Monday, February 6, 2023
- Advertisment -
- Advertisment -

[ክቡር ሚኒስትሩ በዕረፍት ቀናቸው እርጅና የተጫጫናቸው አጎታቸውን ለመጠየቅ ቢሄዱም ሚኒስትሩ ራሳቸው ተጠያቂ ሆነዋል]

  • ዛሬ እንዴት ትዝ አልኩህ ክቡር ሚኒስትር?
  • ልትመዛት ያሰብካት ነገር አለች ማለት ነው?
  • እንዴት?
  • ክቡር ሚኒስትር ብለህ ጠራኸኛ?!
  • ክቡር ሚኒስትር አይደለህም እንዴ?
  • እንደዚያ ብለህ በጠራኸኝ ቁጥር አንድ ያልተዋጠለህን ነገር ታነሳለህ። ስለዚህ ዛሬም አንድ ነገር አለ ማለት ነው።
  • አንድ ብቻ አይደለም።
  • ይኸው…?
  • እንዲያው ግን ምን እየሆናችሁ ነው? የምታደርጉትን ነገር ታውቁታላችሁ?
  • ምን አደረግን ደግሞ?
  • የበለጠ የሚያብከነክነኝ ደግሞ ይኼ ነገራችሁ ነው?
  • ምኑ?
  • የምትፈጽሙትን ስህተት እንኳን በቅጡ አትገነዘቡትም።
  • ስህተት ያልከውን ለምን አትነግረኝም?
  • የክረምቱን ዝናብና ቁር ችሎ ሕዝብ ድምፁን በሰጣችሁ ማግስት አናውቅህም አላችሁት?
  • መቼ ነው ደግሞ እንደዚህ ያልነው?
  • አንድ የሕዝብ እንደራሴ ሰሞኑን ላነሱት ጥያቄ ምን ብላችሁ ነው የመለሳችሁት?
  • ምን አልን?
  • ሕዝብ ድምፁን የሰጠው ለፓርቲያችን እንጂ እርስዎን ማን ያውቅዎታል ብላችሁ የሕዝብ ተወካይን አላንጓጠጣችሁም?
  • ማንጓጠጥ እኮ አይደለም?
  • እና ምንድነው? ለዚያውም ለሰፊው ሕዝብ በቴሌቪዥን እያስተላለፋችሁ አይደል እንዴ ያንጓጠጣችሁት?
  • አገላለጹን ላትወደው ትችል ይሆናል ነገር ግን በወቅቱ የተባለው ዓለም አቀፍ እውነታ ነው።
  • ሆሆ… የሕዝብ ተወካይን ማንጓጠጥ ነው ዓለም አቀፍ እውነታ?
  • እንደዚያ ማለቴ አይደለም።
  • እህሳ?
  • የፓርላማ ሥርዓት በሚከተሉ አገሮች ውስጥ ሕዝብ የሚወክለውን ፓርቲ እንጂ ግለሰብን አይመርጥም ማለቴ ነው።
  • አርጅቷል ምንም አያውቅም ብለህ ነው?
  • ኧረ በጭራሽ? እውነታውን ነው የነገርኩህ አጎቴ።
  • እንደዚያ ከሆነ መራጩ ሕዝብ አንድን የሕዝብ ተወካይ አልሠራልኝም ብሎ ሲያምን ማንሳት አይችልም ማለት ነው?
  • እንደዚያ እንኳ ማለቴ አይደለም።
  • ፓርቲውስ አባሉ የሆነ አንድ የሕዝብ ተወካይን ስላልፈለገው ብቻ ከሕዝብ ተወካይነቱ ሊያነሳው ይችላል?
  • ኧረ በጭራሽ። ምናልባት ከፓርቲ አባልነቱ ያሰናብተው ይሆናል እንጂ ከሕዝብ ተወካይነቱ እንኳ ማንሳት አይችልም።
  • እና አንድን የሕዝብ ተወካይ ማን ያውቅሃል፣ የተመረጠው ፓርቲያችን ነው ማለት ማንጓጠጥ አይደለም።
  • ምን መሰለህ አጎቴ?
  • ቆይ ቆይ! ልጨርስ!
  • እሺ
  • አንድ የሕዝብ ተወካይ እንደዚያ ሲንጓጠጥ ማየቴ ሲገርመኝ ትልቁን ጉድ ዘርግፋችሁት መደበቂያ አጣሁ። አሁን እንደዚያ ይባላል?
  • ምንድነው እሱ?
  • የአገሪቱ የመጨረሻ የሥልጣን አካል የሆነውን ምክር ቤት በጀት አልሰጠኸኝምና ልትቆጣጠረኝ አትችልም አላላችሁም።
  • ቆይ ላስረዳህ አጎቴ!
  • ምክር ቤቱ በጀት ባይፈቅድስ? ልማት ተብዬው የመንግሥትና የሕዝብ የጋራ ሀብት በሆነው መሬት ላይ አይደለም የሚገነባው?
  • ቆይ አጎቴ ምን መሰለህ ላስረዳህ፡፡
  • እንደዚያ ከሆነ ምክር ቤቱ ከውጭ የተገኘ ብድርና ስጦታ አጸደቀ ከምትሉን ስጦታውን ወስዳችሁ ብድር ብቻ አጸደቀ ለምን አትሉንም?
  • እንዴት ይሆናል?
  • እናንተ ዘንድ ምን የማይሆን ነገር አለ?
  • እንዴት? ምን ማለትህ ነው?
  • ከአሁን አሁን የሕዝብ ተወካዮቹ ይቃወማሉ ስል….
  • እ… ምን ሆነ?
  • አጨብጭበው እርፍ!
  • ይኸውልህ አጎቴ፣ የፓርላማ ሥርዓትን በሚከተል አገር…
  • አታስረዳኝ አልኩህ እኮ። እናንተን የሚያስልፍጋችሁ ሌላ ነገር ነው።
  • ምንድነው?
  • ትግል ነው!
  • ኪኪኪኪ… አይ አጎቴ…
  • እውነቴን ነው።
  • እንዴት?
  • አልተገነዘባችሁትም እንጂ ጊዜው የትግል ሊሆንባችሁ ነው።
  • ታዲያ ለምን አትቀላቀልም?
  • ምኑን?
  • ትግሉን?
  • መድኃኒት ላይ ነኝ!

በብዛት የተነበቡ ፅሁፎች

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የአየር መንገድ ተጓዦች በሻንጣ የሚያስገቡትን የልብስና የጫማ ብዛት የሚገድብ ረቂቅ መመርያ ተዘጋጀ

ከቀረጥ ነፃ ይገቡ የነበሩ ዕቃዎች 87 በመቶ እንዲቀንሱ ተደርጓል መንገደኞች...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

ብሔራዊ ባንክ ለጥቃቅንና አነስተኛ ብድሮች ዋስትና መስጠት ሊጀምር ነው

ኢንተርፕራይዞችን ብቻ የሚያገለግል የፋይናንስ ማዕከል ሥራ ጀመረ የኢትዮጵያ ብሔራዊ ባንክ...
- Advertisment -

ትኩስ ፅሁፎች

የኢትዮጵያ ኦርቶዶክስ ተዋሕዶ ቤተ ክርስቲያንና የመንግሥት ውዝግብ

የጠቅላይ ሚኒስትር ዓብይ አህመድ (ዶ/ር) መንግሥት ባለፉት አራት ዓመታት...

የኢትዮጵያ ካፒታል ገበያ ምሥረታ ዝግጅቶችና ከገበያው የሚጠበቁ ዕድሎች

ኢትዮጵያ ከ50 ዓመት በኋላ ዳግም የምታስጀምረውን የካፒታል ገበያ ዘመኑን...

አዲሱ የብሔራዊ ባንክ ገዥ ትኩረት የሚያደርጉባቸውን ቀዳሚ ጉዳዮች ይፋ አደረጉ

አዲሱ የኢትዮጵያ ብሔራዊ ባንክ ገዥ ትኩረት አድርገው የሚሠሩባቸውን ቀዳሚ...

መንግሥት የደቡብ ሱዳን ታጣቂዎች ድንበር ጥሰው የሚያደርሱትን ጥቃት እንዲያስቆም ተጠየቀ

የሕዝብ ተወካዮች ምክር ቤት የውጭ ግንኙነትና የሰላም ጉዳዮች ቋሚ...

አዲስ ሲኖዶስ አቋቁመዋል በተባሉና በኦሮሚያ መንግሥት ላይ ክስ ለመመሥረት ዕግድ ተጠየቀ

የፌዴራል ፖሊስና የኦሮሚያ ፖሊስ ኮሚሽኖችም ተካተዋል የኢትዮጵያ ኦርቶዶክስ ተዋህዶ ቤተ...
spot_img

ተዛማጅ ፅሁፎች

[ክቡር ሚኒስትሩ በወቅታዊ ፀጥታና ደህንነት ጉዳዮች ላይ የቀረበላቸውን ምክረ ሐሳብ እያደመጡ ነው]

ችግሩ ምን እንደሆነ በትክልል ለይተነዋል ግን ግን ምን? በይፋ መናገር አልነበረብንም። ለምን? ችግሩን ምን እንደሆነ በይፋ በመናገራችን ተዋናዮቹ ራሳቸውን ለመከላከል በየቦታው ግጭት እየቀሰቀሱብን ነው። ታዲያ ምንድነው ማድረግ የሚሻለን ትላለህ? ከእርሶ...

[ክቡር ሚኒስትሩ ወደ ቢሯቸው እንደገቡ የፖለቲካ አማካሪያቸው ስለ ሰሜኑ ግጭት የሰላም ስምምነት አተገባበር ማብራሪያ ለመጠየቅ ገባ]

ክቡር ሚኒስትር ጥሰውታል? እንዴ? እስኪ ተረጋጋ ምንድነው? መጀመርያ ሰላምታ አይቀድምም? ይቅርታ ክቡር ሚኒስትር፡፡ ምን ገጥሞህ ነው? ስምምነቱን ጥሰውታል ክቡር ሚኒስትር? ኧረ ተውው ተረጋጋ፡፡ እሺ ክቡር ሚኒስትር ይቅርታ... ደንቆኝ እኮ ነው። ስምምነቱን...

[ክቡር ሚኒስትሩ ለከተማ አስተዳደሩ እንድ ሹም በቢሮ ስልካቸው ላይ ደጋግመው ቢደውሉም ሊያገኟቸው ስላልቻሉ ወደ እጅ ስልካቸው ሞከሩ] 

ጤና ይስልጥልኝ ክቡር ሚኒስትር? ትላንት የቢሮ ስልክዎ ላይ ብደውል ለሥራ ወጥተዋል ተባልኩ፣ ዛሬም ስደውል ለሥራ ወጥተዋል ተባልኩ። ልክ ነው ክቡር ሚኒስትር ቢሮ አልገባሁም ነበር። እኔ ሳላውቅ የጀመሩት...