Friday, March 1, 2024
- Advertisement -
- Advertisement -
ዜናከአፍሪካ ኅብረት ውጪ ተወዳዳሪ የሰላም ሒደት እንጀምር የሚሉ አካላት ከድርጊታቸው እንዲቆጠቡ መንግሥት...

ከአፍሪካ ኅብረት ውጪ ተወዳዳሪ የሰላም ሒደት እንጀምር የሚሉ አካላት ከድርጊታቸው እንዲቆጠቡ መንግሥት አሳሰበ

ቀን:

የሰሜኑ ኢትዮጵያ ጦርነት በድርድር ለመፍታት የአፍሪካ ኅብረት ከጀመረው ጥረት ውጪ ሌላ ተወዳዳሪ የሰላም ሒደት ለመጀመር የሚሞክሩ አካላት ከድርጊታቸው እንዲቆጠቡ መንግሥት አሳሰበ፡፡

የውጭ ጉዳይ ሚኒስትር ደኤታ ተስፋዬ ይልማ (አምባሳደር) ከስዊዘርላንድ የውጭ ጉዳይ ሚኒስትር ሲሪ ዋልት ጋር ጳጉሜን 1 ቀን 2014 ዓ.ም. በአዲስ አበባ የሁለትዮሽ ግንኙነት አስመልክተው ባደረጉት ውይይት፣ የአፍሪካ ኅብረት የሰላም ሒደትን በሙሉ በመደገፍ እንዲቆሙና ሌላ ተወዳዳሪ የሰላም ሒደቶች እንጀምር የሚሉ ወገኖች ከድርጊታቸው ተቆጥበው፣ የተጀመረውን ጥረት እንዲያግዙ ማሳሰባቸውን ከውጭ ጉዳይ ሚኒስቴር ድረ ገጽ ያገኘነው መረጃ ያመለክታል፡፡

በተመሳሳይ ምክትል ጠቅላይ ሚኒስትርና የውጭ ጉዳይ ሚኒስትሩ አቶ ደመቀ መኮንን ከሳምንት በፊት በአዲስ አበባ ለሚገኙ የዲፕሎማቲክ ማኅበረሰብ አባላት ወቅታዊ ጉዳዮችን አስመልክተው በሰጡት ማብራሪያ፣ ተመሳሳይ መልዕክት ማስተላለፋቸው ይታወሳል፡፡

- Advertisement -

Video from Enat Bank Youtube Channel.

በዚህም የሰላም ድርድሩ በአፍሪካ ኅብረት ማዕቀፍ ሥር ሆኖ እንደሚቀጥልና የጎንዮሽ የሰላም ሒደት እንደማይኖር ያሳሰቡት ሚኒስትሩ፣ አክለውም አንዳንድ አካላት መንግሥትን ከሕግ ውጪ ከሆነ አሸባሪ ድርጅት ጋር ማስተካከል ማቆም እንዳለባቸውና ግጭቱን የሚያባብሱ እንዲሁም የኢትዮጵያን ሉዓለዊነት አደጋ ላይ የሚጥሉ ዕርምጃዎች ከመውሰድ እንዲቆጠቡ አሳስበው ነበር፡፡

የፌደራል መንግሥቱና የሕወሓት ታጣቂዎች የሦስተኛ ዙር ጦርነት ከመጀመራቸው በፊት፣ በአፍሪካ ኅብረት አደራዳሪነት ይካሄዳል ተብሎ ይጠበቅ የነበረውን የድርድር ሂደት ሕወሓት የድርድሩ ቦታ እንዲሁም አደራዳሪው እንዲቀየር በተደጋጋሚ ጥያቄ ሲያቀርብ ነበር፡፡

ሕወሓት ምንም እንኳን ‹‹የአፍሪካ ኅብረት ዋና አደራዳሪ በሆኑት ኦሊሴንጎ አቦሳንጆ እምነት የለኝም፣ በህብረቱ ገለልተኝነትም አላምንም›› ቢልም የኢትዮጵያ መንግሥት አደራዳሪው እንዳለ ሆኖ የድርድሩ ቦታ የትም ሊሆን እንደሚችል፣ ነገር ግን ያለምንም ቅድመ ሁኔታ ድርድሩ እንዲጀመር ሲጠይቅ ነበር፡፡

ድርድሩ  ሳይጀምር ሁለቱም አካላት እርስ በዕርስ በመወቃቀስ ወደ ጦርነት ከገቡ ሁለተኛ ሳምንት ተቆጥሯል፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...