Tuesday, December 6, 2022
ሌሎች ዓምዶች
    - Advertisment -
    - Advertisment -

     [ክቡር ሚኒስትሩ እራት እየበሉ መንግሥትን በሚተቹ ጋዜጠኞች ላይ እየተወሰደ ያለውን ዕርምጃ የተመለከተ መረጃ እየቀረበላቸው ነው]

    • ለጋዜጠኞቹ መንግሥትን እንዲተቹ መረጃ የሚሰጧቸው ታሪካዊ ጠላቶቻችን ናቸው፡፡
    • እነሱ አይደሉም፡፡
    • እና የትኞቹ ናቸው?
    • እዚሁ ከተማችን የሚገኙ ምዕራባውያን ናቸው።
    • እንዴት ነው መረጃውን የሚያቀብሏቸው?
    • እራት እያበሉ ነው።
    • ምን?
    • አዎ፣ እራት ግብዣ ይጠሯቸውና መተቸት ያለባቸውን ጉዳይ ያስጨብጧቸዋል።
    • ምን ዓይነት እራት ቢሆን ነው መንግሥትን ለመተቸት ያስደፈራቸው?
    • እሱን ማወቅ አልቻልንም ክቡር ሚኒስትር፡፡
    • ምክንያቱ ይህ ጋዜጠኞቹን ለምን አታቀርቧቸውም?
    • የተወሰኑትን አብልተናል።
    • እራት?
    • አይደለም።
    • ምሣ ነው?
    • አይደለም።
    • እና ምንድነው?
    • አሳራቸውን፡፡
    • እንዴት እንደዛ ታደርጋላችሁ?
    • መፍትሔ ያመጣል ብለን አስበን ነው ክቡር ሚኒስትር።
    • ጋዜጠኞችን ማሰር መፍትሔ አይደለም ብየ ስንት ጊዜ ነው የተናገርኩት? ትክክል አልሠራችሁም፡፡
    • ስህተት እንደሠራን ዘግይቶ ነው የገባን ክቡር ሚኒስትር።
    • እንዴት?
    • ጋዜጠኞቹ ቢታሰሩም ኤምባሲዎቹ ግን እራት መጋበዛቸውን አጠናክረው ነው የቀጠሉበት።
    • ሌሎች ጋዜጠኞችን መጋበዝ ነው?
    • አይደለም።
    • እና ለማን ነው የእራት ግብዣው?
    • ጋዜጠኞችን ስናስር የሚጋብዙት ዳኞችን ነው።
    • ዳኞችን?
    • አዎ።
    • ዳኞችን መጋበዝ ለምን አስፈለጋቸው?
    • ጋዜጠኞቹን በዋስ እንዲፈቱ፡፡
    • ዳኞቹ?
    • አዎ፡፡
    • በእራት ግብዣ ሊያዳክሙን እየጣሩ ነው?
    • በእራት ግብዣ የአገር ሉዓላዊነት አደጋ ላይ አይወድቅም ብለን እኛም ዕርምጃ ወስደናል፡፡
    • የምን ዕርምጃ ማን ላይ?
    • ጋዜጠኞቹን እንዳበላናቸው ዳኞቹንም…
    • እንዳትጨርሰው እንዳትጨርሰው፡፡
    • ለመቀጣጫ ብለን የተወሰኑትን አብልተናቸዋል።
    • ዳኞቹን?
    • አዎ። ግን እሱም ውግዘት አስከተለብን እንጂ አልሠራም።
    • ማሰር መፍትሔ አይደለም ብዬ የምለፈልፈው ለዚህ እኮ ነው። እናንተ ግን አትሰሙም።
    • ምን እናድርግ ታዲያ ክቡር ሚኒስትር? ዝም እንበል?
    • መፍትሔው እሱ አይደለም፡፡
    • ምንድነው ታዲያ?
    • እራት የሚያበሉትን መከታተልና መሰለል ነው መፍትሔው።
    • እነሱን መከታተል አስቸጋሪ ነው ክቡር ሚኒስትር። የሕግ ከለላ ስላላቸው ልናስራቸውም እንችልም!
    • ማሰር መፍትሔ አይደለም እያልኩህ አስሬ ማሰር ማሰር አትበልብኝ፡፡
    • እንዴት መከታተል እንችላለን ታዲያ?
    • እሱን ሲደርስ ታያለህ፡፡
    • ምን አስበው ነው ክቡር ሚኒስትር?
    • እያንዳንዷን እንቅስቃሴያቸውን ከላይ ሆነን እንከታተላለን።
    • እንዴት ብለን… ሳተላይት ሳይኖረን?
    • እየገነባን ነው፡፡
    • ሳተላይት? 
    • አዎ፡፡
    • የት?
    • እንጦጦ ላይ!

    [ክቡር ሚኒስትሩ ሥራ ደክመው ውለው አመሻሹን ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን የፓርላማ ውሎ ተመስጠው ሲመለከቱ አገኟቸውና በድጋሚ አብረው መከታተል ጀመሩ]

    • እንዴ? ምን ለማለት ፈልገው ነው?
    • ምን አሉ?
    • ስለ ብርጭቆ የሚሉትን አልሰማህም?
    • ሰምቻለሁ።
    • ታዲያ እንደዛ ማለት ነበረባቸው?
    • እንዴት? ትክክል አይደለም የተናገሩት?
    • ተመረመሩ የሚል ዜና ሰሞኑን ተነግሮ አልነበር እንዴ?
    • ስለምንድን እያወራሽ ያለሽው አልገባኝም? ምን ያሉ መስሎሽ ነው?
    • በእጃቸው ስለያዙት ብርጭቆ የተናገሩትን አትሰማም እንዴ አንተ ደግሞ?
    • ይችን ብርጭቆ እዚያ ጋ ሆኖ ማየትና እዚህ ጋር ሆኖ ማየት በጣም የተለያዩ ነገሮች ናቸው ያሉትን አይደል የምትይው?
    • አዎ፡፡
    • ታዲያ ምንድነው ችግሩ?
    • ከርቀት ቢያዩትም ብርጭቆ መሆኑን የሚስቱ አይመስለኝም ምክንያቱም…
    • እ… ምክንያቱ?
    • በቅርቡ ተመርምረዋል።
    • ማን ነው የተመረመረው?
    • አባላቱ፡፡
    • ምናቸውን?
    • ዓይናቸውን!

    በብዛት የተነበቡ ፅሁፎች

    ለካፒታል ገበያ ባለሥልጣን ስድስት የቦርድ አባላት ተሾሙ

    ይናገር ደሴ (ዶ/ር) የቦርድ ሰብሳቢ ሆነዋል ጠቅላይ ሚኒስትር ዓብይ አህመድ...

    የትጥቅ  መፍታት ሒደትና የሰላም እንቅፋቶች

    የትግራይ ተራሮች ከጦር መሣሪያ ጩኸት የተገላገሉ ይመስላል፡፡ በየምሽጉ አድፍጠው...

    በሙስና የተጠረጠሩ ከፍተኛ የመንግሥት ኃላፊዎች በቁጥጥር ሥር እየዋሉ ነው

    ብሔራዊ ፀረ ሙስና ኮሚቴ በክልሎችም ሊቋቋም ነው በቅርቡ ተቋቁሞ ወደ...

    የኢንሹራንስ ዘርፉን የሚመራና የሚቆጣጠር ራሱን የቻለ ተቋም የመመሥረት ጥያቄ ተቀባይነት አገኘ

    የኢንሹራንስ (መድን) ዘርፍን የመቆጣጠርና የመከታተል ኃላፊነት ከኢትዮጵያ ብሔራዊ ባንክ...
    - Advertisment -

    ትኩስ ፅሁፎች

    ዳግም ነፍስ የዘራው የተማሪዎች ማርች ባንድ

    የሙያው ፍቅር ያደረባቸው ገና በልጅነታቸው ነው፡፡ በ1970ዎቹ መጀመርያ፣ ለቀለም...

    በስንደዶና ሰበዝ የተቃኘው ጥበብ

    በአንዋር አባቢ ተወልዳ ያደገችው መሀል አዲስ አበባ አራት ኪሎ ነው፡፡...

    አዲስ ጥረት የሚጠይቀው  ኤችአይቪ  ኤድስን  የመግታት  ንቅናቄ

    ‹‹ኤችአይቪ በመላው ዓለም  በሚሊዮን የሚቆጠሩ ሰዎችን የሚያጠቃ ዋነኛ የሕዝብ...

    የኅትመት ብርሃን ያየው ‹‹የቃቄ ወርድዎት›› ቴአትር

    ከአራት ዓመታት በፊት በኢትዮጵያ ብሔራዊ ቴአትር መድረክ ላይ ይታይ...

    ዘንድሮ የዩኒቨርሲቲ መውጫ ፈተናን በበይነ መረብ ለማድረግ ዝግጅት መጀመሩ ተገለጸ

    በሁሉም መደበኛና መደበኛ ባልሆኑ መርሐ ግብሮች የሚመረቁ የዩኒቨርሲቲ ተማሪዎችን...
    spot_img

    ተዛማጅ ፅሁፎች

    [በተቋሙ ሠራተኞች የተወከሉ አንድ ባልደረባ ሚኒስትሩን ለማነጋገር ቀጠሮ ይዘው ወደ ቢሯቸው ገቡ]

    ጤና ይስጥልኝ ክቡር ሚኒስትር? ሰላም ሰላም ... ተቀመጥ! አመሠግናለሁ ክቡር ሚኒስትር! ቀድሜ ቀጠሮ እንዲያዝልኝ ስጠይቅ እንደገለጽኩት በተቋሙ ሠራተኛ ተወክዬ ነው የመጣሁት። እንዴ? አንተ የእኛ ተቋም ባልደረባ አይደለህም...

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...

    [ክቡር ሚኒስትሩ ከፕሮፓጋንዳ ጉዳዮች ኮሚቴ ሰብሳቢው ጋር ስለ ሰሜኑ የሰላም ስምምነት ትግበራ መረጃ እየተለዋወጡ ነው]

    እኔ ምልህ፡፡ አቤት ክቡር ሚኒስትር? የሰሜኑ ተዋጊዎች ከሠራዊታችን ጋር መቀራረብ ጀመሩ የሚባለው እውነት ነው?  አዎ። እውነት ነው ክቡር ሚኒስትር።  ከማንም ትዕዛዝ ሳይጠብቁ ነው ከእኛ ሠራዊት ጋር መቀላቀል ጀመሩ...