Friday, March 1, 2024
- Advertisement -
- Advertisement -
ማኅበራዊበሰሜን ወሎ ዞን በወባ በሽታ የተያዙ ሰዎች ቁጥር 18 ሺሕ ደረሰ

በሰሜን ወሎ ዞን በወባ በሽታ የተያዙ ሰዎች ቁጥር 18 ሺሕ ደረሰ

ቀን:

በአንዋር አባቢ

በአማራ ብሔራዊ ክልላዊ መንግሥት በሰሜን ወሎ ዞን በወባ የተያዙ ሰዎች ቁጥር 18 ሺሕ መድረሱ ተገለጸ፡፡

የሰሜን ወሎ ዞን ጤና መምርያ ኃላፊ ሲስተር ፈለቁ መኮንን ለሪፖርተር  እንደገለጹት፣ ወባ በሽታ በዞኑ በስምንት ሥፍራዎች በስፋት ተከስቷል፡፡ ለወባ መራቢያ ምቹ የሆኑ ቦታዎች በጦርነት ቀጣና ውስጥ በመቆየታቸው ምክንያት፣ የቅድመ መከላከል ሥራ ሳይሠራ በመቆየቱ የወባ ሥርጭት ሊጨምር መቻሉን ኃላፊዋ ገልጸዋል።

- Advertisement -

Video from Enat Bank Youtube Channel.

በሁሉም ወረዳዎችና ከተማ አስተዳደሮች 59,671 የኅብረተሰብ ክፍሎች የወባ በሽታ ምርመራ እንደተደረገላቸው የተናገሩት ሲስተር ፈለቁ፣ ከተመረመሩት ውስጥ 18 ሺሕ ሰዎች  ላይ የወባ በሽታ እንደተገኘባቸው ተናግረዋል።

የወባ በሽታን ለመከላከል የሕክምና አገልግሎት ብቻ መስጠት በቂ እንዳልሆነ  ኃላፊዋ ገልጸው፣ ቋሚ የወባ መራቢያ ቦታዎችን በመለየት የቁጥጥር ሥራ ማከናወን እንደሚያስፈልግ አስረድተዋል።

የዞኑ አብዛኛዎቹ አካባቢዎች ለወባ መራቢያ ምቹ በመሆናቸው፣ በስምንት ወረዳዎችና ከተሞች በወባ በሽታ የሚያዙ ሰዎች ቁጥር ጨምሯል ብለዋል።

የሰሜን ወሎ ዞን  የጦርነት ቀጣና ውስጥ ስለነበረ የተለያዩ የቅድመ መከላከል ሥራዎች እንዳልተከናወነ የጠቆሙት ኃላፊዋ፣ በዚህም የተነሳ በዞኑ በርካታ ወረዳዎች የወባ በሽታ ሥርጭት በከፍተኛ መጠን እንደጨመረ አውስተዋል።

በዞኑ የተከሰተውን ከፍተኛ የሆነ የወባ በሽታ ሥርጭት የመመርመርና የመለየት ሥራ በጤና ተቋማቱ እየተከናወነ መሆኑን፣ ሆኖም የግብዓትና የሕክምና መስጫ ቁሳቁስ እጥረት እክል እንደሆነ ገልጸዋል፡፡ በማሳያነትም በአንድ ጤና ጣቢያ ውስጥ ማይክሮስኮፕ እንደሌለ፣ ይህም ችግር የወባ በሽታን ለመመርመር እንዳስቸገረ አስረድተዋል።

የታቆሩ ውኃዎችን ማፍሰስና ጊዜያዊ የወባ መራቢያ ቦታዎችንም በመለየት ኅብረተሰቡን ያሳተፈ ሥራ በማከናወን ላይ እንደሚገኙም አብራርተዋል።

በጦርነቱ ምክንያት በርካታ የጤና ተቋማት በመውደማቸውና የቅድመ መከላከል ሥራ ባለመሠራቱ ችግሩ እንደ አዲስ እንዲባባስ አድርጎታል ብለዋል።

እንደ ሲስተር ፈለቁ  ገለጻ በሽታውን ለመቆጣጠር ኅብረተሰቡ በወባ መከላከልና ማስወገድ ላይ ያለውን ግንዛቤ ማሳደግ፣ የወባ ትንኝ ቁጥጥር ሥራዎችን ማጠናከር፣ ኅብረተሰቡ አጎበሮችን እንዲጠቀም ማድረግ፣ የወባ በሽታ ሕክምና አገልግሎት መስጠትና ሌሎች ተያያዥ ሥራዎችን መሥራት ከጤና ተቋማትና ከማኅበረሰቡ የሚጠበቁ ተግባራት ናቸው።

በሌላ በኩል የሕክምና ተቋማቱ በሦስተኛው ዙር የሰሜኑ ክፍል ጦርነት በደረሰባቸው ጉዳት ምክንያት ለኅብረተሰቡ ተገቢውን አገልግሎት መስጠት በሚችሉበት አቅም ላይ አለመሆናቸውን አስረድተው፣ ተቋማቱ አገልግሎት እንዲሰጡ ጥረት እየተደረገ እንደሚገኝ ገልጸዋል፡፡

የጤና ተቋማት ባለሙያ ተሟልቶላቸው ለአገልግሎት ክፍት የተደረጉ ቢሆንም የላብራቶሪ አገልግሎት፣ ማኅበረሰቡ የሚፈልገውን ዓይነት ሕክምናና የሚጠበቅባቸውን አገልግሎት እየሰጡ እንዳልሆነ ኃላፊዋ አክለዋል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...