኔ ብቻ አይደለሁም።
  • እህ…?
  • አብዛኛው ነባር የከተማዋ ነዋሪ እኮ እንዲሁ የቤት ኪራይ ዋጋውን አልችል ብሎ ከመሀል ከተማ ቀስ እያለ ወጥቶ አሁን ወይ ኮዬ ፈጬ ነው አልያም ደግሞ…
  • እህ…?
  • የካ አባዶ ወይም ከዚያ አልፎ እየተከራየ ነው።
  • ወይ ጉድ…?
  • እናንተ ግን የአርሶ አደሩን መፈናቀል ብቻ ይዛችሁ ፖለቲካ አደረጋችሁት።
  • እናንተ ማለት?
  • ውይ ይቅርታ መንግሥትን ማለቴ ነው።
  • እሺ ይሁን… አርሶ አደሩ መፈናቀሉ እውነት አይደለም እያልሽ ነው?
  • እንደዛ ማለቴ አይደለም።
  • ታዲያ?
  • የከተማ ዕድገት ሲመጣ አርሶ አደር ብቻ ሳይሆን ከተሜውም ይፈናቀላል ማለቴ ነው። በዚያ ላይ ደግሞ….
  • የከተማ ዕድገትና ከተሜነት እስካልቆመ ድረስ መፈናቀልን ማቆም አይቻልም። መቆም ያለበት ሌላ ነገር ነው፡፡
  • ምን? እስኪ ቀጥይ…?
  • ሥልጣንና ገንዘብ ያላቸው በአርሶ አደር ስም ፖለቲካ መሬት እየተቆጣጠሩ፣ ከተሜውም የሚፈናቀልበት አሠራር መቆም አለበት። ካልሆነ ግን ከተሜውም መጠየቁ አይቀርም።
  • ምን? ተፈናቃይ ነኝ ብሎ?
  • እሱ ብቻ አይደለም፡፡
  • ሌላ ምን ሊል ይችላል?
  • የአርሶ አደር ልጅ ነኝ!

በብዛት የተነበቡ ፅሁፎች

የአየር መንገድ ተጓዦች በሻንጣ የሚያስገቡትን የልብስና የጫማ ብዛት የሚገድብ ረቂቅ መመርያ ተዘጋጀ

ከቀረጥ ነፃ ይገቡ የነበሩ ዕቃዎች 87 በመቶ እንዲቀንሱ ተደርጓል መንገደኞች...

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

በወለድ ነፃ የባንክ አገልግሎት የተሰበሰበው ከፍተኛ ሀብት ጥቅም ላይ እየዋለ አይደለም ተባለ

በኢትዮጵያ ከወለድ ነፃ የባንክ አገልግሎት የተሰበሰበው የተቀማጭ ገንዘብ መጠን...

ብሔራዊ ባንክ ለጥቃቅንና አነስተኛ ብድሮች ዋስትና መስጠት ሊጀምር ነው

ኢንተርፕራይዞችን ብቻ የሚያገለግል የፋይናንስ ማዕከል ሥራ ጀመረ የኢትዮጵያ ብሔራዊ ባንክ...
- Advertisment -

ትኩስ ፅሁፎች

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...

አዲስ ሲኖዶስ አቋቁመዋል በተባሉና በኦሮሚያ መንግሥት ላይ ክስ ለመመሥረት ዕግድ ተጠየቀ

የፌዴራል ፖሊስና የኦሮሚያ ፖሊስ ኮሚሽኖችም ተካተዋል የኢትዮጵያ ኦርቶዶክስ ተዋህዶ ቤተ...
spot_img

ተዛማጅ ፅሁፎች

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን ምን እንደሆነ በይፋ በመናገራችን ተዋናዮቹ ራሳቸውን ለመከላከል በየቦታው ግጭት እየቀሰቀሱብን ነው። ታዲያ ምንድነው ማድረግ የሚሻለን ትላለህ? ከእርሶ...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ ክቡር ሚኒስትር፡፡ ምን ገጥሞህ ነው? ስምምነቱን ጥሰውታል ክቡር ሚኒስትር? ኧረ ተውው ተረጋጋ፡፡ እሺ ክቡር ሚኒስትር ይቅርታ... ደንቆኝ እኮ ነው። ስምምነቱን...

[ክቡር ሚኒስትሩ ለከተማ አስተዳደሩ እንድ ሹም በቢሮ ስልካቸው ላይ ደጋግመው ቢደውሉም ሊያገኟቸው ስላልቻሉ ወደ እጅ ስልካቸው ሞከሩ] 

ጤና ይስልጥልኝ ክቡር ሚኒስትር? ትላንት የቢሮ ስልክዎ ላይ ብደውል ለሥራ ወጥተዋል ተባልኩ፣ ዛሬም ስደውል ለሥራ ወጥተዋል ተባልኩ። ልክ ነው ክቡር ሚኒስትር ቢሮ አልገባሁም ነበር። እኔ ሳላውቅ የጀመሩት...