Monday, February 6, 2023
- ማስታወቂያ -
- ማስታወቂያ -

ሁለተኛው የኢትዮጵያ ብሔራዊ የፋይናንስ አካታችነት ሰነድ ይፋ ሆነ

- ማስታወቂያ -

ተዛማጅ ፅሁፎች

የሚኒስትሮች ምክር ቤት ባለፈው ዓመት መጋቢት ወር 2014 ዓ.ም. ተወያይቶበት ያሳለፈው ሁለተኛው ብሔራዊ የፋይናንስ አካታችነት ስትራቴጂ ሰነድ ይፋ ሆነ፡፡ ሰነዱ የመጀመሪያውና በ2008 ዓ.ም. ተዘጋጅቶ በ2013 ዓ.ም. የተጠናቀቀውን ስትራቴጂ ተክቶ ከ2014 ዓ.ም. እስከ 2018 ዓ.ም. የአገሪቱን የፋይናንስ አካታችነት የሚያቅድ ሰነድ ነው፡፡

በብሔራዊ ባንክና በብሔራዊ ፋይናንስ አካታችነት ካውንስል አማካይነት ተሰናድቶ ይፋ የሆነው ይህ ሰነድ፣ ሁለተኛውን ስትራቴጂ አዘጋጅቶ የማውጣት ምክንያታዊነት በአምስት ዘርዝሮ አውጥቷል፡፡ የተዘረዘሩት ምክንያቶችም በፋይናንስ ሴክተሮች አስቻይ ሁኔታዎችና አዳዲስ ገጠመኞች ማደግ፣ ከአገር በቀል ኢኮኖሚ ማሻሻያ ዕቅዱ ጋር ማስኬድና የመጀመሪያው ስትራቴጂ መጠናቀቅ ይገኙበታል፡፡

በምክንያታዊነት ከተጠቀሱት መካከል፣ የፋይናንስ አካታችነት የበለጠ ማደግና የፋይናንስ አገልግሎት በበቂ ሁኔታ ያላገኙ አካባቢዎችን ለማዳረስ ትኩረት መስጠት ዋነኛዎቹ ናቸው፡፡

ከጎረቤት አገሮች ጋር በማወዳደርም ኢትዮጵያ የበለጠ መሥራት እንዳለባት በሰነዱ የተጠቀሰ ሲሆን፣ በኢትዮጵያ የፋይናንስ አካታችነት 45 በመቶ መሆኑንና ነገር ግን በኬንያ 83 በመቶ፣ እንዲሁም በሩዋንዳ 77 በመቶ መሆኑን ጠቅሷል፡፡ በሰነዱ እንዳረፈው በኢትዮጵያ የስትራቴጂው መጠናቀቂያ 2018 ዓ.ም. ላይ የፋይናንስ ተደራሽነትን በማስፋት፣ 70 በመቶ የሚሆነው ማንኛውም ባንክ መጠቀም የሚችል ግለሰብ እንዲካተት እንደሚያደርግ በተልኮው ይዟል፡፡  

የመጀመሪያው ስትራቴጂ በ2008 ዓ.ም. ሲወጣ በሞባይል የሚደረግ የገንዘብ ዝውውር ከአጠቃላይ በባንክ ከሚደረግ ዝውውር ውስጥ አንድ በመቶውን ብቻ ይሸፍን የነበረ ሲሆን፣ ይህም ሲጠናቀቅና ሁለተኛው ስትራቴጂ ከመጀመሩ በፊት በማሳደግ ስምንት ሚሊዮን በሞባይል የገንዘብ ዝውውር ተጠቃሚዎች መመዝገባቸው በሰነዱ ተጽፏል፡፡

የዲጂታል ክፍያንና ዲጂታል ፋይናንስ አጠቃቀምን ማሳደግ የስትራቴጂው ዋነኛ ዕቅድ ሲሆን፣ እንደ ዋነኛ ዕቅድ ከሰፈሩ መካከል የሞባይል ገንዘብን በማሳደግ የዲጂታል ክፍያ አጠቃቀምን  በ2014 ዓ.ም. ከነበረበት 20 በመቶ ወደ 49 በመቶ ማሳደግ ይገኝበታል፡፡

ከስትራቴጂው ግቦች መካከል የሸሪዓ ሕግን የጠበቀ የባንክ አገልግሎት ተጠቃሚዎችን ዕቅዱ ሲወጣ ካለበት 5.4 ሚሊዮን ወደ አሥር ሚሊዮን ማድረስ ይገኝበታል፡፡ አነስተኛና ጥቃቅን ኢንተርፕራይዞች በግሉ ዘርፍ ከሚወራው አጠቃላይ የብድር መጠን፣ ዕቅዱ ሲወጣ ካለበት አምስት በመቶ ወደ አሥር በመቶ ማሳደግም ሌላኛው ዕቅድ ነው፡፡ በተጨማሪም የፋይናንስ ምርቶች አገልግሎቶችን ዕውቀት በማኅበረሰቡ በማስፈን በኩል ተጨማሪ አሥር ሚሊዮን ዜጎችን ለማሳወቅ ግብ ይዟል፡፡

በብሔራዊ ባንክ ሥር የሚገኘው፣ እንዲሁም በገንዘብ ሚኒስትሩ አቶ አህመድ ሽዴ ዋና ሊቀመንበርነትና በብሔራዊ ባንክ ገዢው ይናገር ደሴ (ዶ/ር) ምክትል ሊቀመንበርነት የሚመራው፣ የብሔራዊ ፋይናንስ አካታችነት ካውንስል አዘጋጅቶ ይፋ ባደረገው ሰነድ እንደተገለጸው፣ ለዚህ ስትራቴጂ ተፈጻሚነት መንግሥት ቁርጠኝነቱን ይገልጻል፡፡ 

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች