Friday, September 30, 2022
ሌሎች ዓምዶች
    - Advertisement -
    - Advertisement -
    ማኅበራዊበኢትዮጵያ ለምግብ ቀውስ ምላሽ ለመስጠት አሜሪካ የ55 ሚሊዮን ዶላር ድጋፍ ይፋ አደረገች

    በኢትዮጵያ ለምግብ ቀውስ ምላሽ ለመስጠት አሜሪካ የ55 ሚሊዮን ዶላር ድጋፍ ይፋ አደረገች

    ቀን:

    አሜሪካ በአሜሪካ የልማት ተራድዖ ድርጅት (ዩኤስኤይድ) በኩል በኢትዮጵያ ያለውን የምግብ ቀውስ ለመፍታት ተጨማሪ 55 ሚሊዮን ዶላር እንደምትረዳ አስታውቃለች፡፡

    የአሜሪካ ፕሬዚዳንት ጆ ባይደን በሰኔ ማብቂያ ላይ በጀርመን በነበረው የቡድን ሰባት መሪዎች ጉባዔ ወቅት፣ በዓለም አቀፍ ደረጃ ለምግብ ቀውስ ይበልጥ ተጋላጭ የሆኑ ሕዝቦችን ለመደገፍ አሜሪካ 2.76 ቢሊዮን ዶላር እንደምትሰጥቃል የገቡ ሲሆን፣ ለኢትዮጵያ የሚሰጠው 55 ሚሊዮን ዶላርም የዚሁ አካል እንደሆነ በኢትዮጵያ የአሜሪካ ኤምባሲ የላከው ጋዜጣዊ መግለጫ ያሳያል፡፡

    ሩሲያ ዩክሬንን በመውረሯ ምክንያት በምግብና በማዳበሪያ ላይ የታየው የዋጋ ንረት በኢትዮጵያ ያለውን የምግብ ቀውስ እንዳባባሰው የጠቆመው መግለጫው፣ አሁን ይፋ የሆነው አዲስ ድጋፍ ኢትዮጵያውያን አሁን ላይ የገጠማቸውን የምግብ ቀውስ እንዲወጡትና ወደፊትም እንዲህ ዓይነቱን ችግር እንዲቋቋሙ በሚያስችሉ ሥራዎች ላይ ይውላል ብሏል፡፡

    አዲሱ ድጋፍ ከሁለት ሚሊዮን በላይ ኢትዮጵያውያንን በተለይም በዩክሬን ባለው ቀውስ ምክንያት ለችግር የተጋለጡትን ለመደገፍ እንደሚውልም አክሏል፡፡

    ከድጋፍ ተጠቃሚዎችም በሰሜን ኢትዮጵያ ጦርነት የውኃና የውኃ አቅርቦት ሥርዓታቸው የወደመባቸው አርሶ አደሮች እንደሚገኙበት በመግለጫው ተመልክቷል፡፡

    የውኃ አቅርቦት ሥርዓታቸውን መልሶ በመገንባት፣ የአግሪ ቢዝነስ ብድር በመስጠት፣ የአርሶ አደር ዩኒየኖችን በማሠልጠን የማዳበሪያና የዘር ሥርጭት ኔትወርክን ለማጠናከርና አርሶ አደሮች ወሳኝ የግብርና ቁሳቁሶችን እንዲገዙ የሚያስችልም ነው፡፡

    ከ3,500 በላይ አግሪ ቢዝነስ በማጠናከር የኢትዮጵያን የምግብ ምርት ለመገንባት፣ በምግብ ቀውሱ ይበልጥ የተጎዱትን አርሶ አደሮችና በድርቅ የተጎዱ ማኅበረሰቦች እንዲሁም የሴፍቲኔት ፕሮግራም ተጠቃሚዎችም ድጋፍ የሚያገኙ ይሆናል፡፡

    አርብቶ አደሮች አማራጭ የኑሮ ዘዴን ድጋፍ በማድረግ፣ ለገጠራማ አካባቢ ነዋሪዎች የብድር ዋስትና ፈንድን ለማስፋፋት እንዲሁም የድንበር ተሻጋሪ ንግድን ለማሻሻል ገንዘቡ እንደሚውል በመግለጫው ተመልክቷል፡፡

    - Advertisement -

    ይመዝገቡ

    spot_img
    spot_img