Wednesday, October 5, 2022
ሌሎች ዓምዶች
    - Advertisement -
    - Advertisement -
    ማኅበራዊአክሰስ ባዮ በቀን እስከ 10 ሺሕ የኮቪድ-19 መመርመሪያ ኪት ማምረት ጀመረ

    አክሰስ ባዮ በቀን እስከ 10 ሺሕ የኮቪድ-19 መመርመሪያ ኪት ማምረት ጀመረ

    ቀን:

    አንድ ሰው የኮቪድ ምልክቶችን ሲያይ ወይም ራሱን ማወቅ ሲፈልግ በቀላሉ በቤት ውስጥ ሊመረምርና ውጤቱን ሊያውቅ የሚችልበት መመርመርያ በኢትዮጵያ መመረት ጀመረ፡፡ አምራቹ አክሰስ ባዩ ድርጅት እንዳስታወቀው፣ አሁን ላይ በቀን እስከ 10 ሺሕ የኮቪድ መመርመርያ ኪት የማምረት አቅም አለው፡፡

    በሙሉ አቅሙ ካመረተ በቀን እስከ 50,000 የኮሮና ቫይረስ መመርያ ማምረት እንደሚችል፣ ነገር ግን በአሁን ጊዜ ከ5,000 እስከ 10,000 እያመረተ እንደሚገኝ የአክሰስ ባዮ ቢዝነስ ማናጀር አቶ ፍሬው በቀለ ለሪፖርተር ተናግረዋል፡፡

    ድርጅቱ ከዚህ ቀደም የሌሎች ወረርሽኞች መመርመሪያዎችን በማምረት የሚታወቅ ሲሆን፣ በአሁኑ ሰዓትም 35 ሚሊዮን ብር በጀት በመያዝ ኬር ስታር (Care Star) የተሰኘ የኮቪድ-19 መመርመሪያ እያመረተ ይገኛል፡፡

    ምርቶቹን በተለያዩ ፋርማሲዎች የማከፋፈል ሥራ መጀመሩን፣ የችርቻሮ ዋጋው የአንዱ 400 ብር መሆኑንና በጅምላ ደግሞ 290 ብር እንደሚሸጥ ገልጸዋል፡፡

    የምርቱ አከፋፋይ ማልቤት ኃላፊነቱ የተወሰነ የግል ማኅበር ማናጀር አቶ አላዛር መንግሥቱ እንደተናገሩት፣ ምርቱ በተለያዩ ፋርማሲዎች የሚገኝ ሲሆን፣ ማንኛውም ሰው በቀላሉ የሚጠቀመውና በአሥር ደቂቃ ውጤት የሚያሳውቅ ነው፡፡

    ድርጅቱ የኮቪድ መመርመሪያ ከማምረት በተጨማሪ ከዚህ ቀደም ለጤና ሚኒስቴር ከ20 ሚሊዮን በላይ የወባ ቴስት ኪት ማቅረቡንም ገልጸዋል፡፡

    የኮቪድ መመርመሪያውን ከኢትዮጵያ በተጨማሪ ለሌሎች አገሮች ገበያ ለማቅረብ እየሠሩ እንደሚገኙም አክለዋል፡፡

    ኬር ቴስት የተሰኘው የኮቪድ መመርመሪያ ኪት የአሜሪካ የመድሐኒት ቁጥጥር ባለሥልጣን (USFDA) እና በኢትዮጵያ የመድሐኒት አስተዳደር ቁጥጥር ባለሥልጣን የብቃት ማረጋገጫ ያገኘ ሲሆን፣ መመርመሪያውን ለአንድ ዓመት ለአሜሪካ ገበያ ሲያቀርብ መቆየቱን ገልጸዋል፡፡

    አክሰስ ባዮ ድርጅት እያመረተ የሚገኘው የኮቪድ-19 መመርመሪያ በቀላሉ በማንኛውም ቦታ ለመጠቀም የሚያስችልና ከሁለት ዓመት በላይ ለሆነ ማንኛውም ሰው የሚያገለግል መሆኑን ተናግረዋል፡፡

    በአሜሪካ ከአንድ ዓመት ከስድት ወር በፊት አገልግሎት መስጠት የጀመረው መመርመርያ፣ በአሁን ሰዓት በኢትዮጵያ ተመርቶ በአዲስ አበባ በተመረጡ ፋርማሲዎች የሚገኝ ሲሆን፣ በቀጣይ በክልል ከተሞች ባሉ የመድሐኒት መደብሮች እንደሚቀርብ አያይዘው ገልጸዋል፡፡

    - Advertisement -

    ይመዝገቡ

    spot_img
    spot_img