Saturday, November 26, 2022
ሌሎች ዓምዶች
    - Advertisment -
    - Advertisment -

    [ክቡር ሚኒስትሩ ከፕሮፓጋንዳ ጉዳዮች ኮሚቴ ሰብሳቢው ጋር ስለ ሰሜኑ የሰላም ስምምነት ትግበራ መረጃ እየተለዋወጡ ነው]

    • እኔ ምልህ፡፡
    • አቤት ክቡር ሚኒስትር?
    • የሰሜኑ ተዋጊዎች ከሠራዊታችን ጋር መቀራረብ ጀመሩ የሚባለው እውነት ነው? 
    • አዎ። እውነት ነው ክቡር ሚኒስትር። 
    • ከማንም ትዕዛዝ ሳይጠብቁ ነው ከእኛ ሠራዊት ጋር መቀላቀል ጀመሩ የተባለው?
    • አዎ። 
    • እንዴት ሊሆን ይችላል? 
    • እንዴት መሰልዎት ክቡር ሚኒስትር…
    • እ…
    • ከሰሜኑ ተዋጊዎች መካከል አንዱ ታጣቂ ብቻውን ሆኖ አቅራቢያው ወደሚገኙ የእኛ ወታደሮች እየጮኸ እንደቀረባቸው ነው የገለጹልኝ።
    • ምን እያለ ነው የሚጮኸው?
    • እንዳትገለው …እንዳትገለው እያለ ነው የቀረባቸው።
    • እና የእኛ ወታደሮች ዝም ብለው ጠበቁት?
    • ታጣቂው ብቻውን ስለነበረ ሥጋት አልፈጠረባቸውም። ነገር ግን በጥንቃቄ ነበር ይከታተሉት የነበረው።
    • እሺ…
    • ታጣቂው አሁንም አትግደለው እያለ ወደ አንዱ የእኛ ወታደር መጠጋቱን ቀጠለ።
    • አትግደለው የሚለው፣ አትግደሉኝ ለማለት ነው?
    • የእኛ ወታደሮች እንደዚያ ነበር የመሰላቸው።
    • እና ምን እያለ ነበር። 
    • ታጣቂው ግን አትግደለው ነበር የሚለው። 
    • ምኑን ነው አትግደለው የሚለው? 
    • ትምባሆውን ነው ክቡር ሚኒስትር። 
    • ምን?
    • አዎ፣ አንዱ የእኛ ወታደር እያጨሰ ነበር። አትግደለው የሚለው አትጨርሰው ለማለት ፈልጎ ነው ክቡር ሚኒስትር።
    • ምን ድራማ ነው የምታወራልኝ። 
    • ይመስላል ክቡር ሚኒስትር፣ ነገር ግን የተፈጠረውን ነው ያጫወትኩዎት።
    • እና ከዚያ በኋላ ምን ተፈጠረ? 
    • የእኛ ወታደሮች በነገሩ እየተገረሙም፣ እየሳቁም አዲስ ትምባሆ ለታጣቂው አቀበሉት።
    • ከዚያስ?
    • ከዚያ በኋላማ አካባቢው ሳቅ በሳቅ ሆነ። ይህንን የሰሙ ሌሎች ታጣቂዎችም ቀስ እያሉ መሣሪያቸውን እያሰቀመጡ ትምባሆውንና ሳቁን መቀላቀል ጀመሩ። የሚበላውንም በጋራ ተካፈሉ።
    • ይደንቃል። 
    • በጣም እንጂ ክቡር ሚኒስትር። ለማያውቅ ሰው እኮ የተጋጨነው በዚህ ነው የሚመስለው፡፡
    • በምን?
    • በሲጃራ! 
    • አንተ መቼም ቀልደኛ ነህ። እኔ ምልህ?
    • እየሰማሁ ነው ክቡር ሚኒስትር ይቀጥሉ።
    • እና ታጣቂዎቹ አሁንም ከእኛ ወታደሮች ጋር አንድ ላይ ናቸው እያልከኝ ነው። 
    • አዎ ክቡር ሚኒስትር። እንዲያውም በጋራ መሥራት ጀምረዋል።
    • ምንድነው በጋራ የሚሠሩት ደግሞ?
    • በውጊያው የሞቱ ሰዎችን በጋራ እየቀበሩ እንደሆነ ነው የሰማሁት።
    • አትለኝም?!
    • እውነቴን ነው! ምን ችግር አለው እንዴ ክቡር ሚኒስትር?
    • አይ የለም… ያንን ጉዳይም በጋራ እንዳይሉ ሠግቼ ነው።
    • የቱን ጉዳይ?
    • የትጥቁን ጉዳይ!
    • ትጥቅ መፍታቱን?
    • እ…
    • ምን ሊሉ ይችላሉ?
    • በጋራ እንፍታ!

    [ክቡር ሚኒስትሩ አመሻሹን ወደ መኖሪያ ቤታቸው ሲገቡ ባለቤታቸው ስለ ሰላም ስምምነቱ ያልገባቸውን ይጠይቋቸው ጀመር]

    • እኔ ምልህ?
    • እ… አንቺ ምትይው?
    • እንዲያው አንድ ነገር ልጠይቅህ ነበር? 
    • ስለምን? 
    • ተፈረመ ስለተባለው የሰላም ስምምነት?
    • ስለስምምነቱ ምን? 
    • የሰሜኑ ኃይል ትጥቅ ለመፍታት መስማማቱን ሰምቼ ስገረም ሌላ የተስማማው ጉዳይ እንዳለም ሰማሁ?
    • ምን?
    • የሽግግር መንግሥት እንዲመሠረት ተስማምቷል የሚል። እውነት ነው?
    • አዎ። ትጥቅ ከፈታ በኋላ የፌዴራሉ መንግሥት የሽግግር መንግሥት ያቋቁማል። 
    • እና ይህንን ተስማምቶ ተቀብሏል?
    • አዎ። ምንድነው ያስገረመሽ?
    • ያልተፈቀደ ምርጫ አካሂዶ መንግሥት መመሥረቱ አይደል እንዴ አንዱ የግጭቱ ምክንያት? 
    • አዎ፣ ትክክል ነሽ።
    • የሽግግር መንግሥት እንዲቋቋም የሚፈቅድ ከሆነ እዚህ ሁሉ እልቂት ውስጥ ለምን ገባን? ያሳዝናል! 
    • ልክ ነሽ። ያሳዝናል ከማለት ውጭ ምን ማለት ይቻላል።
    • እንዲያው እነዛኞቹንም ትጥቅ ብታስፈቷቸው ሰላም እናገኝ ነበር። 
    • የትኞቹን?
    • በምዕራብ በኩል ያሉትን።
    • እነሱን ትጥቅ ለማስፈታት እንኳ መድከም የሚያስፈልግ አይመስለኝም። 
    • ለምን?
    • ከክላሽና ዲሽቃ የዘለለ ከባድ መሣሪያ የላቸውም።
    • ቢሆንስ? መፍታት አለባቸው!
    • ቀላል መሣሪያ ማስፈታት ከጀመርንማ አንዘልቀውም። 
    • እንዴት?
    • ስንቱን አስፈትተን እንችለዋለን? 
    • እኔ ግን ትጥቅ ባይኖራቸው እንኳን ማስፈታት አለባችሁ ባይ ነኝ!
    • ትጥቅ ባይኖራቸውም?
    • አዎ!
    • እና ሌላ ምን እናስፈታቸው?
    • ፀጉራቸውንም ቢሆን ይፍቱ!

    በብዛት የተነበቡ ፅሁፎች

    ሰርጌ ላቭሮቭ ለዲፕሎማቲክ ማኅበረሰቡ በአዲስ አበባ በሰጡት መግለጫ ምዕራባውያንን አጣጣሉ 

    የሩሲያ የውጭ ጉዳይ ሚኒስትር ሰርጌ ላቭሮቭ ለአፍሪካ አገሮች ላደረጉት...

    ባንኮች በትልልቅ ባለሀብቶችና በከተሞች ላይ ያተኮረ የብድር አቅርቦታቸውን እንዲያርሙ ብሔራዊ ባንክ አሳሰበ

    የአገሪቱ ባንኮች ዋነኛ ተግባራቸው የሆነው ብድር የማቅረብ አገልግሎት እንከን...

    የኢትዮጵያ ንግድ ባንክ ከታክስ በፊት 27.5 ቢሊዮን ብር ማትረፉን አስታወቀ

    የኢትዮጵያ ንግድ ባንክ በ2014 ሂሳብ ዓመት ከታክስ በፊት 27.5...
    - Advertisment -

    ትኩስ ፅሁፎች

    አዋሽ ባንክ ካፒታሉን 55 ቢሊዮን ብር ለማድረስ ወሰነ

    የአዋሽ ባንክ ዳይሬክተሮች ቦርድ ዛሬ ህዳር 17 ቀን 2015...

    ከብሔራዊ ባንክ እውቅና ያገኘው ፔይሊንክ አክሲዮን ማህበር ምሥረታውን አካሄደ

    ከገንዘብ ንክኪ ነፃ የሆነ የዲጂታል ክፍያ ሥርዓት ለመተግበር ያቀደው...

    የተወሳሰበው ሰላም የማስፈን ሒደት

    የደቡብ አፍሪካ የሰላም ስምምነት ተፈርሞ ብዙም ሳይዘገይ የኬንያው ቀጣይ...

    በግብርና ዘርፍ ለመሰማራት ያቀደው ድርዜማ

    ከፋይናንስ ተቋማት ውጪ ባሉ የተለያዩ የቢዝነስ ዘርፎች በአክሲዮን ኩባንያ...
    spot_img

    ተዛማጅ ፅሁፎች

    [የተቃዋሚ ፓርቲው ትይዩ ሚኒስትር ክቡር ሚኒስትሩ ጋ ደውለው መንግሥት በሙሰኞች ላይ ለመውሰድ ስላሰበው የሕግ ዕርምጃ ሐሳብ እየተለዋወጡ ነው]

    ሄሎ… ማን ልበል? ጤና ይስጥልኝ ክቡር ሚኒስትር? ጤና ይስጥልኝ… ማን ልበል? የእርስዎ ትይዩ ነኝ፡፡  አቤት? ያው ፓርቲዬን ወክዬ የፍትሕ ሚኒስትሩ ትይዩ ነኝ ማለቴ ነው፡፡ ኦ... ገባኝ… ገባኝ...  ትንሽ ግራ አገባሁዎት አይደል? ትይዩ...

     [ክቡር ሚኒስትሩ እራት እየበሉ መንግሥትን በሚተቹ ጋዜጠኞች ላይ እየተወሰደ ያለውን ዕርምጃ የተመለከተ መረጃ እየቀረበላቸው ነው]

    ለጋዜጠኞቹ መንግሥትን እንዲተቹ መረጃ የሚሰጧቸው ታሪካዊ ጠላቶቻችን ናቸው፡፡ እነሱ አይደሉም፡፡ እና የትኞቹ ናቸው? እዚሁ ከተማችን የሚገኙ ምዕራባውያን ናቸው። እንዴት ነው መረጃውን የሚያቀብሏቸው? እራት እያበሉ ነው። ምን? አዎ፣ እራት ግብዣ ይጠሯቸውና መተቸት...

    [ፖለቲካ አልወድም የሚሉት የክቡር ሚኒስትሩ ባለቤት በደቡብ አፍሪካ ስለተጀመረው ድርድር ሚኒስትሩን እየጠየቁ ነው]

    እኔ ምልህ ? እ... አንቺ ምትይኝ?  የሚባለው ነገር እውነት ነው? ምን ተባለ? ሰኞ ይጀመራል የተባለው ድርድር ለአንድ ቀን የዘገየው ተደራዳሪዎቹ በቀጥታ ለሕክምና በመሄዳቸው ነው እየተባለ ነው እኮ? የእኛ ተደራዳሪዎች?  እሱን...