Thursday, April 18, 2024
- Advertisement -
- Advertisement -
ማኅበራዊበኢትዮጵያና በደቡብ ሱዳን ድንበር ለችግር የተጋለጡ ነዋሪዎችን ተጠቃሚ የሚያደርግ ፕሮጀክት ይፋ ተደረገ

በኢትዮጵያና በደቡብ ሱዳን ድንበር ለችግር የተጋለጡ ነዋሪዎችን ተጠቃሚ የሚያደርግ ፕሮጀክት ይፋ ተደረገ

ቀን:

በኢትዮጵያና በደቡብ ሱዳን ድንበር አካባቢ ለከፍተኛ ችግር ተጋልጠው የሚገኙ ነዋሪዎች ተጠቃሚ የሚሆኑበት ፕሮጀክት ይፋ ማድረጉን፣ ‹‹አክሽን ፎር ዘ ኒድ ኢን ኢትዮጵያ›› አስታወቀ፡፡

በምሥራቅ አፍሪካ የልማት በይነ መንግሥት (ኢጋድ) እና በአክሽን ፎር ዘ ኒድ ኢን ኢትዮጵያ ስምምነት መሠረት ተግባራዊ የሚደረገው ይህ ፕሮጀክት፣ ቁጥራቸው ከፍተኛ የሆነ ነዋሪዎች ተጠቃሚ እንደሚያደርግ ዓርብ መስከረም 20 ቀን 2015 ዓ.ም. ተገልጿል፡፡

የአክሽን ፎር ዘ ኒድ ኢን ኢትዮጵያ ማኔጂንግ ዳይሬክተር አቶ ሳልሁ ሡልጣን እንደገለጹት፣ በደቡብ ሱዳንና በኢትዮጵያ ድንበር ጠረፋማ አካባቢ የሚገኙ ዜጎች ተገቢውን የሆነ የሰብዓዊ ዕርዳታ ድጋፍ እንዲያገኙ ተቋሙ የተለያዩ ፕሮጀክቶችን ቀርፆ ወደ ሥራ ገብቷል፡፡

- Advertisement -

Video from Enat Bank Youtube Channel.

በኢትዮጵያና በደቡብ ሱዳን ድንበር አካባቢ የሚገኙ ነዋሪዎችን ተጠቃሚ ለማድረግ 200 ሚሊዮን ብር መነሻ ካፒታል በኢጋድ ድጋፍ መደረጉን የገለጹት ዳይሬክተሩ፣ በተገኘው የገንዘብ ድጋፍ የትምህርት፣ ዘላቂ የሆነ የመሠረተ ልማትና መልሶ የማቋቋም ሥራ እንደሚከናወን አስረድተዋል፡፡

በቋሚነት ፕሮጀክቱ ተግባራዊ የሚሆነው ከተለያዩ አጋር ድርጅቶች በሚደረግ የገንዘብ ድጋፍ እንደሆነ ጠቅሰው፣ ከአጋር ድርጅቶቹ የሚገኘው ገንዘብ በሁለቱ አገሮች ድንበር የሚገኙ ነዋሪዎች ወጥ የሆነ ድጋፍ እንዲያገኙ ይረዳል ብለዋል፡፡

ከዚህ ቀደም በኢትዮጵያ በስምንት ክልሎች የትምህርት፣ የጤና፣ የመንገድና ሌሎች የመሠረተ ልማት ሥራዎችን ተከናውነዋል የሚሉት ዳይሬክተሩ፣ በክልሎቹ የተከናወኑ ሥራዎችን ተግባራዊ ለማድረግ ከ2.8 ቢሊዮን ብር በላይ ፈሰስ መደረጉን ጠቁመዋል፡፡

ተቋሙም በአብዛኛው በዋናነት የሚሠራው መሠረተ ልማት ላይ እንደሆነ፣ ይህንንም ተግባራዊ ለማድረግ የተሰጠውንም ተልዕኮ እየተወጣ መሆኑን አክለው ገልጸዋል፡፡

የኢጋድ ዋና ጸሐፊ ወርቅነህ ገበየሁ (ዶ/ር) በበኩላቸው፣ ለአምስት ዓመታት በሚቆየው ፕሮጀክት ላይ በተለያየ ችግር ውስጥ ለሚገኙ ነዋሪዎች ሰብዓዊ ድጋፍ ይደረጋል ብለዋል፡፡ በአፍሪካም በተለያዩ ችግሮች ምክንያት የሚፈናቀሉ ዜጎች ቁጥር ከጊዜ ወደ ጊዜ እየጨመረ መሆኑን የተናገሩት ወርቅነህ (ዶ/ር)፣ ‹‹እነዚህን ዜጎች ለመታደግ ሁሉም የበኩሉን ሊወጣ ይገባል፤›› ሲሉ አስረድተዋል፡፡

በኢትዮጵያና በደቡብ ሱዳን ድንበር አካባቢ የሚገኙ ነዋሪዎች ሰብዓዊ ድጋፍ እንዲያገኙ ተቋሙ ትልቁን ድርሻ በመወጣት ላይ መሆኑን ዋና ጸሐፊው አስረድተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...